Լրահոս

5 օր առաջ Լուսին թռած ամերիկյան «Օրիոն» տիեզերանավը առաջիկա ժամերին տեղ կհասնի: 1972 թվականից հետո առաջին անգամ դեպի Լուսին այս պատմական թիչքը կդառնա մարդու երբևէ կատարած ամենահեռավոր ճանապարհորդությունը՝ Երկրից մոտ 406. 000 կիլոմետր հեռու: Ամերիկացի ու կանադացի տիեզերագնացների պատմական վերադարձին Լուսին, հետևել է Լիլիթ Գասպարյանը:

Ապրիլի 5-ին Փարիզի առաջնորդանիստ Սուրբ Հովհաննես Մկրտիչ Մայր եկեղեցում Ֆրանսիայում ՀՀ դեսպան Արման Խաչատրյանն, ինչպես նաև դեսպանության անձնակազմը ներկա են գտնվել Սուրբ Հարության պատարագին, որը մատուցել է Ֆրանսիայի հայոց թեմի առաջնորդ գերաշնորհ Տ. Գրիգոր եպիսկոպոս Խաչատրյանը։ Հայտնում են Ֆրանսիայում ՀՀ դեսպանության մամուլի ծառայությունից։

Ապրիլի 3-ին, ողբերգական դեպք է տեղի ունեցել Գեղարքունքիի մարզում, ինչի հետևանքով մահացել է Արցախյան 44-օրյա պատերազմի զինվոր մասնակից։

ՔՊ-ի նախընտրական ծրագրում հակասահմանադրական կետեր են հայտնաբերել իրավապաշտպանները: Քաղաքականությունը եկեղեցի մտցրած Նիկոլ Փաշինյանի նախընտրական խոստումներից մեկը Գարեգին Երկրորդին հեռացնելն ու նոր կաթողիկոս ընտրելն է: Հովհաննես Իշխանյանը հիշեցնում է ՔՊ-ականներին՝ բացի նրանից, որ Մայր օրենքով մեր եկեղեցին ու պետությունը անջատ են, Հայաստանը միջազգային մի շարք պարտավորություններով պետք է երաշխավորի երկրում գործող կրոնական համայնքների իրավունքները:

Հիշեցնենք, որ մարտի 22-ին Նիկոլ Փաշինյանը մետրոյի վագոնում վեճի է բռնկվել Արցախից բռնի տեղահանված Արմինե Մոսիյանի հետ, երբ կինը հրաժարվել է ընդունել Փաշինյանի կողմից առաջարկվող քարտեզի մակետը և դիրքորոշում ներկայացրել։ Փաշինյանը սկսել է բղավել երեխայի հետ մետրոյում գտնվող կնոջ վրա, մատ թափ տալ և արցախցիներին անվանել փախածներ։

«Որ հիմա հնարավորություն ունենամ, կարող ա լացեմ», - իշխանական պատգամավոր Հայկ Սարգսյանն այսպես է արձագանքել, երբ գործընկերները մերժել են իր առաջարկած նախագիծը, որ հայտնի է «Փողով բանակից ազատվելու մասին նախագիծ» անունով: Հայկ Սարգսյանը, կարծես, վրեժ է լուծել թիմակիցներից ու բանակի խայտառակ վիճակագրության որոշ թվեր է հրապարակել: Ասել է՝ զորքի թիվը 44 հազարից նվազել է մինչև 14 հազար: Հայկ Սարգսյանը չի վախենում, որ իր դեմ որևէ քրեական գործ հարուցվի ռազմական գաղտնիք բացահայտելու համար: «Այն միտքը, որ վայ, թշնամին կիմանա մեր զորքի թիվը, փլվել է 2020-ին: Ադրբեջանն ափի մեջ հետևել է մեր շարժին», - ավելացրել է Սարգսյանը:

Լավ ապագայի խոստումներով ընտրված և հազարավոր մարդկանց ապագայի վրա խաչ քաշած Նիկոլ Փաշինյանը հիմա էլ Ալիևի կամքից կախված հրադադարն է փորձում` որպես խաղաղություն վաճառել Հայաստանի քաղաքացիներին: Սահմանադրությամբ Արցախի անվտանգության երաշխավոր Հայաստանի իշխանությունը հիմա իրեն ներկայացնում է Արցախը էթնիկ զտման ենթարկած երկրի անվտանգության երաշխավոր ու հայտարարում, որ Ադրբեջանն էլ մեր երաշխավորն է: «Ադրբեջանը կարող է լինել միայն ՔՊ-ի անվտանգության երաշխավորը»,- նկատում է «Հայաստան» խմբակցության պատգամավոր Քրիստինե Վարդանյանը և հիշեցնում՝ երկու ամիս առաջ էլ Թրամփն էր այդ երաշխավորը:

Այսօր՝ ապրիլի 6-ին, ավտովթար է տեղի ունեցել Գեղարքունիքի մարզում։ Ժամը 17։40-ի սահմաններում Գավառ քաղաքի «Արծվաքար» թաղամասի 1-ին փողոցում Գեղարքունիքի մարզի բնակիչ 52-ամյա Վաղինակ Ա․-ն իր վարած «ՎԱԶ 21099» մակնիշի առանց համարանիշի ավտոմեքենայով դուրս է եկել ճանապարհի երթևեկելի գոտուց, բախվել թիվ 26 տան քարե պարսպին և կողաշրջվել։

Երևանի քաղաքապետը հիմա էլ վարորդներին է մեղադրում, որ որոշ ուղևորներ մինչև հիմա բոյկոտում են տրանսպորտի թանկացումն ու չեն վճարում ուղեվարձը: Ավինյանի խոսքով՝ վարորդները պարտավոր են ստուգել, որ բոլոր ուղևորները վճարեն տրանսպորտի գումարը, մինչդեռ քաղաքացիները պնդում են՝ ավելի լավ է վարորդները կենտրոնանան Երևանի փոսաշատ փողոցները շրջանցելու, ուղևորներին անվտանգ տեղափոխելու վրա:

«ԱՄՆ-ն Իրանի հետ հակամարտության մեջ կորցրել է առնվազն 7 արդիական կործանիչներ կամ Ռազմաօդային ուժերի ինքնաթիռ, ժամանակակից ուղղաթիռներ:

Հայլուր 20։30 Կրակոց՝ Երևանում. ի՞նչ է պատահել էկոնոմիկայի նախարարությունում

Սուխումում քննարկում են աբխազական երկաթուղին վերագործարկելու և Լարսի ճանապարհին այլընտանք ստեղծելու հնարավորությունը: Այդ երթուղով Հայաստան-Ռուսաստան բեռնափոխադրումները կազմակերպելը մեզ համար շահավետ ու իրատեսական է համարում «Հայաստան» դաշինքը: Քաղաքական այդ ուժի առաջնորդի՝ երկրորդ նախագահ Ռոբերտ Քոչարյանի կարծիքով՝ սա նվազագույնի կհասցնի Ադրբեջանից կախվածությունը և կուժեղացնի Հայաստանի բանակցային դիրքերը խաղաղության պայմանագրի շուրջ քննարկումների ժամանակ:

Մարդու իրավունքների պաշտպանը հաշվի առնելով Դավիթ Մինասյանի առողջական վիճակի հետ կապված տեղեկատվությունը, ինչպես նաև նրա կրթության շարունակականությունն ապահովելու հարցերը՝ իր հանձնարարությամբ ապրիլի 3-ի առավոտյան հավելյալ գրագրություն է ուղարկվել՝ անձի նկատմամբ այլընտրանքային խափանման միջոց կիրառելու հնարավորության հարցը քննարկելու նպատակով: Այս մասին ՄԻՊ-ը հայտարարություն է տարածել։

Փաշինյան-Պուտին աղմկահարույց հանդիպման ժամանակ Արցախի զգայուն հարցի արծարծմանը դյուրագրգիռ է արձագանքել պաշտոնական Բաքուն: Ադրբեջանի արտգործնախարարությունն իր հայտարարությամբ՝ Ռուսաստանից, ասես, պահանջում է Արցախի թեման օրակարգ չվերադարձնել, քանի որ դա փակված հարց է իր համար: Բաքվում վտանգներ են տեսնում Պուտինի խոսքերի տողատակերում, որոնք օրեր շարունակ ակտիվ քննարկում է ռուսական մեդիան:

Ի պատասխան ԶԼՄ հարցումների՝ այսօր, ժամը 16.56-ին բժշկական կենտրոնից ՆԳՆ 112 օպերատիվ կառավարման կենտրոն հաղորդում է ստացվել, որ շտապօգնության խումբը «ձախ սրունքի առաջային մակերեսի հրազենային վիրավորում» ախտորոշմամբ բուժօգնության է տեղափոխել մի անձի։

Շարունակվում է սկանդալը Երևանի քաղաքապետի շուրջ: Ավագանու ընդդիմադիր անդամները խորը կասկածներ ունեն, որ Տիգրան Ավինյանի ձեռամբ Երևանի որոշ հատվածներ աղբավայրեր են դառնում, հետո քաղաքապետը ահռելի գումարներ է հատկացնում Երևանի բյուջեից դրանք մաքրելու համար: Քաղաքապետարանի ընդդիմադիր թևում շինաղբավայրից գարշահոտ չէ, բայց կոռուպցիայի հոտ առնում են:

Այսօր կրակոց է հնչել  Էկոնոմիկայի նախարարությունում։ Ժամը 18։00-ի սահմաններում Երևանի 103 շտապօգնության բժիշկների հերթապահ խումբը նշված վայրից Հերացու անվան թիվ 1 համալսարանական հիվանդանոց է տեղափոխել մի քաղաքացու։

Սիրելի հայրենակիցներ տեղեկացնեմ,որ հայրիկիս` Զորի Հայկի Բալայանի հոգեհանգստի արարողությունը կկայանա վաղը՝ 07.04.2026թ., ժամը 17:30-ին Սուրբ Հովհաննես Մկրտիչ եկեղեցում (Կոնդ)։ Այս մասին գրել է Զորի Բալայանի որդին՝ Հայկ Բալայանը։

Հայլուր 18։30 Սկանդալային բացահայտումներ, աղմկոտ թվեր՝ ՀՀ բանակի վիճակի մասին. մեղադրում է ՔՊ-ականը

Կրոկուս Սիթի Հոլլում» ահաբեկչություն իրականացրածներից մեկը՝ Յուսուֆզոդա Յակուբջոնի Դավլաթհոնը, ով ցմահ ազատազրկման էր դատապարտվել, ինքնասպան է եղել Մոսկվայի բանտում, հաղորդում է «Ռիա Նովոստի»-ն՝ հղում անելով Ռուսաստանի իրավապահ մարմիններին։