Լրահոս

Նոյեմբերի 1-ից Հայաստանի սահմանն անցնելիս հայ սահմանապահների կողմից դրվող կնիքում Արարատ լեռան պատկերն այլևս չի լինելու։ Հայաստանի իրավական տեղեկատվական համակարգում հրապարակվել են նոր կնիքների նմուշները, որտեղ ակնհայտ երևում է, որ փոփոխված տարբերակում Արարատ լեռը չկա: Ամսաթիվ-կնիքի վրա նշվելու են Հայաստանի անվան հայերեն և անգլերեն տարբերակները: Հենց այդ հատվածից էլ ջնջվելու է Արարատ լեռան պատկերը: ԱԱԾ-ն հիմնավորման մեջ նշել է, որ փոփոխությունները «նշումների կեղծման ռիսկերը նվազեցնելու և անձնագրի էջերն առավել օպտիմալ օգտագործելու» նպատակով են:

Երևանում սեպտեմբերի 15-ի ցերեկը, 20-ին սպասվում է առանց տեղումների եղանակ։ Սեպտեմբերի 16-ի երեկոյան, 17-ին, 18-ի երեկոյան քաղաքի առանձին հատվածներում հնարավոր է կարճատև անձրև և ամպրոպ։ Սեպտեմբերի 19-ին սպասվում է կարճատև անձրև և ամպրոպ։ Ամպրոպի ժամանակ սպասվում է քամու ուժգնացում 15-17մ/վ արագությամբ։

Սեպտեմբերի 15-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը մեկնեց Վատիկան, ուր հանդիպում կունենա Հռոմի Սրբազան Քահանայապետ Լևոն 14-րդ Պապի հետ։ Այս մասին հայտնում են Մայր Աթոռի Տեղեկատվական համակարգից:

Սննդամթերքի անվտանգության տեսչական մարմնի Երևանի կենտրոնի տեսուչները «Միթ Ֆուդ» ՍՊԸ-ին պատկանող մսամթերքի արտադրամասում (ք․Երևան Օհանովի փողոց) իրականացված վերահսկողության ընթացքում նմուշառում են կատարել առկա ապրանքատեսակներից և ներկայացրել լաբորատոր հետազոտության:

Հայկական կողմից դեռ որևէ մեկնաբանություն չկա կիրակի ադրբեջանական լրատվամիջոցներում տարածված միջադեպի մասին: Ինչպես հայտնի է, Բաքուն պնդում է, թե օկուպացված Ստեփանակերտի մի հայազգի բնակչի է ձերբակալել զինված հարձակում պլանավորելու մեղադրանքով: Ադրբեջանական ԱՊԱ-ի հրապարակած կադրերում երևում է, որ հայ տղամարդը ինչ-որ պայուսակով շրջում է Ստեփանակերտում, հետո նա արնաշաղախ ընկած է գետնին և շուրջը բազմաթիվ ուժայիններ կան: Ըստ այդ լրատվամիջոցի՝ տղամարդը 58-ամյա Կարեն Ալբերտի Ավանեսյանն է:

Իշխող «Քաղաքացիական պայմանագիր» կուսակցությունը նախաձեռնել է Արարատ լեռան խորհրդանիշի հեռացումը ոչ միայն պետական խորհրդանշաններից, այլև սեփական կանոնադրությունից։ Այս մասին գրում է Civilnet-ը:

Հայաստանի վարչապետն այսօր խոստովանել է՝ ճիշտ են ընդդիմախոսները, որ պնդում են՝ Փաշինյանն է Արցախը ճանաչել Ադրբեջանի կազմում 2022 թվականի հոկտեմբերի 6-ին: «Ես ճանաչել եմ Ադրբեջանի տարածքային ամբողջականությունը, որ ճանաչեմ Հայաստանի տարածքային ամբողջականությունը»,- «Համապարփակ անվտանգություն և դիմակայություն 2025» միջազգային համաժողովին հայտարարել է Նիկոլ Փաշինյանը։ Հետո ինքն իրեն մի հռետորական հարց տվել՝ իսկ արդյո՞ք «Ադրբեջանը պատրա՞ստ է ճանաչել Հայաստանի տարածքային ամբողջականությունը»: Ըստ Հայաստանի վարչապետի՝ եթե պարզվի, որ պատրաստ չէ, դա խոսակցության ամբողջ բովանդակությունը կփոխի։

Սուր շնչառական վարակների ակտիվ շրջանին ընդառաջ առողջապահության նախարարությունը ձեռք է բերել գրիպի դեմ քառավալենտ պատվաստանյութը և բաշխել առողջության առաջնային պահպանման բոլոր կազմակերպություններին: Այս մասին հայտնում են առողջապահության նախարարությունից:

Հնարավոր է, որ հաջորդ քայլերը լինեն այնպես, որ Արարատի պատկերը հանվի մեր բոլոր խորհրդանիշներից և այն փաստաթղթերից ու կնիքներից, որոնք մեր երկիրը նախկինում օգտագործել է. ԱԺ հայտարարությունների ժամին ասաց «Հայաստան» խմբակցության ղեկավար Սեյրան Օհանյանը՝ անդրադառնալով կառավարության որոշմանը, ըստ որի՝ Արարատ լեռան պատկերը նոյեմբերից չի լինի ՀՀ պետական սահմանահատման կնիքի վրա։

Հայլուր 12։30 Վիճահարույց նոր մտքեր է արտահայտում Փաշինյանը՝ ՀՀ անվտանգության վերաբերյալ

News.am-ը գրում է․ Թուրքական մամուլում եւ սոցկայքերում մեծ ոգեւորություն է առաջացրել Հայաստանի կառավարության որոշումը, որով նոյեմբերի 1-ից ՀՀ մուտքի կամ ելքի սահմանանշանի վրա այլեւս չի լինի Արարատ լեռան պատկերը։

«Վեոլիա Ջուր» ընկերությունը տեղեկացնում է, որ վթարային աշխատանքներով պայմանավորված, սեպտեմբերի 15-ին՝ ժամը 09:15-19:00-ն, կդադարեցվի Սեվան քաղաքի Գործարանային, Խաղաղության, Սարգիս Սեվանց փողոցի ջրամատակարարումը:

«Վաշինգտոնյան համաձայնագիրը ի սկզբանե սխալ օրակարգով է դարձել հանրային քննարկման նյութ, ինչին, ցավոք, տրվում են գրեթե բոլոր քաղաքական ուժերը: «Խաղաղություն ենք բերել» խոսույթին հակադարձելն իմաստազուրկ է»,- գրել է իրավագիտության դոկտոր, պրոֆեսոր  Գևորգ Դանիելյանը։

Երեկ՝ սեպտեմբերի 14-ին, մահվան ելքով վրաերթ է տեղի ունեցել Արագածոտնի մարզում: Ժամը 22:10-ի սահմաններում Երևանի բնակիչ 51-ամյա Շահեն Ն.-ն «Kia» մակնիշի ավտոմեքենայով Մարգարա-Վանաձոր-Տաշիր ավտոճանապարհի 47 կմ-ին՝ Օհանավան բնակավայրի վարչական տարածքում՝ դեպի Երևան ընթանալիս, վրաերթի է ենթարկել հետիոտն 56-ամյա Սվետլանա Ա-ին:

Ես ճանաչել եմ Ադրբեջանի տարածքային ամբողջականությունը, որ ճանաչեմ Հայաստանի տարածքային ամբողջականությունը, «Համապարփակ անվտանգություն և դիմակայություն 2025» միջազգային համաժողովին հայտարարեց վարչապետ Նիկոլ Փաշինյանը։

Աստվածաբան Թովմաս ուրարակիր Առաքելյանը գրում է․ «Երկու զուգահեռ իրականություն. մի կողմում թուրքը պաշտոնապես հաստատում է, որ Անիի Մայր Տաճարը վերածում է մզկիթի, իսկ մյուս կողմում հայը (!?) Արարատ լեռան պատկերը հանում է ՀՀ մուտքի անձնագրային կնիքի վրայից:

Բոլոր եկեղեցիներում կմատուցվի ննջեցյալների հիշատակի Սուրբ Պատարագ, որի ավարտին կկատարվի Հոգեհանգստյան կարգ։

Սեպտեմբերի 14-ին՝ ժամը 23։56-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Օձուն գյուղի բուժարանի մոտակայքում այրվում է անասնագոմ։ Այս մասին տեղեկացրել է ՆԳՆ փրկարար ծառայությունը:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ սեպտեմբերի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Կորեայի ձորի ճանապարհի հիմնանորոգման աշխատանքներով պայմանավորված, հաշվի առնելով քարաթափման վտանգը, օգոստոսի 19-ից ճանապարհը ժամանակավորապես փակ է երթևեկության համար։