Ռոբերտ Քոչարյանը Հրազդանում ջերմ զրուցել է բնակիչների հետ. հանդիպման մանրամասները

Հրազդանի դրամատիկական թատրոնի և մշակութային կենտրոնի շենքում տեղի է ունեցել «Հայաստան» դաշինքի անդամների բաց հանդիպումը բնակիչների հետ։ Միջոցառմանը ներկա է եղել դաշինքի առաջնորդ, ՀՀ երկրորդ նախագահ Ռոբերտ Քոչարյանը։

Հանդիպման ընթացքում քննարկվել են քաղաքացիներին հուզող հարցեր, իսկ պաշտոնական մասի ավարտից հետո Ռոբերտ Քոչարյանը մնացել է դահլիճում և անմիջական ու ջերմ շփում ունեցել ներկաների հետ։ Քաղաքացիները հնարավորություն են ունեցել անձամբ զրուցել նախագահի հետ և լուսանկարվել։

Սա դաշինքի՝ մարզային այցելությունների և բնակչության հետ անմիջական երկխոսության հերթական հանդիպումն էր։