«Աղոթքից զորեղ զենք չկա». Արագածոտնի թեմը միասնական ժամերգության էր մեկտեղվել

Հայ Առաքելական Սուրբ Եկեղեցու Մեծ Պահքի խորհրդավոր այս շրջանում Արագածոտնի թեմի հոգևոր դասը, շարունակելով Բարեխնամ Առաջնորդ Գերաշնորհ Տեր Մկրտիչ եպիսկոպոս Պռոշյանի օրհնությամբ թեմում կազմակերպված միասնական աղոթքները, մեկտեղվել էր Քուչակի Սուրբ Աստվածածին եկեղեցում հանգստյան ժամերգության:

Թեմի հոգևորականներին աղոթակից էին նաև Արթիկի թեմի քահանա հայրեր:

Нет описания фото.

Հավատացյալները միասնաբար աղոթք բարձրացրեցին հանիրավի անազատության մեջ գտնվող սիրելի Առաջնորդի, հոգևոր հայրերի, անազատության մեջ գտնվող զավակների, գերության մեջ պահվող հայորդիների, ինչպես նաև հայրենիքի խաղաղության, մեր Սուրբ Եկեղեցու անսասանության, Հայոց Հայրապետի և ողջ հոգևոր դասի համար։

Միաբանությամբ բարձրացված աղոթքը դառնում է այն զորությունը, որով ժողովուրդը հավատով ու հույսով կանգնում է Տիրոջ առաջ։

Нет описания фото.

Ժամերգության ավարտին իր խոսքը ներկաներին ուղղեց Քուչակի Սուրբ Աստվածածին եկեղեցու հոգևոր հովիվ՝ Արժանապատիվ Տեր Նարեկ քահանա Սարգսյանը:

Տեր Հայրն իր խոսքում անդրադարձ կատարեց առաջիկա Դատավորի կիրակիին և պատգամեց հավատավոր ժողովրդին անդադար աղոթքի մեջ լինել՝ մեջբերելով Սուրբ Հովհան Ոսկեբերան Հայրապետի խոսքերը. «Աղոթքից զորեղ զենք չկա, աղոթքը անկարելին կամ անհնարը հնարավոր է դարձնում»:

Нет описания фото.

Տեր Հայրն հորդորեց ներկաներին առավելապես աղոթել Սուրբ Եկեղեցու և հոգևոր դասի անսասանության համար:

Միասնական ժամերգությունն ավարտվեց Հայր Սուրբ Պահպանիչ աղոթքով։

Հաջորդ միասնական աղոթքը տեղի կունենա մարտի 20-ին՝ ժամը 19:00-ին, Մուղնու Սուրբ Գևորգ եկեղեցում:

Возможно, это изображение текст

Возможно, это изображение Базилика Непорочного зачатия Пресвятой Девы Марии

Կարդացեք նաև