Լրահոս

Հայլուրի տաղավարում է փաստաբան Հայկ Ալումյանը:

Հայաստանում կորոնավիրուսի հաստատված դեպքերի քանակը այսօր ավելացել է 20-ով ընդհանուր դեպքերի թիվը հասել է 72-ի: Ինչպես գիտեք, մեկ վարակակիր ապաքինվել ու դուրս է գրվել: Առողջապահության նախարարությունը հայտնում է, որ այսօր հայտնաբերված 20 դեպքերից 7 կապված է Էջմիածնի հայտնի նշադրեքի հետ, մյուսը 13-ը Երևանում գործող արտադրամասի հետ: Ժամը 18-ի դրությամբ հաստատված վերջին 8 վարակակիրներից ոմանք մեկուսացված են եղել:  

Ո՞վ է Արցախում նախագահի ամենահավանական թեկնածուն: Հայկական երկրորդ հանրապետությունում ընտրապայքարի ավարտից մոտ երկու շաբաթ առաջ միջազգային հայտնի սոցիոլագիական ընկերությունը հրապարկել է հարցումների արդյունքները:

Հայաստանում Ֆրանսիայի դեսպանատունը այսօրվանից անորոշ ժամանակով դադարեցնում է վիզաների տրամադրումը: Դեսպանատունը որոշումը կայացրել է Հայաստանում արտակարգ դրություն մտցնելուց հետո: Ֆրանսիայում այսօրվանից սկսած15 օր տոտալ կարանտին է հայտարարվել: Նախագահ Մակրոնը քաղաքացիներին հորդորել է մնալ տներում, միայն խիստ անհրաժեշտության դեպքում դուրս գալ: Ֆրանսիայի նախագահը հայտարարել է, որ Եվրամիությունը փակում է իր սահմանները օտարերկրացիների համար:

Դատավոր Աննա Դանիբեկյանը առողջական խնդիրների պատճառով այսօր չի ներկայացել դատարան: Սահմանադրական կարգի ենթադրյալ տապալման գործով նիստը հետաձգվել է անորոշ ժամանակով: Այսօր Ռոբերտ Քոչարյանի պաշտպանները պետք է անձնական երաշխավորություն ներկայացնեին երկրորդ նախագահի ազատության համար: Անձնական երաշխավորությունը տվել են Հայաստանի նախկին երեք վարչապետերն ու Արցախի նախկին վարչապետը: Քոչարյանի փաստաբանները դատավորի հանկարծակի հիվանդանալու ու դատը հետաձգելու մեջ դիտավորություն են տեսնում:

Հանրապետությունում պաշտոնապես կասեցվել է սահմանադրության մեկ հոդված փոխելու հանրաքվեի քարոզչությունը: Կենտրոնական ընտրական հանձնաժողովը հայտնել է, որ դադարեցնում է հանրաքվեի նախապատրաստման և անցկացման բոլոր աշխատանքները: Հանրաքվեի անցկացումը հնարավոր է արտակարգ դրության ավարտից նվազագույնը 50, առավելագույնը 65 օր հետո:  

Բանկերից վերցրած վարկերը արտակարգ իրավիճակի ժամանակ մարելու գործը իսկական գլխացավանք է քաղաքացիների համար: Պետությունը խուսափողական պատասխան է տալիս, թե չի կարող միջամտել, որ առևտրային բանկերն ու վարկային կազմակերպությունները վարկային արձակուրդ հայտարարեն քաղաքացիների համար, իսկ քաղաքացիները շարունակում են ահազանգել, որ բանկերից ոմանք հրաժարվում են հետաձգել վարկի մարման ժամկետները: Իհարկե, ոչ բոլորը:  

Երևանի ընդհանուր իրավասության դատարանի դատավոր Աննա Դանիբեկյանը վատառաղջ լինելու պատճառով սահմանադրական կարգի ենթադրյալ տապալման գործով այսօր նշանակված հերթական նիստը չեղարկվեց։

Կորոնավիրուսային հիվանդության իրավիճակը Հայաստանում

Երևանի ընդհանուր իրավասության դատարանի դատավոր Աննա Դանիբեկյանը վատառաղջ լինելու պատճառով չի կարող վարել սահմանադրական կարգի ենթադրյալ տապալման գործով այսօր նշանակած հերթական նիստը։ Այնուամենայնիվ, ՀՀ երկրորդ նախագահ Ռոբերտ Քոչարյանի Փաստաբանական թիմի անդամները ներկայանալու են դատարան։

5-րդ ալիքի Օրեր առաջ կալանքից ազատված սեփականատեր Արմեն Թավադյանը այսօր հայտարարել է, ենթադրում է իր գործում կա քաղաքական կոմպոնենտ, դրանից ենթադրում թ, որ լինելու են փորձեր՝ իր դեմ նոր քրեական գործեր հարուցելու:

Արցախի նախագահ Բակո Սահակյանի հետ Նիկոլ Փաշինյանը քննարկել է կորոնավիրուսով պայմանավորված իրավիճակը: Որոշել են բոլորին հորդորել Հայաստանից Արցախ ու հակառակը ուղեվորվել միայն բացառիկ անհրաժեշտության դեպքում: Բարեբախտաբար Արցախում կորոնավիրուսի ոչ մի դեպք չկա, բայց անցագրային կետերում չափում են բոլորի ջերմությունը:

Փաստաբանական թիմը կներկայացնի երկրորդ նախագահ Ռոբերտ Քոչարյանին անձնական երաշխավորությամբ ազատ արձակելու միջնորդություն: Քոչարյանի խափանման միջոց կալանքը անձնական երաշխավությամբ փոխելու առաջարկ են արել Հայաստանի նախկին վարչապետեր Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը։ Չնայած Քոչարյանը հիմա ստացիոնար բուժում է ստանում, հավանական է, որ նա կարճ ժամանակով կարողանա ներկա գտնվել վաղվա դատական նիստին։

Մինչև խորհրդարան տանելը Կառավարությունը քննարկում էլ արտակարգ դրության որոշման վիճելի դրույթները:

Իսկ վիրուսի տարածումը միայն Էջմիածնով չի սահմանափակվում: Դեպքեր կան նաև Երևանյան մի արտադրամասում: Վարչապետն ու իր ընտանիքը ևս մեկ անգամ կորոնավիրուսի թեստ են անցել, քանի որ վարչապետը օրեր առաջ քարոզարշավի ժամանակ շփվել էր մի քաղաքացու հետ, որի մոտ կորոնավիրուս է հայտնաբերվել: Այն մասին, որ հնարավոր է երկրում արտակարգ դրություն հայտարարվի, վարչապետը հայտնեց երեկ՝ կեսգիշերին մոտ: