Զախարովան Վլադիմիր Զելենսկուն անվանել է ահաբեկիչ

ՌԴ ԱԳՆ պաշտոնական ներկայացուցիչ Մարիա Զախարովան Վլադիմիր Զելենսկուն անվանել է ահաբեկիչ՝ Հունգարիայի վարչապետ Վիկտոր Օրբանի հասցեին հնչեցրած սպառնալիքներից հետո։ Այս մասին նա ասել է «Իզվեստիա»-ին տված մեկնաբանության մեջ։

«Ահաբեկիչ»,-հայտարարել է նա։

Ինչպես հայտնում է «ՌԻԱ Նովոստի»-ն, Կիևի վարչակարգի ղեկավարն ավելի վաղ սկսել էր սպառնալ Օրբանին Ուկրաինայի զինված ուժերի զինյալների հետ հանդիպմամբ՝ հունգարական կողմից ԵՄ-ի կողմից Ուկրաինային հատկացվելիք հերթական վարկի արգելափակման պատճառով: Սլովակիայի վարչապետ Ռոբերտ Ֆիցոն հայտարարել է, որ Զելենսկին անցել է «կարմիր գծերը», և կոչ է արել Եվրամիությանը տարանջատվել այդ հայտարարություններից:

Զելենսկին մշտապես կոպիտ է արտահայտվում Հունգարիայի ներկայացուցիչների, այդ թվում՝ Հունգարիայի վարչապետի հասցեին: Այսպես, ավելի վաղ ելույթ ունենալով Մյունխենի անվտանգության 62-րդ համաժողովում, նա կոպիտ կերպով արտահայտվել էր Օրբանի հասցեին՝ հայտարարելով, թե վերջինս մտածում է իր փորի մեծացման, այլ ոչ թե բանակի մասին: Նույն օրը Օրբանը մեկնաբանել էր իր հասցեին արված հարձակումը՝ ընդգծելով, որ Եվրամիությանը միանալու վերաբերյալ իրավիճակի սխալ ընկալման պատճառով Ուկրաինան չի կարողանա անդամակցել միությանը։