Ամերիկյան զենքի վաճառքն Ուկրաինային շարունակվում է․ ԱՄՆ պետքարտուղար

Ուկրաինայի կարիքների համար ամերիկյան սպառազինության վաճառքի ծրագիրը շարունակվում է, այդ ոլորտում ոչ մի նախաձեռնություն չի կասեցվել, շաբաթ օրը հայտարարել է ԱՄՆ պետքարտուղար Մարկո Ռուբիոն:

«Եվրոպան սեփական քայլերն է ձեռնարկում։  PURL ծրագիրը շարունակում է գործել, դրա շրջանակներում ամերիկյան սպառազինությունը վաճառվում է Ուկրաինայի ռազմական ջանքերին աջակցելու համար։ Այս բոլոր գործընթացները շարունակվում են։ Ոչինչ չի կանգնեցվել», -ասել է նա՝ ելույթ ունենալով Մյունխենի անվտանգության համաժողովի շրջանակներում կայացած քննարկման ժամանակ։