Սկզբից 18 տարեկանների ոտքերն էր ընկել ու աղաչում, որ փողոց փակեն, հիմա ձեռնաշղթաներ հագցրած տանում է դատարան. Մխիթարյան

Գյումրու ավագանու անդամ Ռուբեն Մխիթարյանը ֆեյսբուքյան իր էջում գրել է.

«Սկզբից 18 տարեկանների ոտքերն էր ընկել ու աղաչում, որ փողոց փակեն:

Հետո պատերազմ հրահրեց ու 18 տարեկաններին տարավ զոհեց՝ իր ձեռքերը չթանաքոտելու համար:

Հետո զոհված 18 տարեկանների ընտրովի շիրիմներ հորինեց և բաժանեց նրանց ծնողներին մերոնցականների ու իրանցականների:

Հիմա 18 տարեկաններին ձեռնաշղթաներ հագցրած տանում է դատարան:

Վաղը արգելելու է ապրել մինչև 18 տարեկանը:

Սա է: Մինչև հունիսի 7-ը դուք դեռ շատ եք մոտիկից ճանաչելու նրան»։