Լրահոս

Երեւանի պոլիկլինիկաները արտակարգ ռեժիմով են աշխատում: Դռնեը բաց են նաեւ շաբաթ-կիրակի: Թոքի ռենտգեն հետազոտությունն անվճար կլինի: Քաղաքապետարանից վստահեցնում են՝ այս օրերին պարբերաբար ախտահանում են բազմահարկ շենքերի վերելակները, մաքրում աղբատարները: Ախտահանվում է նաեւ քաղաքի տրանսպորտը: Դրանց թիվը կրճատվել է վարորդների մի մասը խիստ հետեւում է տանը մնալու հորդորին: Սակայն ուղեւորների մեծ մասը կարծես թե այդ կոչը անտեսում է:

Վանաձորում թեստավորված բոլոր քաղաքացիների մոտ վարակի կասկածը հերքվել է: Այս մասին առողջապահական եւ աշխատանքի տեսչական մարմնի ղեկավարի օգնականն է հայտնում: Մեր երկրում կորոնավիրուսով վարակվածներն ու մեկուսացվածները կբուժվեն նաեւ մարզերի հիվանդանոցներում: Առողջապահության նախարարը թոքաբորբի 11 դեպքի մասին է ասել:

Վիրուսը մեծ արագությամբ տարածվում է Մեծ Բրիտանիայում: 2 շաբաթում վարակի 4000 դեպք է գրանցվել այստեղ, 180 մարդ մահացել է: Բրիտանիայում մեծամասշտաբ միջոցառումներ են չեղարկում: Իսկ Իտալիան ռեկորդներ է սահմանում: Այդ երկիրը մեկ օրում գրանցված մահերի թվով գերազանցել է Չինաստանին: Երեկ Իտալիայում 627 մարդ է մահացել մեկ օրում: Երկրում կարանտին է, բայց վարակվածների թիվն աճում է՝ մոտենում 50 հազարին:

Արցախը այլևս ուղիղ օգնություն չի ստանա ԱՄՆ կառավարությունից: Թրամփի վարչակազմը որոշել է կրճատել ֆինանսական աջակցությունը հայկական երկրորդ հանրապետության ականազերծման ծրագրին: Ամերիկյան հետազոտությունների հայկական կենտրոնի ղեկավարը Հայլուրին ասել է, որ ԱՄՆ կառավարությունը այս որոշումը մեկ օրում չի կայացրել: Հարցը ԱՄՆ անվտանգության խորհրդի օրակարգում էր ամիսներ շարունակ, ինչի մասին իրենք պարբերաբար ահազանգում էին: Հայաստանի իշխանություններին զգուշացրել են, որ Միացյալ Նահանգների պետական կառույցներում շատ ակտիվ աշխատում է ադրբեջանական լոբբին:

Արցախում դպրոցները փակել են, սահմաններին մարդկանց ջերմությունը չափում են, որպեսզի կորոնավիրուսը երկիր չմտնի: Ու հիմա սկսել են հզոր պայքար տանել վիրտուալ տարածքում, որտեղ կորոնավիրուսի մասին կեղծ լուրեր են տարածում:

ՀՀ երկրորդ նախագահ Ռոբերտ Քոչարյանի Փաստաբանական թիմի անդամ, պաշտպան Հովհաննես Խուդոյանը դիմել է Երևան քաղաքի ընդհանուր իրավասության դատարանի նախագահ Արթուր Մկրտչյանին՝ խնդրելով Ռ․ Քոչարյանի խափանման միջոց կալանքը անձնական երաշխավորությամբ փոխելու միջնորդության քննարկումը մակագրել այլ դատավորի։ Պաշտպանի դիմումի պատասխանը հայտնի կլինի երկուշաբթի՝ մարտի 23-ին։

Արցախում ականազերծման աշխատանքների համար տրվող գումարների ծավալի կրճատման մասին խոսակցություններն ավելի վաղ էին սկսվել, ու հիմա ծրագրի դադարեցումն ինչ-որ առումով պատասխան է՝ Հայաստանի իշխանության որոշ քայլերի և որոշ քաղաքական որոշումների:

ԱԱԾ նախկին տնօրեն Արթուր Վանեցյանի ներկայացուցիչները Վերաքննիչ բողոք են ներկայացրել՝ հայցի ապահովման կիրառման միջնորդությունը մերժելու մասին Երևանի ընդհանուր իրավասության դատարանի որոշման դեմ: Վերաքննիչ բողոքը դատարան մուտք է եղել մարտի 20-ին և նույն օրը մակագրվել Վերաքննիչ քաղաքացիական դատարանի դատավոր Հարություն Ենոքյանին:

Երեւանի արտակարգ դրության 4-րդ օրն է: Հայլուրի տեսախցիկն այսօր շրջել է մայրաքաղաքի ամենաբարձր կետում, եղել ամենամարդաշատ այգում: Կադրերն առանց մեկնաբանության:

Աշխարհի ամենահայտնի կենդանաբանական այգիներում եւ ազգային պարկերում խստորեն սահմանափակում են մարդկանց շփումները գազանների հետ: Կենդանասերները ամեն ինչ անում են, որ մարդիկ կորոնավիրուսով չվարակեն կենդանիներին:

Շուշիի ազատագրումից առաջ աղոթք, հետո պատարագ կիսաավերակ Ղազանչեցոց եկեղեցում: Այսօր Հայ Առաքելական Եկեղեցու Արցախի թեմի առաջնորդ Պարգև Սրբազանի ծննդյան օրն է: 5-րդ ալիքը բացառիկ հարցազրույց է ունեցել սրբազանի հետ:

Դատավորների տարիքային շեմը 28-ից 25 դարձնելու կառավարության առաջարկից հետո իշխանական օրենսդիրը հիմա էլ առաջարկում է դատավոր նշանակել բակալավրի կրթություն ու 10 տարվա աշխատանքային փորձ ունեցողին: Ազգային ժողովի պետաիրավական հանձնաժողովում թեժ բանավեճ է եղել ընդդիմադիր, իշխանական պատգամավորների միջեւ: Նախագծի քվեարկությունը հետաձգվել է:

Կորոնավիրուսի տարածումը կանխելու համար Կենտրոնական բանկը մարտի 23-ից թղթային տարբերակով դիմումներ ու գրություններ չի ընդունելու: Բոլոր գրությունները պետք է ուղարկվեն՝ [email protected] էլեկտրոնային փոստի հասցեով կամ կենտրոնական բանկի պաշտոնական էլեկտրոնային կայքի միջոցով: Իսկ որպեսզի կորոնավիրուսը փողի հետ, ձեռքից ձեռք չանցնի՝ Կենտրոնական դրամատունը հորդորում է նվազեցնել կանխիկ գործարքները:

Աշխարհը՝ կորոնավիրուսի տագնապի մեջ:

Այն ինչը երեկ խանգարում էր սովորել, այսօր օգնում է ուսում ստանալ: Հայաստանում կրթական հաստատությունների մեծ մասը օնլայն դասընթացների է անցել:Հեռավար կրթություն սմարթֆոններով եւ կատակներով: