Արդյո՞ք ՔՊ անդամ, պաշտոն զբաղեցնող անձ, նիկոլական աստվածաբանության կրո՞ղ մեկը կարող է կնքահայր լինել․ Գեղարդ Հովհաննիսյան

Գեղարդ Հովհաննիսյանը գրում է․

«Հարգելի պարոն Ռուբեն Ռուբինյան, խնդրեմ կարդացեք հետևյալը.

(Կնքահայր չեն կարող լինել կանայք, անչափահասները, անհավատները, այլակրոնները, այլադավանները, մկրտվողի հայրը, եղբայրը կամ պապիկը ):

Հիմա հարց. Ըստ Ձեզ, ՔՊ որևէ պաշտոնյա, Ձեզ գաղափարակից որևէ մարդ, նիկոլական աստվածաբանության որևէ հետևորդ, տեղավորվու՞մ է արդյոք այս կանոնի մեջ։

Շտապեմ պատասխանել` ի փոխան Ձեր չափազանց անտեղյակ ընկալումներով լի մտքերի. Բոլոր նրանք, ովքեր մերժում են Լուսավորչի Գահի Գահակալ Ն. Ս. Օ. Տ. Տ. Գարեգին Բ Ամենայն Հայոց Կաթողիկոսին և չեն ընդունում որպես Հայրապետ` այլադավան են ( ինչը նշանակում ` այլ դավանանք, հավատք, ընկալում, պատկերացում, Եկեղեցու կարգից և կանոնից շեղում ), իսկ այլադավանությունը` Ընդհանրական Քրիստոնեական Եկեղեցում բնորոշվում է որպես հերձված. ( ճշմարտությունից, իրականությունից, Եկեղեցու Կարգից շեղում )։ Եթե որևէ մեկը դեմ է Եկեղեցու կարգին, կանոնին, Եկեղեցու Հովվապետին, ապա ինչպե՞ս կարող է վկայել կամ հոգ տանել իր սանիկի` հոգեզավակի, քրիստոնեական կյանքի ճշմարիտ ընթացքի և կանոներով ապրելու համար։ Չե՞ք կարծում, որ Ձեզ բնորոշ է հակառակությունը, բաժանումը, կեղծիքը, սուտը, օտարամոլությունը, հակականոնական ընթացքը...

Նորից նույն հարցը. Արդյո՞ք ՔՊ անդամ, պաշտոն զբաղեցնող անձ, նիկոլական աստվածաբանության կրո՞ղ մեկը կարող է կնքահայր լինել։

հ.գ. փորձեցի շատ պարզ և հասարակ գրեմ, որ գոնե այս անգամ հասկանալի և տեսանելի լինի` ձեր բոբիկ միտքը և անտեղյակությունը...