ՀՀ արդարադատության նախարարությունը տեղյակ չէ փոխանցված վարձկանների գտնվելու վայրի մասին. Սպուտնիկ

Հայաստանի արդարադատության նախարարությունը, փաստորեն, տեղյակ չէ Դամասկոսին հանձնված սիրիացի վարձկանների գտնվելու վայրի մասին։

Հունվարի 14-ին Հայաստանի իշխանությունները Թուրքիայի միջոցով Սիրիային են հանձնել ցմահ դատապարտված երկու սիրիացի քաղաքացիների՝ Մուհրաբ Մուհամմադ ալ-Շխերիին և Յուսեֆ Ալաբեթ ալ-Հաջիին՝ դա բացատրելով վերջիններիս հետագա պատիժը հայրենիքում կրելով:

Sputnik Արմենիան հարցում է ուղարկել ՀՀ արդարադատության նախարարություն՝ հետաքրքրվելով.

1) շարունակու՞մ են, արդյոք, նրանք կրել պատիժը,

2) Եթե այո, ապա որտե՞ղ/ո՞ր քրեակատարողական հիմնարկում:

Արդարադատության նախարարությունից տեղեկացրել են, որ «նշված անձանց փոխանցումն իրականացվել է Հայաստանի Հանրապետության օրենսդրության պահանջներին համապատասխան՝ Սիրիայի Արաբական Հանրապետության համապատասխան քրեակատարողական հիմնարկում պատժի մնացած մասը կրելու նպատակով:

Գերատեսչությունը նաև հայտնել է, որ «փոխանցումից հետո պատժի կատարման կազմակերպումը և դրա ընթացքը գտնվում է ընդունող պետության իրավասու մարմինների իրավազորության ներքո»: