Լրահոս

Թունավորման մասսյական դեպք է գրանցվել Լոռիում: Վանաձորի ինֆեկցիոն հիվանդանոցում այս պահին բուժում է ստանում 50 քաղաքացի: Թունավորման պատճառը Երևանից Լոռի հասած էկլերներն են, որոնք բնակիչները գնել են խանութից: Դեպքից հետո, ընկերությունը դադարեցրել է թխվածքի վաճառքը ամբողջ հանրապետությունում:

«Ոստիկանությունը կաշկանդված է գործում»,- ասֆալտին պառկեցնելու վերջին օպերացիաններից հետո արձանագրել է իշխող իմ քայլական պատգամավորը: Փոխոստիկանապետը հակադրաձել է նրան, թե գործում են օրենքով: Ի դեպ, ոստիկանության աղմկոտ գործողությունները ֆեյսբուքում անուն են ստացել. Բերման երեքշաբթիներ:

Միացյալ Նահագների սենատը Երևանի ժամանակով գիշերը երեքին՝ քվերակության կդնի Դոնալթ Թրամփին իմպիչմենթ հայնտելու բանաձևը: Այն հաստատել ու ուղարկել էր ներկայացուցիչների պալատը, որի խոսնակը՝ ցուցադրաբար Դոնալդ Թրամփի ներկայությամբ պատռել է նրա ելույթի տեքստը: ԱՄՆ նախագահը կոնգրեսում ներկայացնում էր «Երկրի դրության մասին» իր ամենամյա ուղերձը:

ԱԱԾ նախկին տնօրեն Արթուր Վանեցյանը մոտ 2 ու կես ժամ փակ հանդիպում է անցկացրելՀայաստանի առաջատար թերթերի խմբագիրների հետ: Հանդիպումը տեղի է ունեցել մայրաքաղաքի սրճարաններից մեկում: Տեսագրությունը կհրապարակվի, հավանաբար վաղը օրվա թերթերի լույս տեսնելուց հետո:

Իմ քայլական պատգամավորի նախաձեռնած օրինագծերից մեկը հրապարակվել է Ազգային ժողովի կայքում: Այն ընդունվելու դեպքում, պաշտոնից պետք է հեռանան մինչև 2018-ի ապրիլի 9-ը նշանակված սահամանդրական դատարանի դատավորները: Անկախ իրավաբաները այն համարում են ոչ միայն իրավունքին, մայր օրենքին, այլև պետականությանը հակադիր փաստաթուղթ, որը առերևույթ տապալում է սահմանադրական կարգը: Խորհրդարանի ընդդիմադիր թևը նույնպես հայտարարել է, որ իշխող խմբակցության ներկայացրած օրինագծերը հակասահմանադրական են: Իշխանությունները ձեռնպահ են մնում որևէ մեկնաբանություն տալ՝ փաստաթղթերիվերաբերյալ: Կխոսեն՝ արտահերթի ընթացքում:

Հակասական տեղեկություններ կան առավոտյան Երևանում վթարի ենթարկված վարորդի մասին: Քաղաքապետի մամուլի խոսնակը պնդում է, որ վարորդը ոչ սփաթ վիճակում է եղել:

Այսօր Սահմանադրական կարգի տապալման գործով հերթական դատական նիստն էր։ Քոչարյանի պաշտպանական թիմը միջնորդել է դադարեցնել քրեական հետապնդումը իրենց պաշտպանյալի նկատմամբ: Նրանց կարծիքով, ի սկզբանե նշանակվել է մեղավոր ու հիմա ամեն ինչ անում են մեղադրանքը երկրորդ նախագահին մոտեցնելու համար: Իսկ նախկին դատական նիստը բոյկոտած Քոչարյանի և նախկին փոխվարչապետ Արմեն Գևորգյանի պաշտպանների նկատմամբ դատավոր Աննա Դանիբեկյանը այսօր դատական սանկցիա է կիրառել։

Իսկ իշխող ուժը, չնայած Եվրոպայից սպասվող նոր քննադատությունների վերաբերյալ զգուշացումներին, պատրաստվում է փետրվարի 6-ի արտահերթ նիստին: Վաղը նիստ կանի Ազգային ժողովի խորհուրդ: Պատգամավորները արտահերթ քննարկելու են սահմանադրական երեք օրենքներում փոփոխություններ անելու նախագիծը: Անկախ իրավաբանների կարծիքով իշխող խմբակցության ներկայացրած օրինագծերը հակասահմանադրական են և նպատակ ունեն շրջանցել Սահմանադրական դատարանը: Ընդդիմությունը ևս համակարծիք է: Լուսավոր Հայաստանի ղեկավարի կարծիքով, նման գործընթացներից հետո եվրոպական կառույցներից ավելի կոշտ հայտարարություններ են գալու:

Սահմանադրական դատարանի շուրջ ստեղծված լարվածությունը թուլացնելու, անմեղության կանխավարկածը չխախտելու, հանրային հայտարարություններում զգույշ լինելու Եվրոպական ատյաններից հնչող կոչ-քննադատությունները մեր երկրում թարգմանական բարդություններ են առաջացրել: ԱԺ արտաքին հարաբերությունների հանձնաժողովի նախագահ, ԵԽԽՎ-ում հայաստանյան պատվիրակության ղեկավար Ռուբեն Ռուբինյանը վստահ է, որ, օրինակ, Բուքիքիոն ոչ թե իշխանությանն է լարվածությունը թուլցնելու կոչ անում, այլ Սահմանադրական դատարանի նախագահին:

Կորոնավիրուսը շարունակում է աշխարհը սարսափի մեջ պահել: Այսօր մահվան դեպք է գրանցվել նաև Հոնկոնգում: Երկրի այդ նահանգում գործադուլներ ու ցույցեր են սկսվել: Չինաստանում վիրուսը արդեն 427 մարդու կյանք է խլել: Միայն երեկ 64 մարդ է մահացել: Վարակակիրների թիվը ևս ժամ առ ժամ ավելանում է: Այն արդեն հատել է 20 հազարի սահմանը:

Ապօրինի զենք-զինամթերք պահելու կասկածանքով բերման ենթրկված Ռուբեն Հայրապետյանը 3 ժամ ոստիկանութունում մնալուց հետո լրագրողներին ասել է իր մոտ ոչինչ չեն հայտնաբերել, զենքերն օրինական են, թույլտվությունն էլ գրպանում։ Ֆուտբոլի ֆեդերացիայի նախկին նախագահի կարծիքով իրեն բերման ենթարկելով իշխանությունը փորձ է արել շեղել ժողովրդի ուշադրությունը Փաշինյանի արդեն աղմուկ հանած ՀԴՄ-ների պատմությունից:

Նորքի ինֆեկցիոն հիվանդանոցում հոսպիտալացված 6 մարդու մոտ կորոնավիրուս չի հայտանաբերվել: Նրանց թվում եղած 2 չինացի բուժում ստանալուց հետո այսօր դուրս են գրվել հիվանդանոցից: Բայց Չինաստանից եկած որոշ քաղաքացիների մեր ինֆեկցիոն հիվանդանոցում հրաժարվում են հատուկ թեստերով ստուգել:

Այսօր թեժ կռիվ էր Ավանի Սայաթ Նովա թաղամասի շենքերից մեկի բակում: Բնակիչները պայքարում էին բուլդոզերի դեմ, որ պատրասվում էր քանդել բակի խանութը: Քաղաքապետարանը կառույցը ճանաչել էր ապօրինի և որոշել էր ազատել համայնքային սեփականության հողը անցանկալի կառույցից: Սակայն, պարզվում է քաղաքապետարանն ու թաղապետարանն իրար լավ չեն հասկացել:

Սևազգեստ մայրերի դեմ դատական հայց են ներկայացրել մարտի մեկի զոհերի իրավահաջորդները: Զինվոր կորցրած մայրերից պահանջում են ներողություն խնդրել՝ մարտի մեկի դեպքերը թալան որակելու համար: