Ալիևը խոստովանել է, որ ինքը հաղթել է ոչ թե Փաշինյանի, այլ Ռոբերտ Քոչարյանի ու Սերժ Սարգսյանի բանակին

Ադրբեջանի նախագահ Իլհամ Ալիևը ԱՊՀ ղեկավարների նիստում հայտարարել է, որ ինքը հաղթել է, ոչ թե Նիկոլ Փաշինյանի, այլ ՀՀ երկրորդ և երրորդ նախագահներ Ռոբերտ Քոչարյանի ու Սերժ Սարգսյանի բանակին, և պետք չէ «հարձակումներ գործել Փաշինյանի վրա»։

Ադրբեջանի նախագահին, իհարկե, ձեռնտու է Նիկոլ Փաշինյանի գոյությունը ՀՀ ղեկավարի աթոռին։ Բացի այդ՝ Ալիևն իր ամենապայծառ երազներում էլ անգամ չէր կարող պատկերացնել, որ կարող է ՀՀ ղեկավարին անպատվել բացեիբաց ու մնալ անպատիժ։

Հիշեցնենք` ՌԴ նախագահ Վլադիմիր Պուտինը դեկտեմբերի 17-ին իր ամենամյա մեծ ճեպազրույցի ժամանակ վերահաստատրել էր նոյեմբերի 9-ին արված հայտարարությունը, որով, կողմերը Լեռնային Ղարաբաղում պետք է կանգնեն այնտեղ, որտեղ եղել են եռակողմ հայտարարության ստորագրման ժամանակ։

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ռազմական գործողությունների դադարեցման վերաբերյալ համատեղ հայտարարություն ընդունեցին, որի համաձայն` մի շարք տարածքներ փոխանցվեցին Ադրբեջանին։

Դեկտեմբերի 12-ին ԱԽ նիստում ՀՀ վարչապետ Նիկոլ Փաշինյանը հայտարարեց, որ առաջիկայում պետք է որոշումներ կայացվեն Սյունիքին սահմանամերձ Կուբաթլուի ու Զանգելանի շրջանների հետ կապված։ Նա չբացառեց, որ այդ գործընթացի հետևանքով կարող է որոշակի լարվածություն առաջանալ։