Քաղաքացուն ձերբակալել են «Տիկտոկում» Փաշինյանի մասին վիրավորական արտահայտություն անելու համար․ փաստաբան

Քաղաքացի Հայկ Եղյանին ձերբակալել են «Տիկտոկում» Փաշինյանի մասին վիրավորական արտահայտություն անելու համար։ Այս մասին հայտնել է քաղաքացու շահերի պաշտպան Ռոման Երիցյանը։

«Կուսակցության նախագահը փաստի կապակցությամբ ներկայացրել է հաղորդում, նշելով, որ վաղը կարող է ՀՀ վարչապետն ինքը լինել, և իր համար անընդունելի է, երբ վարչապետին վիրավորում են։ Քննչական կոմիտեն առանց հապաղելու քաղաքացուն ձերբալակել է, նախաձեռնել է քրեական վարույթ՝ 257-րդ հոդվածի 2-րդ մասի 3-րդ կետով։ Քաղաքացին արդեն 2 օր է՝ գտնվում է ՁՎՊ–ում, վաղն էլ պարզ կլինի՝ Քննչական կոմիտեն արդյո՞ք կդիմի դատարան քաղաքացուն կալանավորելու համար, թե՝ ոչ»,- ասել է փաստաբանը։