Լրահոս

Քանի որ ՔՊ-ն ահաբեկչական խմբավորում է, նա լավ չի հասկանում, որ հայերն աշխարհի կարգ ու կանոնի վերականգման և աշխարհի ներդանշակության և զարգացմանն են ուղղում իրենց ջանքերը:

Այս մասին հայտնում են ՆԳՆ ոստիկանությունից՝ մանրամասնելով, որ վարորդը չենթարկվելով ոստիկանների օրինական պահանջին՝ դիմել է փախուստի, իսկ երբ ոստիկանները հետապնդել են, «Կիա» մակնիշի մեքենայի վարորդը՝ Գանձաքար գյուղի բնակիչ 32-ամյա երիտասարդը, խոչընդոտել է հետապնդմանը։

Սահմանազատման հարցերից զատ առևտրի հարցերն են քննարկվել Հայաստանի ու Ադրբեջանի փոխվարչապետների գլխավորած պատվիրակությունները: Աղվերանում հայ ու ադրբեջանցի փոխվարչապետների 5 ժամ տևած հանդիպումից Փաշինյանը մանրամասներ է հայտնել: Նիկոլ Փաշինյանը հաստատել է՝ չորեքշաբթի Աղվերանում հանդիպել են նաև հայ ու ադրբեջանցի գործարարները:

Պաշտպանությունը դատարանին խնդրել է օժանդակել Ալենի բանտարկության պայմանների փոփոխման հարցում: Դատավորն ասել է, որ լիազորություն չունի բանտին հրահանգելու, թե որտեղ պահեն Ալենին, սակայն խորհուրդ է տվել պաշտպանական կողմին պաշտոնական միջնորդություն ներկայացնել:

«Դա ճիշտ է։ Այս բյուջեում USAI-ի (Ուկրաինայի անվտանգությաննաջակցության նախաձեռնություն) գծով ֆինանսավորում չկա», — ասել է նա՝ ելույթ ունենալով Կոնգրեսի Սենատի զինված ուժերի հարցերով կոմիտեի լսումների ժամանակ։ Հերստը մեկնաբանում էր ԱՄՆ ռազմական գերատեսչության՝ օրերս հրապարակված բյուջետային հայտը հաջորդ ֆինանսական տարվա համար։ Միևնույն ժամանակ, փոխնախարարի պաշտոնակատարը հայտարարել է, որ Պենտագոնը շուտով կսկսի օգտագործել Ուկրաինային տրամադրվող 400 միլիոն դոլարի ռազմական օգնության փաթեթը, որն ավելի վաղ հաստատվել էր Կոնգրեսի կողմից։ «Այդ միջոցները հատկացվել են բոլորովին վերջերս։ Որքանով ինձ հայտնի է, մենք այդ գումարները ստացել ենք մարտին։ Ժամանակ է պահանջվում, որպեսզի փողերը հասնեն նախարարություն։ Բայց դրանք շատ շուտով կգործարկվեն։ Մենք կաշխատենք [ԱՄՆ Զինված ուժերի] Եվրոպական հրամանատարության ղեկավար Ալեքս Գրինկևիչի հետ՝ երաշխավորելու այդ միջոցների առավել պատշաճ օգտագործումը», — նշել է Հերստը։ Ինչպես ապրիլի 29-ին The Washington Post թերթի իր հոդվածում պնդել էր ամերիկացի սենատոր Միթչ Մաքքոնելը (հանրապետական, Կենտուկի նահանգից), ԱՄՆ պաշտպանության նախարարությունը հապաղում է Ուկրաինային փոխանցել Կոնգրեսի կողմից ժամանակին հաստատված 400 միլիոն դոլարի ռազմական օգնության փաթեթը։ Ըստ Մաքքոնելի՝ ռազմական գերատեսչությունն անտեսել է նաև Սենատի համապատասխան հանձնաժողովների հարցումները։ Օրենսդրի վարկածով՝ այս ռազմական օգնության իրացման հարցերի ձգձգման պատասխանատվությունը կրում է պաշտպանության նախարարի քաղաքական հարցերով տեղակալ Էլբրիջ Քոլբին։

Իրան-Միացյալ Նահանգներ անորոշ հրադադարի ընթացքում առաջին անգամ հայտարարություն է արել Իրանի նոր հոգևոր առաջնորդ Մոջթաբա Խամենեին: Նա լուսավոր ապագա է խոստացել Պարսից ծոցի տարածաշրջանին: Հիմա առավել քան երբևէ կարևորվում է Իրանի աշխարհագրական դիրքը՝ ըստ իրանագետների:

«Ես ամեն ինչ ճշտել եմ․ միայն մի երեխա է հիվանդանոց տեղափոխվել, բայց նրա մոտ ալերգիա է։ Դա էլ տարբեր պատճառներից կարող է լինել ու հստակ ասել, թե դա ջրատարի, փոշու, թե որևէ միջատի կծելու հետևանք է՝ չգիտենք»,- ասաց Բաբայանը։

Երեկ՝ ապրիլի 29-ին, արտակարգ դեպք է տեղի ունեցել Կոտայքի մարզում։ Ժամը 11։45-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Աբովյան քաղաքում գտնվող «Դոբրոցեն» սուպերմարկետի էլեկտրական ենթակայանում հրդեհ է բռնկվել։ Shamshyan.com-ի հաղորդմամբ՝ հրշեջ փրկարարները նախ կանխել են հրդեհի տարածումը, ապա մարել այն։ Հրդեհի փաստով ոստիկանության Կոտայքի բաժնում փաստաթղթեր են կազմվել, որտեղ էլ պարզվում են դեպքի հանգամանքները։

Արտաքին հետախուզական ծառայության պետն այսօր էլ չի պատասխանել խորհրդարանական թղթակիցների հարցերին, թե ո՞ր երկրից է Հայաստանի դեմ հիբրիդային պատերազմի վտանգ տեսել արտաքին հետախուզությունը, ինչի մասին հայտարարել էին տարեսկզբին: Քրիստիննե Գրիգորյանն այսօր խորհրդարան էր տարել մի նախագիծ, որը եթե ընդունվի, արտաքին հետախուզությունը գաղտնալսելու սեփական միջոցները կունենա:

Քանի որ Հայաստանը պատրաստվում է 2026թ. հունիսի 7-ի ռազմավարական կարևորություն ունեցող խորհրդարանական ընտրություններին, Եվրոպական խորհրդարանը հստակ ազդակ է փոխանցում, որ այդ ընտրությունները պետք է լինեն ազատ, արդար և մրցակցային։ Հայ դատի Եվրոպայի գրասենյակը հատկապես ընդգծում է խորհրդարանի դիրքորոշումը «ընդդիմության իրավունքների լիարժեք հարգման» և բոլոր քաղաքական դերակատարների համար հավասար պայմանների անհրաժեշտության վերաբերյալ։ Մենք արձագանքում ենք նաև արտաքին միջամտության և հիբրիդային սպառնալիքների դեմ ամուր պաշտպանական մեխանիզմների կոչին, մասնավորապես այն սպառնալիքների, որոնք ուղղված են Հայաստանի ժողովրդավարական ինստիտուտների ապակայունացմանը։

220 էջ մեղադրանք՝ ֆեյսբուքում մի քննադատող գրառման հիման վրա. հենց այդքան է գյումրեցի Մհեր Խաչատրյանի դեմ հարուցված քրեական գործի էջերի քանակը: Զոհված ազատամարտիկի որդին քննչական կոմիտեի ղեկավարին քննադատելու համար է դատարանների դռներն ընկել: Նրա գրառման մեջ հանցակազմ է տեսել ու դատախազություն դիմել այն նույն ոստիկանը, որի տեղեկության հիման վրա է քրեական գործ հարուցվել Միքայել Սրբազանի նկատմամբ:

Ստեփանակերտի Սուրբ Աստվածամոր Հովանու մայր տաճարի հիմնահատակ ավերումը և այն «ապօրինի շինություն» անվանելու լկտիությունը բացահայտ ցինիզմի գագաթնակետն է։ Աստծո տունը, կրոնական սրբավայրը պղծողն ու հողին հավասարեցնողը ոչ թե իրավունք է հաստատում, այլ ստորագրում է սեփական վայրենի, ահաբեկիչ էության տակ։ Սա մշակութային եղեռնագործություն է՝ նպատակաուղղված Արցախից հայկական շունչն ու արմատը իսպառ վերացնելուն։

Հայլուր 20։30 Փաշինյանին ջղայնացնում է հայ գերիների մասին հարցը. Բաքվի հետ առևտրային կապն է կարևոր

Հանդիպել են մտավորականների հետ և քննարկել գիտությանը, կրթությանը և մշակույթին վերաբերող հարցեր։

Մասիս-Հովտաշատ ճանապարհին վթարված ավտոբուսի բոլոր տուժած ուղևորները լավ են: Յոթ մարդ է եղել ավտովուսում, երկուսը անչափահաս, մեկը հղի:

«Արդեն հինգերորդ տարին շարունակվող պատերազմը չի կարող նորմալ համարվել Եվրոպայում։ Այն օգուտ չի բերում ոչ Ուկրաինային, ոչ Ռուսաստանին և հաստատ ոչ էլ մնացած Եվրոպային։ Անհրաժեշտ է կրկին ակտիվացնել դիվանագիտությունը... պատերազմը պետք է ավարտվի այնպես, որպեսզի ապահովվի խաղաղություն և վերականգնվի կայունությունը մայրցամաքում», - Ֆիդանի խոսքերն է մեջբերում Star թերթը։ Նրա կարծիքով՝ հակամարտության էսկալացիայի (սրման) ռիսկը պահպանվում է։ «Էսկալացիայի ռիսկը նախկինի պես մեծ է։ Իսկ ի՞նչ, եթե պատերազմը աշխարհագրորեն տարածվի եվրոպական երկրներից մեկի վրա։ Ի՞նչ, եթե պատերազմը համակարգային առումով կոնվենցիոնալ զենքի կիրառման փուլից անցնի մարտավարական միջուկային, իսկ հետո՝ լիարժեք միջուկային փուլի։ Քանի դեռ այս պատերազմը շարունակվում է, էսկալացիայի սպառնալիքը մնում է», - նշել է Ֆիդանը։ Թուրքիայի ԱԳ նախարարը հիշեցրել է, որ իր երկիրը չորս անգամ հյուրընկալել է Ուկրաինայի հարցով բանակցությունները և կրկին պատրաստ է տրամադրել հարթակ՝ արդարացի և տևական խաղաղության հասնելու համար։ «Ուկրաինան փորձություն է ոչ միայն միջնորդության, այլև եվրոպական անվտանգության ապագայի համար», - հայտարարել է Ֆիդանը։ 2022 թվականի մարտին Ստամբուլում տեղի էին ունեցել ռուս-ուկրաինական բանակցություններ, սակայն ձեռք բերված պայմանավորվածությունները խափանվել էին Ուկրաինայի մեղքով։ Բանակցային գործընթացը դադարեցվել էր և վերսկսվել երեք տարի անց։ 2025 թվականին Ստամբուլում տեղի են ունեցել ռուս-ուկրաինական ուղիղ բանակցությունների երեք փուլ։ Թուրքական իշխանությունները բազմիցս հայտարարել են իրենց հարթակը Ուկրաինայի հարցով բանակցությունների և խաղաղության գագաթնաժողովի համար կրկին տրամադրելու պատրաստակամության մասին։

Այսօր՝ ապրիլի 30-ին, խոշոր ավտովթար է տեղի ունեցել Արագածոտնի մարզում։ Ժամը 16։10-ի սահմաններում Արագածոտնի մարզի բնակիչ 38-ամյա Արամայիս Մ․-ն իր վարած «Shacman» մակնիշի բետոնախառնիչով «Հյուսիս-հարավ» ավտոճանապարհին, Աշտարակ-Ագարակ հատվածում դուրս է եկել ճանապարհի երթևեկելի գոտուց, բախվել քարերին և կողաշրջվել։

Մոսկվան այս պահին չի դիտարկում Ադրբեջանը որպես ուկրաինական կարգավորման բանակցությունների հարթակ, հայտարարել է Կրեմլի խոսնակը: Դմիտրի Պեսկովն այսպես է մեկնաբանել Զելենսկիի հայտարարությունը՝ այդ կարգավիճակում Ադրբեջանը դիտարկելու պատրաստակամության մասին։

«Ուկրաինայում պատերազմը Չեխիայի պատերազմը չէ, դա հակամարտություն է Մոսկվայի և Կիևի միջև։ Հենց այդ պատճառով մենք չպետք է մասնակցենք դրան», - նշել է Բելգրադում այցով գտնվող քաղաքական գործիչը։

Բագրատ արքեպիսկոպոսի և նրա պայքարի 17 աջակիցների քրեական գործը ավելի քան 10 ամիս է քննող դատարանը աչք է փակում ներկայացված կեղծ ապացույցների վրա, կարծում է սրբազանի փաստաբանը: Այսօր հերթական նիստում Սրբազան պայքարի գործով մեղադրյալների պաշտպաններն են ելույթներ ունեցել: