Իրանը նշել է Հորմուզի նեղուցն առևտրային նավերի համար բացելու պայմանը

Հակամարտության ավարտից հետո Հորմուզի նեղուցով առևտրային նավերի տեղաշարժը կվերականգնվի միայն այն դեպքում, եթե դա չսպառնա Իրանի անվտանգությանը։ Նման հայտարարությամբ հանդես է եկել Իրանի պաշտպանության նախարարության պաշտոնական ներկայացուցիչ, գեներալ Ռեզա Թալայի-Նիկը։

«Պատերազմի ավարտից հետո առևտրային նավատորմի անխափան տեղաշարժը Հորմուզի նեղուցով կիրականացվի միայն այն դեպքում, եթե Իրանի անվտանգության համար սպառնալիք չառաջանա»,- նրա խոսքերը մեջբերում է Tasnim գործակալությունը։