Ռուս խաղաղապահները շարունակում են ականազերծել Լեռնային Ղարաբաղի տարածքը

Ռուսաստանի Պաշտպանության նախարարության Ականազերծման գործողությունների միջազգային կենտրոնի մասնագետները շարունակում են Արցախի տարածքի ականազերծման աշխատանքը:

Մեկ օրում մաքրվել է 42 հեկտար տարածք, 8 կիլոմետր ճանապարհ, 41 շինություն, նաև ոչնչացման համար տեղանքից հանվել է 19 միավոր զինամթերք:  2020 թվականի նոյեմբերի 23-ից գործողության ընթացքում ռուսական խաղաղապահ ուժերի ինժեներական ստորաբաժանումների սակրավորները մաքրել են 1003,3 հեկտար տարածք, 262,8 կիլոմետր ճանապարհ, 1043 շինություն, այդ թվում՝ 28 սոցիալական օբյեկտ. վնասազերծել 23 987 պայթյունավտանգ առարկա: