Գեղարքունիքի քրեական ոստիկանները հայտնաբերել են ապօրինի պահվող ատրճանակը

Քրեական ոստիկանության Գեղարքունիքի մարզային վարչությունում օպերատիվ տեղեկություն էր ստացվել, որ Ավազան գյուղի 49-ամյա բնակիչը ապօրինի պահում է մարտական ատրճանակ։ Մարտի 2-ին Համայնքային ոստիկանության Վարդենիսի բաժին հրավիրված 49-ամյա տղամարդը ոստիկանների բացատրական աշխատանքի արդյունքում հայտնել է, որ տեղեկությունը հավաստի է:

Նախաձեռնված քրեական վարույթի շրջանակում կատարված զննությամբ Ավազան գյուղի բնակչի տան հարակից կիսաքանդ շինությունում հայտնաբերվել է ակոսափող ատրճանակ: Կատարվում է նախաքննություն: