Լրահոս

Հանրապետության նախագահ Վահագն Խաչատուրյանը Ղազախստան կատարած աշխատանքային այցի շրջանակներում հանդիպել է Մոնղոլիայի նախագահ Ուխնաագիյն Խուրելսուխի հետ։ Հանդիպման ընթացքում երկու երկրների ղեկավարները գոհունակությամբ արձանագրել են միջազգային տարբեր հարթակներում և բազմակողմ ձևաչափերում Հայաստանի և Մոնղոլիայի միջև ձևավորված արդյունավետ և փոխշահավետ համագործակցությունը։ Միևնույն ժամանակ կողմերը ընդգծել են, որ երկկողմ հարաբերություններում առկա է դեռևս լիարժեք չիրացված զգալի ներուժ, որի իրագործման համար անհրաժեշտ է առավել նպատակային և հետևողական ջանքերի գործադրում։ Մոնղոլիայի նախագահը ներկայացրել է վերջին տարիներին իր երկրում անցկացվող մի շարք միջազգային նախաձեռնություններ և միջոցառումներ՝ առանձնահատուկ շեշտադրում կատարելով կանանց ներգրավվածության ընդլայնմանն ու նրանց ներուժի զարգացմանը միտված ծրագրերի վրա։ Նա հույս է հայտնել, որ ապագայում Հայաստանի կին գործիչներն ու գործարարները ևս ակտիվ մասնակցություն կունենան այդ նախաձեռնություններին՝ նպաստելով փոխգործակցության խորացմանը։ Զրույցի ընթացքում անդրադարձ է կատարվել նաև տարածաշրջանային զարգացումներին։ Հանրապետության նախագահը նշել է, որ 2025 թվականի օգոստոսի 8-ից հետո Հարավային Կովկասը թևակոխել է զարգացման նոր փուլ, որտեղ առանցքային նշանակություն են ձեռք բերել բարիդրացիության, կայունության և խաղաղ համակեցության սկզբունքները։ Նախագահները քննարկել են նաև համագործակցության ընդլայնման հեռանկարները գյուղատնտեսության, կրթության, գիտության, բարձր տեխնոլոգիաների և արհեստական բանականության ոլորտներում։ Կողմերը կարևորել են այս ուղղություններով փորձի փոխանակումն ու համատեղ ծրագրերի իրականացումը՝ որպես երկկողմ հարաբերությունների հետագա զարգացման կարևոր հիմք։

Աշխարհահռչակ հայ ֆուտբոլիստ Հենրիխ Մխիթարյանն ինստագրամյան իր էջում կոչ է արել քաղաքացիներին մասնակցել ապրիլի 23-ի ջահերով երթին։ Դեպի Ծիծեռնակաբերդի հուշահամալիր ամենամյա երթին այս տարի ավելի քան 3000 ջահակիր կմասնակցի, 1000-ով ավելի, քան անցած տարի էր: Ջահերն արդեն պատրաստ են:

Գործարար Սամվել Կարապետյանի առաջնորդած քաղաքական ուժը Կենտրոնական ընտրական հանձնաժողովում գրանցվել է «Ուժեղ Հայաստան» անունով: Ստիպված են եղել հրաժարվել «Ուժեղ Հայաստան Սամվել Կարապետյանի հետ» ձևից, որովհետև ընտրություններին քաղաքական ուժերի առաջադրումների մեկնարկից ընդամենը 5 օր առաջ է իշխող «Քաղաքացիական պայմանագիրը» փոխել ընտրական օրենսգիրքը, որպեսզի քաղաքական ուժերն այլևս չկարողանան դաշինքի անվանման մեջ անձնանուն ներառել: «Ուժեղ Հայաստանն» այսօր կենտրոնական ընտրական հաձնաժողով է տարել նաև նախընտրական ցուցակը:

«Դուք Հայաստան եք գալիս մի մարդու հրավերով, որին Դուք անվանում եք Ձեր ընկերը, բայց որը հայ ժողովրդի թշնամին է։

Նույն օրը, երբ հայտնի դարձավ, որ օկուպացված Արցախի մայրաքաղաքում՝ ադրբեջանցիները քանդել են Սուրբ Աստվածամոր Հովանու մայր տաճարը, Նիկոլ Փաշինյանը հանդես եկավ հակաեկեղեցական նոր հայտարարությամբ՝ եկեղեցին պետք է նաև հարկեր վճարի: Փաշինյանի քաղաքական ընդդիմախոսների համոզմամբ՝ եկեղեցու հետ առաջին հայացքից սառեցված հակամարտությանը Փաշինյանը նոր թափ է հաղորդելու, եթե նրան հաջողվի վերընտրվել:

Այսօր՝ ապրիլի 22-ին, առեղծվածային դեպք է տեղի ունեցել Երևանում։ Ժամը 19։15-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում հերթական օպերատիվ տեղեկություն է ստացվել, որ Հրազդանի կիրճում՝ ժողովրդին հայտնի «Բիձու գյոլից» դեպի Հրազդան մարզադաշտ տանող ճանապարհին՝ ձախակողմյան հատվածով հոսող Հրազդան գետում, դի կա։ Shamshyan.com-ի հաղորդմամբ՝ ոստիկանները ճշտել են այն քաղաքացու ինքնությունը, ով գետում նկատել է դին։ Նա անգամ նկարել է մարմինը, որը ակնհայտ երևում է, սակայն մինչ կժամանեին փրկարարներն ու ոստիկանները, գետի հունը բարձրացել է, և այս պահին մարմինը չի երևում։ Հավանաբար կամ մնացել է ջրի տակ, կամ գետը քշել տարել է։ Այս պահին ոստիկանության Մաշտոցի, Մալաթիայի, Կենտրոնականի բաժնի պետերը հանձնարարել են իրենց ղեկավարած բաժինների համայնքային ոստիկաններին պարզելու համար իրենց տարածքներում անհայտ որոնվող քաղաքացիների ինքնությունը։ Չի բացառվում, որ մարմինը, որը նկատվել է Հրազդան գետում, անհայտ որոնվող լինի։

Ներքաղաքական ատելության մասին վեճ է սկսվել Հայաստանի խորհրդարանի իշխանական ու ընդդիմադիր պատվիրակների մեջ Ստրասբուրգում: Նիկոլ Փաշինյանի թիմակիցները եվրոպական ամբիոնից դժգոհել են, թե «եթե թույլ տան, որ ատելությունը դառնա քաղաքականության լեզու, ժողովրդավարությունը, ի վերջո, կդադարի խոսել»: «Հայաստան» խմբակցության պատգամավոր Արմեն Գևորգյանը հակադարձել է՝ իշխանության ներկայացուցիչներն են իրենց ագրեսիվ, անհանդուրժող լեզվով նսեմացնում ընդդիմախոսներին՝ ազդելով ամբողջ հասարակության վրա, ստեղծելով լարված մթնոլորտ:

Դե, Արմեն Գրիգորյանն այն ժամանակ «հող հանձնողին հանձնենք հողին»-ական էր: Ընդամենը երկու-երեք օր առաջ էլ Գրիգորյանը իրազեկել էր հանրությանը, թե վերջապես հրատարակել է հեղափոխության մասին իր գիրքը, որը՝ իր իսկ խոսքով, «Սերժին մերժելու» պրոցեսի անձնական փորձառության մասին է:

Ապրիլի 22-ին՝ ժամը 12։38-ին, ՆԳՆ 112 օպերատիվ կառավարման կենտրոն ահազանգ է ստացվել, որ Ավանի բուժական կենտրոններից մեկի տարածքը հոսանքազրկվել է, ինչի հետևանքով ստորգետնյա հորանում մնացել են աշխատակիցներ և պացիենտներ։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, հրդեհաշիջման և փրկարարական աշխատանքների կազմակերպման բաժնի հերթապահ խումբը։ Պարզվել է, որ ստորգետնյա հորանում՝ մոտ 230 մետր խորության վրա, գտնվում են 46 քաղաքացիներ։ Փրկարարները գործարկված գեներատորի միջոցով հորանի վերելակով բոլոր 46 քաղաքացիներին հաջողությամբ դուրս են բերել։

Համաճարակ է Բյուրեղավանում: 11 մարդ հոսպիտալացվել է, 100-ավորները ահազանգել են շտապ օգնություն: Սրտխառնոց, փորլուծություն, փսխում, բարձր ջերմություն ախտանշաններով քաղաքացիները երեկվանից են դիմում բուժհաստատություններ: Առողջապահության նախարարությունը վստահեցնում է, որ ծանր դեպքեր չկան: Ըստ տուժածների՝ իրենց վատ ինքնազգացողության պատճառը խմելու ջուրն է, կասկած կա, թե կոյուղաջրերը խառնվել են խմելու ջրին: Ջրից նմուշառումներ են արել:

Նախարարը շրջել է կենտրոնի տարածքում, ծանոթացել հաշմանդամություն ձեռք բերած զինծառայողների համար գործող վերականգնողական մասնագիտական ծառայության պայմաններին և գործունեությանը։

Բյուրեղավան համայնքի խմելու ջրի վերաբերյալ մամուլում շրջանառվող տեղեկությունների վերաբերյալ «Վեոլիա ջուր» ընկերությունից տեղեկացնում են, որ «Վեոլիա ջուր» ՓԲԸ «Աբովյանի» լաբորատորիայի կողմից այսօր վաղ առավոտից Բյուրեղավան քաղաքի, Նուռնուս և Արզնի գյուղերի մի շարք հասցեներից, ինչպես նաև օրվա կարգավորիչ ջրամբարից իրականացվել են խմելու ջրի նմուշառումներ և լաբորատոր հետազոտություններ։ «Այս պահի դրությամբ Բյուրեղավանում խմելու ջրի հետ կապված որևէ շեղում ընկերությունը չի հայտնաբերել։ Կատարված քիմիական հետազոտությունների` ներառյալ մնացորդային քլորի չափումները ցույց են տվել, որ դրանք նորմայի սահմաններում են, իսկ վարակազերծման աշխատանքներն ընկերության կողմից իրականացվել և իրականացվում են պատշած կերպով»,- նշվում է հաղորդագրությունում։

Հայլուր 20։30 Աշխարհահռչակ հայերը ջահակիրների կողքին են. «Մեկ դատ, մեկ պայքար»

Այնուհետև, երբ արդեն հնարավոր էր վերադասավորվել աջ երթևեկելի գոտի, և մեր աշխատակիցը ցանկանում էր տեղափոխվել աջ, Ալեն Սիմոնյանի վարորդը փորձում է վազանց կատարել հենց աջ գոտիով՝ այդպիսով թույլ չտալով մեր աշխատակցին փոխել շարքը։ Այդ ընթացքում Toyota Prado-ն շարունակում էր մեր աշխատակցի մեքենայի հետևից կպած՝ անդադար ազդանշանել և ճանապարհ պահանջել։

Մրգաշենի 52-ամյա ատամնաբույժի դանակահարության հետքերով է գնացել «Հայլուրի» նկարահանող խումբը: Սպանված Արթուր Ավագյանի կինը, քույրն ու մայրը սարսափազդու մանրամասներ են պատմել: Սպանված տղամարդու միայն վզին դանակի երեք հարված են հասցրել մարդասպանները, բառացիորեն հոշոտված մարմին են տեսել հարազատները:

Հ. 2 երթուղի - «Հրազդան» մարզադաշտ – Ծիծեռնակաբերդի խճուղի- Քըրք Քըրքորյան - Կիևյան փողոցներ - մետրոպոլիտենի «Բարեկամություն» կայարան: Հետադարձը՝ նույն ուղեգծով:

Մաշտոցի համայնքային ոստիկանները հայտնաբերել են ավտոբուսի վարորդին դանակահարած անձին, այս մասին հայտնում են ՆԳՆ-ից։ Ապրիլի 20-ին, ժամը 22։23-ին ՆԳՆ օպերատիվ կառավարման կենտրոնում ահազանգ էր ստացվել, որ Հալաբյան փողոցում դանակահարել են ավտոբուսի վարորդին և փախել։ Դեպքի վերաբերյալ ահազանգ էր ստացվել նաև հիվանդանոցից, երբ շտապօգնության խումբը ծակած-կտրած վերքով բուժօգնության էր տեղափոխել 8 համարի երթուղին սպասարկող 44-ամյա վարորդին։ Դեպքի վայր մեկնած համայնքային ոստիկանության Մաշտոցի բաժնի ծառայողները պարզել էին, որ անհայտ անձը վիճել է ավտոբուսի վարորդի հետ, ինչի ընթացքում սուր կտրող-ծակող առարկայով հարվածել վերջինիս։ Ըստ նախնական տեղեկությունների, տղամարդը եղել էր ոչ սթափ վիճակում։ Ապրիլի 22-ին, ժամը 16։40-ին, համայնքային ոստիկանության Մաշտոցի բաժնի ծառայողների ձեռնարկած օպերատիվ-հետախուզական միջոցառումների արդյունքում հայտնաբերվել և խուլիգանության ու մարմնական վնասվածք պատճառելու կասկածանքով ձերբակալվել է մշտական բնակության վայր չունեցող 55-ամյա տղամարդը։ Նա ներկայացվել է վարույթն իրականացնող մարմին։ Կատարվում է նախաքննություն։

Սարսափելի սպանություն է եղել Նոր Արեշում: Սպանված օտարերկրացու արնաշաղախ մարմինն են գտել իրավապահները տներից մեկում: «Հայլուր»-ի աղբյուրները հայտնում են, որ Իրանի քաղաքացի է սպանվածը:

Ապրիլի 22-ին, ժամը 14:33-ին Շիրակի մարզային օպերատիվ կառավարման կենտրոն ահազանգ է ստացվել, որ Կամո բնակավայրի 11-րդ փողոցի տներից մեկի տանիքում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 15:09-ին, մարվել՝ 15:52-ին: Այրվել են տան տանիքի փայտե կառուցատարրերը՝ մասամբ (մոտ 40քմ) և 60 հակ անասնակեր։

Այսօր՝ ապրիլի 22-ին, արտակարգ դեպք է տեղի ունեցել Երևանի Ավան վարչական շրջանում գործող Աղի կոմբինատում։ Ժամը 12։20-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Աղի կոմբինատում էլեկտրաէներգիայի ժամանակավոր հոսանքազրկման պատճառով մոտ 46 քաղաքացի մնացել է 236 մետր խորությամբ շենքի ներսում, հաղորդում է Shamshyan.com–ը։