Գերմանիայի կանցլերը ծաղրել է Մերձավոր Արևելք ավիակիր ուղարկելու Մակրոնի ծրագրերը

Ֆրանսիայի նախագահ Էմանուել Մակրոնի ծրագրերը՝ պաշտպանելու դաշնակից ուժերը Մերձավոր Արևելքում՝ Կիպրոսի ափեր ավիակիր ուղարկելու միջոցով, ավելի հոյակապ են հնչում, քան կլինեն իրականում։ Ինչպես փոխծանցում է «ՌԻԱ Նովոստի»-ն, հայտարարել է Գերմանիայի կանցլեր Ֆրիդրիխ Մերցը։

«Դե, Ֆրանսիան «ծրագրում է», և դա միշտ մի փոքր ավելի հոյակապ է հնչում, քան լինում է իրականում։ Ֆրանսիան ունի մեկ ավիակիր՝ քիչ թե շատ աշխատանքային վիճակում։ Այն հիմա ուղարկել են Միջերկրական ծով։ Ասենք այսպես՝ խաղաղություն ապահովելու մեր իրական հնարավորությունները, հավանաբար, կլինեին միայն համատեղ ջանքերի դեպքում»,- ասել է Մերցը Frankfurter Allgemeine Zeitung պարբերականին տված հարցազրույցում։

Մարտի սկզբին Մակրոնը հայտարարել էր «Շառլ դը Գոլ» ատոմային ավիակիրը Կիպրոսի ափեր տեղափոխելու ծրագրերի մասին՝ Մերձավոր Արևելքում դաշնակից ուժերին պաշտպանելու համար։

ԱՄՆ-ը և Իսրայելը փետրվարի 28-ին սկսել են հարվածներ հասցնել Իրանի տարածքում գտնվող օբյեկտներին, այդ թվում՝ Թեհրանին. հաղորդվում է ավերածությունների և քաղաքացիական անձանց շրջանում զոհերի մասին։ Իրանն իրականացնում է պատասխան հարվածներ Իսրայելի տարածքի, ինչպես նաև Մերձավոր Արևելքի տարաշածրջանում ԱՄՆ ռազմական օբյեկտների ուղղությամբ։