Իշխանափոխությունից հետո պետությունը չի միջամտելու եկեղեցական գործերին․ Սևակ Խաչատրյան

««Առաջ» աջակենտրոն կուսակցությունը «Հայաստան» դաշինքին միացել է հստակ ծրագրով և պահանջով՝ հայտնելով իր մտահոգությունն ու անհամաձայնությունը վերջին ութ տարիներին Հայաստանի և Արցախի հետ տեղի ունեցած իրադարձությունների վերաբերյալ»,- Հրազդանում քաղաքացիների հետ հանդիպմանն ասել է կուսակցության նախագահ Սևակ Խաչատրյանը։

Նրա խոսքով՝ իրենց թիմն առաջարկում է լուծումներ, որոնք Հայաստանն ավելի կուժեղացնեն և միջազգային հարթակներում երկրի ձայնն ավելի լսելի կդարձնեն։ Խաչատրյանը շեշտել է, որ գործող իշխանության թիրախում ազգային արժեքներն ու ինքնությունն են, իսկ «ազգադավ ծրագրերը» ներխուժել են անգամ կրթական համակարգ։

Անդրադառնալով եկեղեցու դերին՝ կուսակցության առաջնորդը նշել է.

- Պետության միջամտությունը. Իշխանությունները փորձում են միջամտել եկեղեցական ծեսերին և առաջ բերել «սեփական» հոգևորականների։

- Դատական համակարգը. Աբսուրդային է համարվել այն իրողությունը, երբ դատավորներն են որոշում անձի հոգևորական լինելու հանգամանքը։

- Եկեղեցու անկախությունը. Իշխանափոխությունից հետո պետությունը չի միջամտելու եկեղեցու գործերին։

«Հայ Առաքելական Եկեղեցին պետք է շարունակի թե՛ Հայաստանում, թե՛ Սփյուռքում առաջ տանել հայերի միասնության գաղափարը»,- եզրափակել է Սևակ Խաչատրյանը։

Ավելին՝ տեսանյութում։