Չի կարող քո տնտեսությունը համաչափ զարգանալ, եթե այդ ամբողջ աճը կապված է մեկ ճյուղի հետ, սա պրոբլեմային է․ Քոչարյան

Իմ ժամանակ շինարարությունը, այո, բում էր ապրել, բայց գյուղատնտեսությունը միջին 8-9% տարեկան աճում էր, արդյունաբերությունը աճում էր, չկար որևէ մի ճյուղ, որը անկում կապրեր։ Այս մասին «Մեծ  քաղաքականություն» փոդքասթի ժամանակ ասաց ՀՀ երկրորդ նախագահ Ռոբերտ Քոչարյանը

«Չի կարող քո տնտեսությունը համաչափ զարգանալ, եթե այդ ամբողջ աճը կապված է մեկ ճյուղի հետ, սա պրոբլեմային է, որովհետև շուկաներում իրավիճակի փոփոխությունը բերելու է բավական լուրջ անկման: 

Այն ժամանակ մենք աշխատացրել ենք նաև բազմաթիվ գործարաններ և աշխատում էինք հենց, առաջին հերթին, արդյունաբերության վերականգնման վրա»,- նշեց ՀՀ երկրորդ նախագահը։