Առգրավել են մեկ կիլոգրամ 148 գրամ մարիխուանա

Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողների և Ազգային անվտանգության ծառայության աշխատակիցների ստացած և մշակած օպերատիվ տեղեկություններն իրացվեցին Արմավիրի մարզի քրեական ոստիկանների և պարեկների հետ։

Փետրվարի 7-ին՝ երեկոյան ժամը 8-ի սահմաններում, Էջմիածին-Երևան ավտոճանապարհին, թմրամիջոց ապօրինի ձեռք բերելու, պահելու և իրացնելու կասկածանքով ձերբակալվեց և իր վարած «ԲՄՎ» մակնիշի մեքենայով հանդերձ Քրեական ոստիկանության Արմավիրի մարզային վարչություն տեղափոխվեց Աբովյան քաղաքի բնակիչ 34-ամյա մի տղամարդ։

Մեքենան տեղափոխվեց պահպանվող հատուկ տարածք և կնիքվեց։

Վաղարշապատի քննչական բաժնում նախաձեռնվեց քրեական վարույթ, և հաջորդ օրը կատարված խուզարկությամբ «ԲՄՎ» մակնիշի մեքենայում հայտնաբերվեց մարիխուանայի նմանվող զանգված՝ մեկ կիլոգրամ 148 գրամ քաշով։

Հանգամանքները պարզվում են։