Լրահոս

Սա ադրբեջանական պրիմիտիվ, բայց կացնային աշխատող քաղաքականությունն է, իսկ աշխատող է, որովհետև գործ ունեն զրո դիմակայման հետ։ Ստացվում է, որ իրենք կադաստրի թղթով են զավթել Հայաստանի տարածքները, ոչնչացրել դարերի պատմություն ունեցող սրբավայրերը, ամբողջովին էթնիկ զտումներ իրականացրել Արցախում և Նախիջևանում, ցեղասպանության դիմել Բաքվի, Սումգայիթի և այլ բնակավայրերի հայության նկատմամբ և այլն։

Իսրայելի ռազմաօդային ուժերը հարվածել են Լիբանանի հարավային շրջաններին՝ չնայած երեք օր առաջ ուժի մեջ մտած հրադադարին: Լիբանանյան լրատվամիջոցները 4 գյուղերի հրետակոծության մասին են հայտնել: Իսրայելի բանակը հայտնել է հարավի 3 քաղաքում «Հըզբոլլահ»-ի ենթակառուցվածնքերի հարվածների մասին: Ջիբչիտ քաղաքում Իսրայելի օդային հարվածից զոհվել են մի ընտանիքի բոլոր անդամները:

ՀՀ սննդամթերքի անվտանգության տեսչական մարմնի Կոտայքի մարզային կենտրոնի տեսուչները վերահսկողական միջոցառում են իրականացրել «Հրազդան համայնքի Քաղսիի մսուր-մանկապարտեզ» ՀՈԱԿ-ի խոհանոցում և պարզել, որ այնտեղ խախտվել են օրենսդրությամբ սահմանված սանիտարահիգիենիկ որոշ նորմեր, ի մասնավորի՝ սննդի կառույցը ապահովված չի եղել՝ - ձեռքերի լվացման համար նախատեսված, հարմար տեղակայված բավարար քանակությամբ լվացարաններով` տաք և սառը ջրով, ձեռքերի լվացման, ախտահանման միջոցներով և չորացման հիգիենիկ սարքերով, - անձնակազմի համար հանդերձարանով։ Տեսչական մարմնի ղեկավարի որոշմամբ՝ մանկապարտեզի խոհանոցի արտադրական գործունեությունը կասեցվել է: Հայտնաբերված խախտումները վերացնելու համար վերահսկող կառույցը սահմանել է վերջնաժամկետ:

«Սովետի ժամանակ մեր գյուղով որ ջուրը անցնում էր, այնքան զուլալ էր, նույնիսկ խմում էինք։ Մեր ծնողները ճաշ էին պատրաստում էդ ջրով, լվացք էինք անում, ձկները պարզ երևում էին։ Բայց արդեն 10 տարուց մի քիչ ավելի է՝ անգամ կողքով չենք կարողանում անցնել։ Որոշ տների սանհանգույցներից դուրս թափվող ջուրը լցվում է կանալը։ Որոշ հատվածներում առաջացել է տիղմ և կա վտանգ, որ ճահճով կպատվի։ Ում ասես դիմել ենք, Կոտայքի մարզպետին, Աբովյանի քաղաքապետին, մեր գյուղապետին, սակայն հետո իմացանք, որ կանալի մաքրման ու շահագործման պատասխանատուն Ջրային կոմիտեն է։ Ու հիմա հարց ենք ուղղում Ջրային կոմիտեի նախագահ Արամազդ Ղալամքարյանի. երբ դիմում էինք Ջրային կոմիտե, ինչո՞ւ էին մեզ մոլորեցնում, թե դա իրենց գործը չէ ու քանի տարի է մեզ սխալ հասցեներ էին ուղղորդում, թե գնացեք մարզպետի, քաղաքապետի, ձեր գյուղապետի մոտ։ Մենք միամտաբար հավատացել ենք ձեզ, բայց արդեն պարզել ենք, որ հենց դուք պետք է աշխատանքները կատարեք։ Բայց կամ թամբալություն եք անում, կամ ձեզ համար նշանակություն չունեն մարդն ու բնությունը, կարևորը ժամանակից շուտ պարգևավճարներ ստանաք։ 

Տիգրան Մանասերյանը ոնց որ լակոտ լիներ, չգիտեմ՝ ինքը ո՞նց էր դարձել սպա: Դատական նիստի ժամանակ ասաց Ազատի զորամասի ինժեներական ծառայության պետը:

Սրբավայրերի պղծումը, յուրացումը կամ ոչնչացումը չի կարող արդարացվել որևէ քաղաքական, վարչական կամ կեղծ իրավական ձևակերպմամբ։ Արցախի անկախության շրջանում կառուցված եկեղեցիները «ապօրինի շինություն» որակելը մերժելի է և այդ պատճառաբանությամբ սրբավայրերը կործանելը, հողին հավասարեցնելը կրոնական ու մշակութային ժառանգության պաշտպանության միջազգային սկզբունքների բացահայտ ոտնահարում է և մշակութային եղեռնագործություն։

Ապրիլի 30-ին, ժամը 11։01-ին ՆԳՆ 112 օպերատիվ կառավարման կենտրոն ահազանգ է ստացվել, որ քաղաքացին անցել է Կիևյան կամրջի ճաղավանդակը և ցանկանում է ցած նետվել։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հոգեբանական աջակցության և բժշկական ապահովման վարչության հերթապահ հոգեբանը։ Փրկարարները ոստիկանների հետ համատեղ կանխել են քաղաքացու ինքնասպանության փորձը․ վերջինս տեղափոխվել է Ոստիկանության Մաշտոցի բաժին։

2026 թվականի հունիսի 7-ին սպասվող խորհրդարանական ընտրություններին ընդառաջ կուսակցությունները և դաշինքները հրապարակել են պատգամավորի թեկնածուների ընտրացուցակները։ 19 կուսակցություն և դաշինք ընտրություններին մասնակցելու հայտ են ներկայացրել, որոնցից ամենամեծ ընտրացուցակն ունի «Քաղաքացիական պայմանագիր» (ՔՊ) կուսակցությունը։ «Քաղաքացիական պայմանագիր» կուսակցության ցուցակում ներառված է 293 մարդ, որոնցից 10-ը Հայաստանում առաջին չորս ամենամեծ ազգային փոքրամասնությունների ներկայացուցիչներն են։  Այս մասին գրում է «Հետք»-ը:

«Իրավաբան փորձագետները զգուշացնում են, որ հունիսի 7-ի ընտրություններից առաջ ԵՄ-ն աջակցում է հայաստանյան «բռնապետին»՝ չնայած ժողովրդավարության և մարդու իրավունքների ոտնահարումներին։

Հայլուր 15։30 Գալի՞ս են 300 հազար ադրբեջանցիները. Փաշինյանը «պատմական» է անվանում Մուստաֆաևի այցը

Իրանը մտադիր է այսուհետ ևս կառավարել Պարսից ծոցն ու Հորմուզի նեղուցը՝ ապահովելով անվտանգությունն առանց ամերիկյան ներկայության, հայտարարել է Իրանի գերագույն առաջնորդ Մոջթաբա Խամենեին: «Իրանը, Հորմուզի նեղուցը կառավարելու գործնական հնարավորության հաշվին, մտադիր է ապահովել Պարսից ծոցի տարածաշրջանի անվտանգությունը և վերջ դնել հակառակորդի չարաշահումներին», - հայտարարել է Խամենեին Իրանում Պարսից ծոցի օրվա առթիվ իր ուղերձում: Նրա խոսքով՝ Պարսից ծոցի տարածաշրջանին սպասվում է լուսավոր ապագա՝ առանց ամերիկյան ներկայության:

Դառնում է, որ ես մի հատ թուղթ պիտի սևացնեի, որ այսօր ասեի՝ զեկուցագիր եմ գրել. Ազատի հրդեհի գործով մեղադրյալը զայրացավ:

Այս մասին դատարանում ասաց մեղադրյալը:

«Հաշվառման վայրի ընտրողների ցուցակից ժամանակավորապես դուրս գալու և նախընտրած վայրի մատչելի ընտրական տեղամասի ընտրողների ցուցակում ընդգրկվելու մասին դիմում լիազոր մարմին՝ ՆԳՆ Միգրացիայի և քաղաքացիության ծառայություն, կարող եք ներկայացնել մինչև մայիսի 26-ը, ժամը 14։00-ն։ Դիմումում պարտադիր պետք է նշված լինի նաև այն մատչելի ընտրական տեղամասի համարը, որտեղ ցանկանում եք քվեարկել։

Լրագրողներ առանց սահմանների» միջազգային կազմակերպությունը հրապարակել է «Մամուլի ազատության ինդեքս 2026» զեկույցը։ Ի տարբերություն նախորդ տարվա ցուցանիշի՝ 34-րդ հորիզոնական, Հայաստանը հետընթաց է գրանցել՝ աշխարհի 180 երկրների շարքում զբաղեցնելով 50-րդ հորիզոնականը։ Գրում է «Հետք»-ը:

ԵՊԲՀ «Հերացի» թիվ 1 և «Մուրացան» հիվանդանոցային համալիրներում և Միքայելյան վիրաբուժության ինստիտուտում հոսպիտալացված սուր շնչառական վարակներով դեպքերի շաբաթական վերլուծության համաձայն` 2026թ.-ի 17-րդ շաբաթվա ընթացքում (20.04․2026-26.04.2026) ծանր սուր շնչառական վարակներով (ԾՍՇՎ) նոր դեպքերի թիվը նախորդ շաբաթվա համեմատ նվազել է 32%-ով` կազմելով 59 դեպք:

Երեկ՝ ապրիլի 29-ին, ավտովթար է տեղի ունեցել Արագածոտնի մարզում։ Ժամը 09։40-ի սահմաններում Երևան-Գյումրի M1 ավտոճանապարհի 35 կմ հատվածում Շիրակի մարզի բնակիչ 53-ամյա Շավարշ Մ․-ն իր վարած «Mercedes» մակնիշի ավտոմեքենայով դուրս է եկել ճանապարհի երթևեկելի գոտուց, բախվել քարերին և հայտնվել ջրատարում։

«Ադրբեջանի փոխվարչապետը ցանկություն էր հայտնել գնալ այն գյուղը, որտեղ ծնվել է։ Սա պրոպագանդիստական քայլ է Ադրբեջանի կողմից, որպեսզի ցույց տան, որ ուզում են վերադառնալ։ Սա 300,000 ադրբեջանցիների Հայաստան տեղափոխման ծրագիրն է»։

Իրանցի պաշտոնյայի խոսքով՝ ԱՄՆ-ի համար «ամենաքիչ ծախսատար տարբերակը» կլինի ընդունել այն տասը պայմանները, որոնք Իրանն առաջադրել է իրավիճակը կարգավորելու համար։

Թեհրանի և Վաշինգտոնի միջև բանակցությունները փաստացի մտել են փակուղի՝ չնայած սկզբնական լավատեսությանը։ Առանցքային տարաձայնություններ են մնում Իրանի միջուկային ծրագիրը, որից ԱՄՆ-ն պահանջում է լիակատար հրաժարում, ինչպես նաև Օրմուզի նեղուցի շուրջ ստեղծված իրավիճակը։ Ըստ աղբյուրների տվյալների՝ Վաշինգտոնն այժմ սպասողական վիճակում է՝ ակնկալելով Թեհրանի գործողությունները։