Լրահոս

Երևանում 3–ամյա երեխայի նկատմամբ բռնություն կիրառելու դեպքի առթիվ վարույթ է նախաձեռնվել։ Քննչական կոմիտեից NEWS.am–ին հայտնեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 2-րդ մասի 3-րդ և 6-րդ կետերով (ֆիզիկական ներգործությունը՝ անչափահասի նկատմամբ, մերձավոր ազգականի, զուգընկերոջ կամ նախկին զուգընկերոջ կողմից)։ Նշանակվել է դատաբժշկական փորձաքննություն։ Կատարվում է նախաքննություն։ Ավելի վաղ, shamshyan.com–ը հայտնել էր՝ մարտի 12-ին ՆԳՆ ոստիկանությունում ահազանգ է ստացվել, որ Մոլդովական փողոց 29/1 հասցեում գտնվող հատուկ կացարանի բնակիչներից մեկը հոգեկան անհավասարակշիռ վիճակում ծեծի է ենթարկել իր 3-ամյա որդուն, մահճակալից վայր գցել, քարշ տվել սենյակում։ Երեխան վնասվածքներով տեղափոխվել է «Ուիգմոր» բժշկական կենտրոն։ Ոստիկանները պարզել են, որ տուժած 3-ամյա տղան Իրաքի քաղաքացի է, նրան բռնության է ենթարկել 35–ամյա մայրը։

Վերջում ցանկանում եմ դիմել ձեզ ոչ միայն պարզապես պաշտոնական նամակի ձևով, այլև խորապես անձնական բնույթի կոչով՝ որպես մի կազմակերպության, որի առաքելությունը միշտ եղել է մարդու կյանքը, արժանապատվությունն ու արդարությունը ձևականություններից ու քաղաքական նկատառումներից վեր դասելը։ Մեզ նման ընտանիքների համար, որոնք ապրում են հարազատի երկարատև ու ապօրինի կալանքի ցավը, ԿԽՄԿ-ի մարդասիրության նկատմամբ հավատը հույսի աղբյուր է։ Ես անկեղծորեն հավատում եմ, որ այդ ոգին կուղղորդի ձեզ՝ ուշադրություն դարձնել Ռուբեն Վարդանյանի և կալանավորված մյուս հայերի հետ կատարվողին։

Կասեցվել է «Հրազդանի թիվ 2 մսուր-մանկապարտեզ» ՀՈԱԿ-ի խոհանոցի արտադրական գործունեությունը, քանի որ այնտեղ խախտվել են օրենսդրությամբ սահմանված սանիտարահիգիենիկ մի շարք նորմեր: Այս մասին հայտնում են ՀՀ սննդամթերքի անվտանգության տեսչական մարմնից:

Երկրորդը՝ ինձ Քննչական կոմիտեում ասել են՝ մեկուկես տարի քննություն ենք իրականացրել, փորձաքննություն ենք նշանակել, հակված ենք կարճելու, բայց դատախազությունը պետք է որոշի այս վարույթի վերջնական ելքը եւ ստորագրել են տվել նախաքննական գաղտնիք չհրապարակելու մասին թուղթ։ Հարցրել եմ՝ լրագրողները հետաքրքրվում են՝ կարո՞ղ եմ ինչ որ մանրամասներ հայտնել, օրինակ, թե՝ իմ որ հրապարակման համար եք հարուցել, կամ ինչ եզրակացություն են տվել փորձագետները։ Ասել են՝ ոչ, կարող եք միայն քրեական վարույթի հարուցման հոդվածը՝ ՔրՕր-ի հոդվածը հրապարակել եւ, թե ինչ կարգավիճակ ունեք այս պահին։ Նաեւ խոստացել են, որ 10 օրում եզրակացություն կլինի, կուղարկեն ինձ՝ դրանից հետո կարող եմ խոսել։ Այնպես չէ, որ ես հակված էի աղմուկ բարձրացնելու, իմ լրագրող գործընկերներն են ավելի շատ այդ աղմուկի հեղինակները, որովհետեւ բոլորը հասկանում են, որ սա զոնդաժ է՝ ստուգում են՝ կարո՞ղ են արդյոք լրագրողների դեմ քրեական գործեր հարուցելու մեկնարկը տալ։

Նիկոլ Փաշինյանի հուսահատ հայտարարությունների վերաբերյալ մի շարք լրատվամիջոցներից ստացված հարցումներին ի պատասախան` մենք լիովին հասկանում ենք իրեն: Նիկոլ Փաշինյանը շատ լավ տեսնում ու գիտակցում է, թե ինչ է կատարվում: Վերջին սոցիոլոգիական հարցումները ցույց են տալիս, որ նա շուտով` 2 ամսից, լքելու է պաշտոնը: Նրա արձագանքը շատ բնական է. Փաշինյանը խուճապի մեջ է և ունի դրա հիմքերը... Եթե օգնության կարիք ունի, պատրաստ ենք օգնել։

Ինչպես նշել է վարչապետը ԵՄ գագաթնաժողով ժամանելուն պես, անհրաժեշտ է «փորձել գտնել հակամարտության դիվանագիտական լուծում», որին «Եվրոպայում ոչ ոք չէր սպասում»։ «Իսպանիայի կառավարությունը և, ես կասեի, ողջ իսպանական հասարակությունը հենց առաջին րոպեից դատապարտել են պատերազմը, որը մենք չենք սատարում, համարում ենք անօրինական և որի [հետևանքները], ցավոք, ոչ միայն մարդկային զոհերի, տեղահանվածների և փախստականների առումով, այլև մեր համաքաղաքացիների բարեկեցության տեսանկյունից արդեն սկսում ենք զգալ», - նշել է Սանչեսը: Փետրվարի 28-ին ԱՄՆ-ը և Իսրայելը ռազմական գործողություն են սկսել Իրանի դեմ։ Հարվածների տակ են հայտնվել իրանական խոշորագույն քաղաքները, այդ թվում՝ Թեհրանը։ Սպիտակ տանը հարձակումը հիմնավորել են հրթիռային և միջուկային սպառնալիքներով, որոնք իբր բխում են Թեհրանից։ Իսլամական հեղափոխության պահապանների կորպուսը (ԻՀՊԿ) հայտարարել է լայնամասշտաբ պատասխան գործողության մասին՝ հարձակվելով Իսրայելի վրա։ Հարվածների են ենթարկվել նաև ԱՄՆ օբյեկտները Բահրեյնում, Հորդանանում, Կատարում, Քուվեյթում, ԱՄԷ-ում և Սաուդյան Արաբիայում: Իսպանիան ի սկզբանե դեմ է արտահայտվել ԱՄՆ-ի և Իսրայելի գործողությանը։ Մադրիդը նաև թույլ չի տվել Միացյալ Նահանգներին այդ նպատակով օգտագործել թագավորության տարածքում գտնվող ռազմաբազաները։ Այս դիրքորոշումն արժանացել է ԱՄՆ-ի քննադատությանը, որը սպառնացել է խզել առևտրային հարաբերությունները Իսպանիայի հետ։

Հայլուր 15։30 Փաշինյանը պատերազմով է սպառնում ժողովրդին. բացահայտ շանտաժ

Որովհետև 2020 թվականին, մենք հիշում ենք, որ ամենամեծ կորուստներն ունեցանք օդային պաշտպանության անկատարության պատճառով, այսինքն՝ մեզ այս պահին հարց բարձրացնողները, թե ինչու ենք հրավիրել, երբ որ քո որդին լինի սահմանին, դիրքերում ու բայրաքթարն իր գլխի վերևը լինի, դու կասես՝ ինչո՞ւ ես իսրայելցի բերել, որ այդ բայրաքթարը խոցելու տարբերակներ առաջարկի մեր երկրին, թե՞ կասես՝ ճիշտ ես արել: Դուք ձեր որդիների, եղբայրների վրա օրինակը վերցրեք»,-նշել է նա:

Իսրայելի մի քանի քաղաք գիշերը Իրանի ինտենսիվ հրթիռակոծության տակ է եղել: Զոհված առաջնորդների վրեժի համար սկսած «Ակն ընդ ական» ռազմական օպերացիան նոր թափով է շարունակում Թեհրանը: Իսրայելը զոհերի մասին է հայտնում:

Գլխավոր դատախազությունը 2025 թվականի մարտի 10-ին հայցադիմում էր ներկայացրել Հակակոռուպցիոն դատարան՝ ընդդեմ ֆիզիկական անձի, երրորդ անձ՝ Տավուշի մարզի Իջևան համայնքի՝ Վալանսի փողոցի 1/28 հասցեում գտնվող՝ 351 քմ մակերեսով հողամասի նկատմամբ կառուցապատման իրավունքը դադարեցնելու պահանջով։

Քրեական ոստիկանության Լոռու մարզային վարչության ծառայողները մոտ մեկ ամիս առաջ ստացել էին օպերատիվ տեղեկություն, որ Վանաձորի բնակիչ երկու եղբայր ստեղծել են հանցավոր կազմակերպություն, ներգրավել հիմնականում համաքաղաքացիների, բաշխել յուրաքանչյուրի դերը և արդեն երկար ժամանակ Լոռու մարզում ու հանրապետության այլ վայրերում ծրագրել և կատարել են ավազակություններ, բնակարանային գողություններ, այլ հանցագործություններ։ Այս մասին հայտնում են ՀՀ ՆԳՆ ոստիկանությունից: Մարտի 3-ին, հերթական հանցանքը կատարելուց հետո վերադառնալիս, Լոռու քրեական ոստիկանները կանգնեցրել էին «Ռենո» և «Շևրոլե» մակնիշի մեքենաներ, որոցում գտնվող կազմակերպիչ եղբայրներն ու ևս հինգ հոգի բնակարանային գողություն կատարելու կասկածանքով ձերբակալվել ու տեղափոխվել էին Լոռու մարզային վարչություն։ Մեքենաներում և նրանց անձնական խուզարկությամբ հայտնաբերվել էր Արջհովիտ գյուղի մի տնից հափշտակած գողոնը։ Նախաձեռնվել էր քրեական վարույթ։ Հետագա օպերատիվ-հետախուզական միջոցառումների և քննչական գործողությունների արդյունքում ստացվել են փաստական տվյալներ, որ արտերկրում բնակվող, քրեական ենթամշակույթ կրող մեկը, օգտագործելով վանաձորցի եղբայրների ունեցած ազդեցությունը, նրանց միջոցով դիմել է Գեղարքունիքի մարզի Զոլաքար գյուղի մի բնակչի, որ վերադարձնի իրեն պարտք 300 հազար ռուսական ռուբլին կամ ավտոմեքենան։ Եղբայրներն էլ գործել են քրեական ենթամշակույթում ձևավորված վարքագծի համաձայն․ պարտք գումարի 50 տոկոսը իրենց վերցնելու դիմաց կազմակերպել են հավաք և խնդրի շուրջ ծավալել պարզաբանումներ։ Այս դեպքի առթիվ ևս Լոռու մարզային քննչական վարչությունում նախաձեռնվել է քրեական վարույթ՝ քրեական ենթամշակույթ կրող խմբավորմանը մասնակցելու կամ ներգրավելու հատկանիշներով։ Վանաձորցի եղբայրները կալանավորված են։ Նախաքննությամբ հանգամանքները պարզվում են։

Վարչապետ Նիկոլ Փաշինյանը հեռախոսազրույց է ունեցել Վրաստանի վարչապետ Իրակլի Կոբախիձեի հետ։ Վարչապետ Փաշինյանը Հայաստանի ժողովրդի և անձամբ իր անունից ևս մեկ անգամ անկեղծ ցավակցություն է հայտնել Վրաստանի Կառավարությանը, Վրաց ուղղափառ եկեղեցուն և վրաց եղբայրական ժողովրդին Համայն Վրաստանի կաթողիկոս-պատրիարք Իլյա Երկրորդի մահվան կապակցությամբ։ Իրակլի Կոբախիձեն շնորհակալություն է հայտնել ջերմ խոսքերի և զորակցության համար:

Թեհրանը երեկ հրաժեշտ է տվել երեքշաբթի սպանված Անվտանգության խորհրդի քարտուղար Ալի Լարիջանիին և Իսլամական հեղափոխության պահապանների կորպուսի հեղինակավոր հրամանատարներից Ռեզա Սոլեյմանիին: Տասնյակ հազարավոր իրանցիներ Էնգելբա հրապարակում անեծքներ են տվել Իրանի իշխանությունը գլխատողներին:

Մարտի 6-ին արտառոց դեպք է տեղի ունեցել Երևանում։ Ժամը 14։15-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժին է զանգահարել Երևանի բնակիչ 33-ամյա Դիանա Հ․-ն և հայտնել, որ նույն օրը ժամը 14։10-ի սահմաններում նշված շենքի երկրորդ հարկի բնակիչները, բացահայտ անհարգալից վերաբերմունք դրսևորելով հասարակության նկատմամբ, Փարպեցի 9 հասցեում գտնվող «Թրի» ռեստորանում հաճախորդների գտնվելու ժամանակ, ջուր են բաց թողնում, իսկ դուրս գալիս հավկիթներ նետում նրանց ուղղությամբ, հաղորդում է Shamshyan.com–ը։ Ոստիկանության Կենտրոնական բաժնի ծառայողների կողմից ձեռնարկված միջոցառումների արդյունքում պարզվել է, որ նշված արարքը կատարել է Երևանի բնակիչ 44-ամյա Դավիթ Շ․-ն։ Դեպքի փաստով ոստիկանության Կենտրոնական բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։ Կայքի տեղեկություններով՝ Դիանա Հ․-ն «Թրի» ռեստորանի մենեջերն է։

Փաստորեն ամեն օր թոշակները 10 հազար դրամով բարձրացման մասին խոսող իշխանությունները ԱԱԾ զինվորականին հրաժարվում են երկարամյա ծառայության թոշակ վճարել և նա փորձում է դատական կարգով իր իրավունքները պաշտպանել:

«Փետրվարի 28-ին մեր հարևան Իրանի դեմ Իսրայելի նախաձեռնությամբ իրականացված հարձակումները, ինչպես նաև դրան հաջորդած Իրանի հրթիռային և անօդաչու պատասխան հարվածները երրորդ երկրների ուղղությամբ է՛լ ավելի են սրել լարվածությունը մեր տարածաշրջանում։ Առերեսվելով այս տագնապալի իրավիճակին և գիտակցելով մեր 86 միլիոն քաղաքացիների առջև ստանձնած պատասխանատվությունը՝ մենք երբեք չենք կորցնում զգոնությունը և ցուցաբերում ենք զգուշավորություն։ Մենք շատ վճռական դիրքորոշում ունենք մեր օդային տարածքը խախտող գործողությունների նկատմամբ և շարունակում ենք քայլեր ձեռնարկել մեր երկրի խաղաղության ու անվտանգության ամրապնդման ուղղությամբ»,- տեսաուղերձում հայտարարել է նախագահը։ Անդրադառնալով Գազայի հատվածում տիրող իրավիճակին՝ Էրդողանը նշել է, որ չնայած տոնին՝ «Իսրայելը շարունակում է հարձակվել հատվածի վրա՝ խախտելով հրադադարի ռեժիմի պայմանները»։ «Օկուպացիայի և ավերածությունների քաղաքականությունը ողջ թափով շարունակվում է Պաղեստինի տարբեր հատվածներում, հատկապես՝ Արևելյան Երուսաղեմում, Հորդանան գետի արևմտյան ափին, ինչպես նաև հարավային Լիբանանում»,- ասել է նա»։ Անդրադառնալով Թուրքիայում ահաբեկչական ճանաչված կազմակերպությունների դեմ պայքարի թեմային՝ Էրդողանը հայտարարել է, որ «Սիրիայի հյուսիսում հարցի խաղաղ կարգավորման շնորհիվ Թուրքիայի անվտանգային մտահոգությունները փարատվել են, իսկ Սիրիայի տարածքային ամբողջականությունը՝ պահպանվել»։ Խոսքը սիրիական քրդական կազմավորումների մասին է, որոնց Անկարան համարում է սպառնալիք ազգային անվտանգությանը։ Խոսելով Թուրքիան «ահաբեկչությունից ազատելու» գործընթացի մասին՝ նախագահը հիշեցրել է, որ խորհրդարանում այս հարցով «գործողությունների համապարփակ պլան է ներկայացված»։ Նաև, նրա խոսքով, «անհապաղ քայլեր կձեռնարկվեն» Քրդստանի աշխատավորական կուսակցության (PKK) լուծարման ուղղությամբ։ Բացի այդ, Հորմուզի նեղուցի շուրջ ստեղծված իրավիճակի հետ կապված, Էրդողանը հայտարարել է, որ իր երկիրը «գործադրում է բոլոր ջանքերը, որպեսզի նավթի և բնական գազի գների չափազանց մեծ աճը չխոչընդոտի գնաճի (ինֆլյացիայի) դեմ պայքարին։

Արժանացել է բազմաթիվ պարգևների և մեդալների, որոնց թվում են երկրորդ աստիճանի Մարտական խաչը, Արցախի և Հայաստանի Հանրապետության արիության մեդալները, Մարտական ծառայության առաջին և երկրորդ աստիճանի մեդալները։ 

38 տրիլիոն դոլարի մակարդակը հաղթահարվել է մոտավորապես հինգ ամիս առաջ՝ 2025 թ. հոկտեմբերի վերջին, նշում են ամերիկյան լրատվամիջոցները։ 37 տրիլիոն դոլարի նշագիծը գերազանցվել է 2025 թ. օգոստոսի կեսերին։

Մարտի 18-ին, հերթական արտակարգ դեպքն է տեղի ունեցել ՀՀ Արդարադատության նախարարության «Արմավիր» քրեակատարողական հիմնարկում, հաղորդում է Shamshyan.com–ը։ Ժամը 16:30-17:00-ի սահմաններում քրեակատարողական հիմնարկի ծառայողները 4-րդ կորպուսում կանխել են դատապարտյալի ինքնասպանության փորձը և ծառայության ընթացքում հսկիչը դիտանցքից նկատել է, որ կալանավորը կախվել է։ Անմիջապես հսկիչը իր գործընկերների հետ բացել են դուռը, մտել են ներս ու կարողացել են փրկել նրա կյանքը։ Կայքի տեղեկություններով ինքնասպանության փորձ կատարող տղամարդը սփյուռքահայ է։ Դեպքի մասին քրեակատարողական հիմնարկից տեղեկությունը փոխանցել է ՀՀ ՆԳՆ ոստիկանության համայնքային ոստիկանության գլխավոր վարչության Վաղարշապատի բաժին, որտեղից էլ հերթապահ խումբը ժամանել է քրեակատարողական հիմնարկ ու դեպքի մասին փաստաթղթեր են կազմել ու այն փոխանցել ՀՀ Քննչական կոմիտեի Արմավիրի մարզային քննչական վարչության Վաղարշապատի քննչական բաժին, որտեղ դեպքի փաստով նախաձեռնվել է քրեական վարույթ։

Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից: