Նեթանյահուն կարծում է, որ կարող են պայմաններ ստեղծվել Իրանի հետ լավ գործարքի համար

Իսրայելի վարչապետ Բենյամին Նեթանյահուն կարծիք է հայտնել, որ կարող են ստեղծվել հանգամանքներ Իրանի հետ ԱՄՆ-ի լավ համաձայնության հասնելու համար: Նա այս հայտարարությունն արել է Վաշինգտոնից մեկնելուց առաջ, որտեղ նախօրեին հանդիպել է ԱՄՆ նախագահ Դոնալդ Թրամփի հետ, փոխանցում է ՏԱՍՍ-ը։

«Քննարկվել են մի շարք հարցեր, բայց հանդիպումը հիմնականում կենտրոնացած էր Իրանի հետ բանակցությունների վրա: Կարծում եմ, որ Թրամփի ստեղծած պայմանները կարող են պայմաններ ստեղծել Թեհրանի հետ լավ համաձայնագրի հասնելու համար», - ասաց Նեթանյահուն: 

Վարչապետի հայտարարությունները տարածել է նրա գրասենյակը։ 

Նեթանյահուն նշել է, որ Թրամփի հետ հանդիպման ժամանակ «ընդհանուր թերահավատություն է հայտնել Իրանի հետ ցանկացած համաձայնագրի բնույթի վերաբերյալ», սակայն «ասել է, որ եթե իսկապես համաձայնություն ձեռք բերվի, ապա այն պետք է ներառի տարրեր, որոնք չափազանց կարևոր են Իսրայելի համար»: «Խոսքը միայն միջուկային ծրագրի մասին չէ։  Դրանք նաև բալիստիկ հրթիռներ են և իրանական վստահված անձինք տարածաշրջանում», - պարզաբանել է նա։ 

Իսրայելի վարչապետը հավելել է, որ զրույցի ընթացքում անդրադարձ է եղել նաև Գազային և ամբողջ տարածաշրջանին։