«Ադրբեջանն ու Թուրքիան 300 մլն դոլար են տալիս Փաշինյանի հաղթանակի համար». Մհեր Ղուշչյան

«Թավշյա ռեժիմի «ուսապարկերը» ծափահարում էին ոչ թե երկրի հաղթանակին կամ պարտությանը, այլ ավելի շուտ, թե ինչպես կարողացավ նրանց առաջնորդը 5 ամսում բունկերային առնետի վիճակից անցնել թավշյա վարչապետի վիճակի, որը շարունակում է ղեկավարել երկիրը, ահաբեկել մեր պետությունը, նվաստացնել ու խայտառակել մեր երկիրը։ Ավելին, նա նույնիսկ ամրապնդեց իր դիրքերը», - «Փաստինֆո» - ի եթերում հայտարարել է հասարակական գործիչ Մհեր Ղուշչյանը՝ մեկնաբանելով վերջերս խորհրդարանում Փաշինյանի ելույթն ու դրան հաջորդած խորհրդարանական մեծամասնության բուռն ծափահարությունները։

 «Իշխանական ուժերը կարողացել են գերազանց քարոզչական աշխատանք իրականացնել,- շարունակում է զրուցակիցը։ Միևնույն ժամանակ, ընդդիմադիր ուժերը չկարողացան նաև հաջող հակաքարոզչություն իրականացնել հանցավոր ռեժիմի դեմ։ Դա բացատրվում է նրանով, որ ընդդիմությունն այդ վիճակում է ընդամենը 3 տարի։ Իսկ ներկայիս իշխանությունները ընդդիմության դերում են եղել ավելի քան 20 տարի։ Երկար տարիների ընթացքում նրանք կարողացել են քարոզչական աշխատանքի շատ արդյունավետ մեթոդներ մշակել։ Ահա 3 հիմնական թեզերը, որոնցով նրանք առաջնորդվում են կապիտուլյացիայից հետո:

1. Մեղավորը թավշյա առաջնորդը չէ, նախկիններն են մեղավոր:

2.Տեղի ունեցածի համար պատասխանատու է, այնուամենայնիվ, նա, բայց նա գլխավոր մեղավորը չէ։

3. Մեղավորը մեր ռազմավարական դաշնակից Ռուսաստանի Դաշնությունն է»

«Այն ամենը, ինչ անում է ներկայիս իշխանությունը, արվում է հատուկ։ Պատահական ոչինչ տեղի չի ունենում, - կարծում է Ղուշչյանը։ Փաշինյանն ի սկզբանե փորձել է ամեն ինչ անել, որպեսզի Հայաստանը գնա դեպի արևմուտք։ Շատ փորձագետներ հայտարարում են, որ այդ պատերազմը «հրահրված» էր ներկայիս իշխանության կողմից՝ ձերբազատվելու համար Ղարաբաղյան հարցից, որպեսզի մենք որևէ խոչընդոտ չունենանք արևմտյան դաշինքներին անդամակցելու համար։ Նրան դա չհաջողվեց, քանի որ վերջին պահին Ռուսաստանը միջամտեց և խանգարեց այդ ծրագրերին՝ դադարեցնելով պատերազմը և ստիպելով նրան կապիտուլյացիա ստորագրել։ Բայց հայտնվելով Ռուսաստանից լիակատար կախվածության մեջ՝ վարչապետը, միևնույն է, շարունակում է «տակից» գործել ռազմավարական գործընկերոջ դեմ»։

Մեկնաբանելով «Փաստինֆո»-ի եթերում Գ.Իսագուլյանի խոսքերն այն մասին, որ Ադրբեջանն ու Թուրքիան 130 մլն դոլար են տրամադրել՝ Փաշինյանի նախընտրական քարոզարշավի համար, Մ. Ղուշչյանը հայտարարել է, որ դա ոչ միայն հնարավոր է, այլև շուտով կտրամադրվեն նաև «թավշյա» հեղափոխությանը՝ Ադրբեջանի և Թուրքիայի մասնակցության փաստեր, ինչի մասին բազմիցս ասել է Ադրբեջանի նախագահը: «Հետագայում պարզվել է, որ միայն 2018 թվականին այդ երկրներից Հայաստան է ուղարկվել 210 հազար դոլար։ Ինչ նպատակով են ծախսվել այդ գումարները, միանգամայն հասկանալի է։ Իսկ հիմա, իմ տվյալներով, ոչ թե 130, այլ 300 մլն դոլար են ուղարկում։ Ադրբեջանն ու Թուրքիան անկախ Հայաստանի պատմության մեջ առաջին անգամ ունեցել են իրենց դրածոն, որը չի հակաճառի իրենց, կհամաձայնի նրանց բոլոր պայմաններին։ Դրա համար էլ ամեն ինչ կանեն, որ այս վարչապետը մնա իր պաշտոնում»,- կարծում է հասարակական գործիչը։