Եւս մեկ նախագահ՝ դատարանում. Սերժ Սարգսյանը դիմեց աջակիցներին

Հայաստանի նորագույն շրջանի համար այս օրը պատմական է: Նույն օրը երկու նախկին նախագահ դատարանի առաջ էր: Բազմաթիվ փորձագետների ուշադրությունից չի վրիպել նաև փաստը, որ նախագահների դատի օրը համընկել է Խոջալուի իրադարձությունների հետ: Այսօր Սերժ Սարգսյանի և մյուսների գործով առաջին դատական նիստն էր: 3-րդ նախագահը համոզված է, որ իր քրեական գործի բուն նպատակը մարդկանց ուշադրությունը շեղելն է կարևորագույն հարցերից, ներառյալ Ղարաբաղյան խնդրից: Դատարանի դահլիճ մտնելուց առաջ Սերժ Սարգսյանը կրկնել է՝ Արցախը երբեք չի լինելու Ադրբեջանի կազմում: