Զելենսկին կարծում է, որ Ուկրաինայի ժողովուրդը պատրաստ է փոխզիջումների

Վլադիմիր Զելենսկին կարծում է, որ ուկրաինացիները պատրաստ են ցանկացած փոխզիջման Ուկրաինայի հակամարտության կարգավորման հարցում, հայտնում է ՏԱՍՍ-ը։

«Ես կարծում եմ, որ մարդիկ պատրաստ են ցանկացած փոխզիջման, որը չի հանգեցնի երկրի արժանապատվության և անկախության կորստին», - ասել է նա Կանադական CBC News հեռուստաալիքին տված հարցազրույցում:

Հունվարի վերջին Զելենսկին կրկին մերժել է Դոնբասի և Զապորոժյեի ատոմակայանի օգտագործման հարցում փոխզիջման հնարավորությունը, նշելով, որ Ուկրաինան «առանց պայքարի չի զիջի Դոնբասը և Զապորոժյեի ատոմակայանը ռուսներին»։ Նա նաև խոստովանել է, որ նույնիսկ Միացյալ Նահանգները չի կարողացել համաձայնության գալ այս երկու հարցերի շուրջ բանակցությունների ընթացքում։

Ուկրաինայում քաղաքացիների շրջանում աճում է նրանց թիվը, ովքեր համաձայն են որոշակի տարածքային զիջումների ռազմական հակամարտությունն ավարտելու համար։  Կիևի սոցիոլոգիայի միջազգային ինստիտուտի հարցման արդյունքների համաձայն՝ 2022 թվականից ի վեր դրանց թիվը եռապատկվել է և 2025 թվականի դեկտեմբերի դրությամբ կազմել է 33 տոկոս։  Իր հերթին, երկրի նախկին վարչապետ Նիկոլայ Ազարովը նշել է, որ յուրաքանչյուր ուկրաինացի քաղաքական գործիչ պետք է ելնի առկա իրողություններից, որ Ուկրաինան երբեք չի վերադառնա 1991 թվականի սահմաններին: