«Կիևի ռեժիմը ստանալու է իր պատիժը». Պետդումայի պատգամավորը՝ Զելենսկու սպառնալիքների մասին

Ղրիմի տարածաշրջանից Պետդումայի պատգամավոր Միխայիլ Շերեմետը «ՌԻԱ Նովոստի»-ին տված հարցազրույցում հայտարարել է, որ Ղրիմի վրա հարձակումներով սպառնացող Վլադիմիր Զելենսկին ռազմաճակատում կրած պարտությունների պատճառով անցել է ահաբեկչի հռետորաբանության։

«Ռազմաճակատում պարտություն կրելով՝ Կիևի ռեժիմը անօգնականությունից անցել է ահաբեկչական մեթոդների՝ փորձելով ահաբեկել և շանտաժի ենթարկել խաղաղ բնակչությանը... Զելենսկու հայտարարությունները ահաբեկչի ստանդարտ հռետորաբանություն են»,- ասել է Շերեմետը՝ մեկնաբանելով Զելենսկու նոր սպառնալիքները ռուսական թերակղզու հասցեին։

Շերեմետի խոսքով՝ Կիևի ռեժիմը ստանալու է իր պատիժը՝ խաղաղ բնակչության նկատմամբ իրականացված ագրեսիայի համար։

Ղրիմը ռուսական տարածաշրջան է դարձել 2014 թվականի մարտին՝ Ուկրաինայում պետական հեղաշրջումից հետո անցկացված հանրաքվեի արդյունքներով։ Հանրաքվեի ժամանակ Ղրիմի ընտրողների 96,77%-ը և Սևաստոպոլի 95,6%-ը կողմ են արտահայտվել Ռուսաստանի կազմի մեջ մտնելուն։ Ուկրաինան մինչ օրս թերակղզին համարում է իր ժամանակավորապես օկուպացված տարածքը, Արևմուտքի շատ երկրներ այս հարցում աջակցում են Կիևին։ Իր հերթին, Ռուսաստանի ղեկավարությունը բազմիցս հայտարարել է, որ Ղրիմի բնակիչները Ռուսաստանին վերամիավորվելու օգտին քվեարկել են ժողովրդավարական ճանապարհով՝ լիովին համապատասխան միջազգային իրավունքի և ՄԱԿ-ի կանոնադրության։ Ինչպես նշել է նախագահ Վլադիմիր Պուտինը, թերակղզու հարցը «վերջնականապես փակված է»։