Սևանա լիճը կորցնելու վտանգ կա

Սևանի մասին նոր սկանդալային հայտարարություն է արել փոխվարչապետը: Տիգրան Ավինյանը ասել է, որ կլիմայի փոփոխությունը սպառնում է Սևանա լճին: Նրա խոսքով՝ կա Սևանը որպես լիճ կորցնելու հեռանկար:
Այս հայտարարությունը հաջորդել է Գեղարքունիքի բնակիչների այն պահանջին, որ վարչապետը՝ Սևանա լճում լողանալիս լայվ մտնի ու հայտարարի՝ լճի ջուրը մաքուր է: Զբոսաշրջային թեժ սոզոնին պարապ մնացած լողափերը սրել են սևանի ավազանի բնակիչների սոցիալական խնդիրները, իսկ բնապահպանները վատ լուրեր ունեն՝ մեկ-երկու շաբաթից կանխատեսում են ջրի ճահճացման նոր բռնկում: