Լրահոս

Իրանի դեմ պատերազմը փոփոխելու է ոչ միայն հետպատերազմական Մերձավոր Արևելքը, այլ նաև, դատելով ԱՄՆ-Եվրոպա հակասություններից, նաև այս երկու կենտրոնների միջև հարաբերությունները։ Այս մասին գրել է իրանագետ Վարդան Ոսկանյանը։

Նավթի բարձր գինը կարող է բացասաբար ազդել Թրամփի վարկանիշի վրա և թուլացնել նրա դիրքերը Կոնգրեսում, կարծում են Ռուսաստանի Պետդումայի պատգամավորները: Նրանց կարծիքով՝ ռուսական նավթի նկատմամբ պատժամիջոցների մեղմացումը միայն համաշխարհային էներգետիկ շուկայի կայունությունը պահպանելու անհրաժեշտությամբ է պայմանավորված:

Այսօր արդարադատության նախարարը հայտարարել է՝ նոր Սահմանադրության՝ նախագծի պատրաստ լինելու մասին: Նիկոլ Փաշինյանը մայր օրենքի նոր տեքստից ուզում է ջնջել Անկախության հռչակագրին հղումը, որը նա համարում է կոնֆլիկտային, ինչպես Ալիևը: Սահմանադրության նոր նախագիծը մինչև հանրային քննարկումը՝ իշխող «Քաղաքացիական պայմանագիր» կուսակցության վարչության նիստում կքննարկվի: «Գործ ենք ունենալու այս անգամ առավել կոպիտ՝ մի քաղաքական թիմի, մի անձի համար կարված Սահմանադրության հետ»,- մտահոգություն է հայտնում սահմանադրագետը:

Այսօր՝ մարտի 16-ին, խոշոր ավտովթար է տեղի ունեցել Երևանում։ Ժամը 18։40-ի սահմաններում Հունան Ավետիսյան փողոցում բախվել են 31-ամյա Արտակ Ա․-ի վարած «Ford Fusion» մակնիշի, 22-ամյա Հովիկ Մ․-ի վարած «Tesla» մակնիշի և 40-ամյա Զոհրապ Ս․-ի վարած «Nissan Pathfinder» մակնիշի ավտոմեքենաները։

Անկախությունից ի վեր առաջին անգամ հայ ժողովուրդը մոտենում է ընտրական հերթական շրջափուլին ﬕ իրավիճակում, երբ հազարամյակներ շարունակ հայերով բնակեցված Արցախում ոչ մի հայ չի ապրում, հայկական տարածքներն օկուպացված են, ﬔր հայրենակիցները` Բաքվի բանտերում, իսկ վարչախումբը սկսել է համակարգված պայքար մեր ազգային ինքնության դեմ։ Այս մասին այսօր՝ մարտի 16-ին, «Հայաստան» դաշինքի հանդիսավոր միջոցառմանը հայտարարեց ԱԺ պատգամավոր Աննա Գրիգորյանը։

Նիկոլ Փաշինյանի և նրա թիմի մասնակցությամբ ՔՊ-ի քարոզչական ավտոբուսից տարածվող տեսանյութերը ուսումնասիրել է հոգեբան Միհրդատ Մադաթյանը և եզրակացրել, որ իշխանական թիմի պահվածքը հիստերիկ բնույթ ունի։ Նրա խոսքով՝ սոցիոլոգիական հարցումների իրական արդյունքներն են ՔՊ-ականներին նախընտրական ցնցումների մեջ գցել, ինչը փորձում են թվացյալ բարձր տրամադրությամբ քողարկել:

«Ես նրանց հետ պայքարի մեջ եմ մտել իշխանության իրենց գալու հենց առաջին օրերից, և չեմ հանգստանալու այնքան ժամանակ, մինչև նրանք չհեռացվեն: Ի դեպ, սրանով էլ եմ տարբերվում այլ վարչապետի թեկնածուներից, բայց դա բավարար չէ: Պետք է պատասխան տան նրանք, ովքեր մեղավոր են մեր հազարավոր հերոսների զոհվելու համար, ովքեր հանձնեցին Արցախը և ովքեր այսօր ստիպում են ժողովրդին մոռանալ իր հերոսական պայքարի պատմությունը:

«Պետությունը որպես մեկ ամբողջություն բաղկացած է կենսական օրգան համակարգերից, որոնք էլ ապահովում են պետության բնականոն կյանքը։ Այդ համակարգերից են համայնքը, ընտանիքը, մարդը։

Իրանի դեմ իսրայելա-ամերիկյան պատերազմի 17-րդ օրը տարածաշրջանում լարվածությունը չի թուլանում, հակառակը կողմերի հարվածները միայն ինտենսիվանում են: Իսրայելը Թեհրանում, Շիրազում, Թավրիզում հրթիռակոծությունների նոր ալիք է սկսել: Թիրախավորվում են հիմնականում կառավարական շենքեր: Հանգիստ չեն նաև իսրայելական ռադարներն, Իրանից Իսրայելի ուղղությամբ արձակված հրթիռների մեծ ալիք է ֆիքսվել:

Հայաստանին անհրաժեշտ է մարտունակ բանակ, ուժեղ առաջնորդ և հզոր դաշնակից, այս մասին հայտարարել է «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանը։

Իմաստ չունի գրաֆիկներ ներկայացնել ու բարդ տնտեսագիտական վերլուծություններ անել ցույց տալու համար, թե  Փաշինյանն ու իր թիմն ինչ տնտեսություն են ստեղծել, Հայաստանն ինչ է արտադրում և ամենակարևորը՝ ժողովուրդն ինչպես է ապրում։ Բավարար է նայել սառնարանների ու դրամապանակների պարունակությանը և ամեն ինչ պարզ կդառնա։ Այս մասին այսօր՝ մարտի 16-ին, «Հայաստան» դաշինքի հանդիսավոր միջոցառմանը հայտարարեց ԱԺ պատգամավոր Արթուր Խաչատրյանը։

«Այսօր ես այստեղ կանգնած եմ ոչ թե պարզապես որպես «Հայաստան» դաշինքի անդամ, այլ որպես մի հայ երիտասարդ, ով գիտակցաբար ընտրել է Հայաստանում ապրելը։ Ես այստեղ կանգնած եմ որպես կին, ով միայն այս հողի վրա է պատկերացնում իր ընտանիքը կազմելն ու զավակներ մեծացնելը։ Ես այստեղ եմ որպես զավակ մի ընտանիքի, որը տարիներ շարունակ դեգերել է օտար ափերում, բայց վերջապես վերադարձել է տուն՝ որովհետև այլ վայրում չի պատկերացնում իր ապագան»,- այս մասին այսօր՝ մարտի 16-ին, «Հայաստան» դաշինքի հանդիսավոր միջոցառմանը հայտարարեց ԱԺ պատգամավոր Քրիստինե Վարդանյանը։

1 տարեկան երեխային «կլինիկական մահ» ախտորոշմամբ են «Արաբկիր» բժշկական կենտրոն հասցրել: Փոքրիկը ծայրահեղ ծանր վիճակում է: Սպանության փորձի կասկածանքով ձերբակալված կա:

«Հայաստան» դաշինքի վարչապետի թեկնածուն Ռոբերտ Քոչարյանն է։ Այս մասին մարտի 16-ին քաղաքական կուսակցության կողմից Երևանում կազմակերպված արարողության ժամանակ հայտարարել է «Հայաստան» դաշինքի պատգամավոր Աննա Գրիգորյանը։

Հայլուր 20։30 Ռոբերտ Քոչարյանը՝ վարչապետի թեկնածու. վճռական է տրամադրված «Հայաստան» դաշինքը

Եթե դուք այսօր կասկածում եք, եթե վախենում եք նորից հուսախաբ լինել՝ դա բնական է, բայց չենք կարող թողնել, որ հուսալքությունը կործանի մեզ։ Այս մասին հայտարարել է ԱԺ «Հայաստան» խմբակցության պատգամավոր Քրիստինե Վարդանյանը։

Դիմում եմ ընդդիմադիր ուժերին․ մենք ընդդիմադիր դաշտում  թիրախներ չունենք, մենք ընդդիմադիր դաշտում ունենք պայքարի այսօրվա և վաղվա գործընկերներ, այս մասին հայտարարել է ՀՅԴ ԳՄ անդամ, ԱԺ «Հայաստան» խմբակցության պատգամավոր Իշխան Սաղաթելյանը։

ՀՀ երկրորդ նախագահ Ռոբերտ Քոչարյանն ու ՀՅԴ–ն որոշել են շարունակել համագործակցությունը և առաջիկա ընտրություններին մասնակցելու ենք միասնաբար «Հայաստան» դաշինքով։

Այսօր՝ մարտի 16-ին, ավտովթար է տեղի ունեցել Կոտայքի մարզում։ Ժամը 09։20-ի սահմաններում Հրազդան քաղաքի Շահումյան փողոցում բախվել են Կոտայքի մարզի բնակիչներ 40-ամյա Արտակ Բ․-ի վարած «Toyota RAV4» մակնիշի և 42-ամյա Արսեն Բ․-ի վարած «Opel Astra» մակնիշի ավտոմեքենաները։

Համաշխարհային տնտեսության համար ամենակենսական Հորմուզի նեղուցը վերահսկելու համար ԱՄՆ նախագահը միջազգային կոալիցիա է ուզում ստեղծել: Թրամփը պահանջում է ՆԱՏՕ-ական պետություններից և նեղուցով նավթ տեղափոխող մյուս երկրներից, այդ թվում՝ Չինաստանից, ապահովել նեղուցի անվտանգությունը: Սպիտակ տան ղեկավարի այս քայլը շատ փորձագետներ հուսահատ քայլ են համարում՝ նշելով, որ աշխարհի էներգետիկ զարկերակի՝ Հորմուզի նեղուցի երկարատև արգելափակումը կարող է լուրջ հետևանքներ ունենալ նաև պարենային անվտանգության համար: