Արյունոտ վեճ՝ Արաքս գյուղում. կրակել և դանակահարել է համագյուղացիներին շան պատճառո՞վ

48 ժամում երկու սպանություն է եղել մեր երկրում՝ Արմավիրում և Սյունիքում: Կիրակի երեկոյան հայտնի է դարձել, որ Կապանում 22-ամյա երիտասարդը դանակով հարվածել է երկու հոգու: 37-ամյա Յուրի Մարգարյանը հիվանդանոցում մահացել է: Շաբաթ երեկոյան էլ սպանությամբ է ավարտվել երկու համագյուղացիների վեճը Արմավիրի մարզի Արաքս գյուղում: Այս լուրերի ֆոնին, Ներքին գործերի նախարարությունը հայտարարել է, որ մեր երկրում հրազենով կատարված ծանր և առանձնապես ծանր հանցագործությունները նվազել են: