Զելենսկին շարունակում է խոսել զինադադարի գնալու ցանկության մասին․ Պեսկով

Վլադիմիր Զելենսկին շարունակում է խոսել թեկուզ ինչ-որ զինադադարի գնալու ցանկության մասին. հայտարարել է ՌԴ նախագահի մամուլի քարտուղար Դմիտրի Պեսկովը:

Երկուշաբթի օրը Զելենսկին հայտարարել էր, որ Ուկրաինան, որը նախկինում խախտել էր զատկական զինադադարը, պատրաստ է այս տարի Զատկին կրակի դադարեցմանը: Մամուլի քարտուղարին հարցրել են, թե ինչպես են Կրեմլում գնահատում զատկական զինադադարի հեռանկարները:

«Զելենսկու այն հայտարարություններից, որոնք մենք կարդացել ենք, զատկական զինադադարի վերաբերյալ հստակ ձևակերպված նախաձեռնություն չենք տեսել։ Նա, ինչպես միշտ, խոսում էր պատրաստակամության և ցանկության մասին՝ գնալ զինադադարի, թեկուզ ինչ-որ, թեկուզ զատկական։ Ահա թե ինչի մասին էր խոսում նախագահ Զելենսկին»,- լրագրողներին ասել է Պեսկովը:

Զելենսկին նախկինում ևս իբր ընդունել է տոնական զինադադարների և կրակի դադարեցման առաջարկները, սակայն խախտել է պայմանավորվածությունները։ Անցյալ տարի զատկական զինադադարը հայտարարվել էր ՌԴ նախագահ Վլադիմիր Պուտինի կողմից. այն գործում էր ապրիլի 19-ի ժամը 18:00-ից մինչև ապրիլի 21-ի ժամը 00:00-ն։ Զինադադարի ավարտից հետո ՌԴ ՊՆ-ն հայտնել էր, որ դրա ընթացքում ուկրաինական կողմից արձանագրվել է 4900 խախտում։

Հռոմեական կաթոլիկ եկեղեցին այս տարի Զատիկը նշում է ապրիլի 5-ին, ուղղափառ Զատիկը համընկնում է ապրիլի 12-ին։ 2023 թվականին Ուկրաինայի ուղղափառ եկեղեցին որոշում է ընդունել անցնել նորհուլյանական օրացույցի։