Լրահոս

«Հայաստան» խմբակցության պատգամավոր, «Հայաստան» դաշինքի պատգամավորի թեկնածու Լևոն Քոչարյանի գործով դատական նիստ է եղել: Քարոզարշավ անելու իր իրավունքը խախտվում է, դատարանում հայտարարել է Լևոն Քոչարյանը:

Քաղաքական գիտությունների դոկտոր, պրոֆեսոր Վահե Դավթյանը գրում է․ «Հայաստանի ու Մոլդվովայի միջև զուգահեռների անցկացումն ավելի ինստիտուցիոնալ բնույթ է ստանում: Դրանք անց են կացվում ոչ միայն մեդիա ու փորձագիտական դաշտում, այլ նաև պաշտոնատար անձանց կողմից: ՔՊ-ն մոլդովական մոդելը փորձում է ներկայացնել որպես հաջողված օրինակ՝ «ռուսական ազդեցությունից ազատվելու» և «արևմտյան ինտեգրման» տեսանկյունից։ Բայց իրականում խոսքը ոչ թե ինքնիշխանության ամրապնդման, այլ նոր կախվածության ձևավորման մասին է։ Իսկ հիմա ամենահետաքրքիրը: Օրերս հայտնի դարձավ, որ Արժույթի միջազգային հիմնադրամը (ԱՄՀ) դադարեցրել է Մոլդովայի ֆինանսավորումը՝ վստահության պակասի պատճառով։ ԱՄՀ-ն դադարեցրել է ֆինանսական միջոցների տրամադրումը Մոլդովային՝ կառավարության կողմից հարկաբյուջետային ոլորտում ստանձնած պայմանները չկատարելու, ռեֆորմների փաստացի տապալման պատճառով։ Քաղաքականության մեջ ամենավտանգավոր սխալներից է պետական շահը արտաքին կենտրոնների սպասարկմանը ենթարկելը։ Մոլդովայի օրինակը՝ դրան ապացույց։ Մայա Սանդույին խոստացան աջակցություն՝ Ռուսաստանի հետ կապերը խզելու դիմաց։ Երբ խնդիրը մեծ հաշվով լուծվեց, պարզվեց, որ Արևմուտքի համար «քաղաքական հավատարմությունը» բավարար չէ։ ԱՄՀ-ի որոշումը դրա ամենացայտուն ինդիկատորն է։ Սանդույին չեն օգնում նույնիսկ Ռումինիայի հետ միավորվելու ու դրանով իսկ եվրաինտեգրման ուղին հարթելու մասին նրա խիստ հակապետական հայտարարությունները: Պատճառը պարզ է՝ Արևմուտքը գործում է բացառապես պրագմատիկ տրամաբանությամբ։ Քանի դեռ օգտակար ես՝ քեզ աջակցում են, հովանավորում։ Երբ դադարում ես լինել արդյունավետ կամ վերածվում ես բեռի՝ պարզապես մի կողմ են նետում։ Առանց սենտիմենտների, առանց «արժեհամակարգային եղբայրության» մասին հեքիաթների։ Ու նման քաղաքականության գինը վճարում է շարքային մոլդովացին՝ գնաճով, սոցիալական ճնշմամբ, պետական պարտքի աճով ու տնտեսական անորոշությամբ։ Հայաստանն այսօր շարժվում է նույն ճանապարհով։ Այնպես որ բավական է պարզապես փոխել որոշ անուններ ու աշխարհագրական անվանումներ։ Մնացածը գրեթե նույնն է»։

Հայլուր 20։30 Աղմկոտ դժգոհություն՝ Շենգեն վիզաների տրամադրման շուրջ՝ իշխանական խանդավառության ֆոնին

Այսօր՝ մայիսի 13-ին, արտակարգ դեպք է տեղի ունեցել Երևանում։ Ժամը 18։25-ի սահմաններում Խորենացի փողոցի 47 հասցեի մոտ դարն ապրած, ամբողջությամբ փտած հաստաբուն ծառը արմատից պոկվել ու տապալվել է։

Հայ տնտեսվարողները կարող են Թուրքիայից ապրանքներ ներմուծել առանց միջնորդների: Այսպիսի տեղեկություն է հրապարակել պետեկամուտների կոմիտեն: Թուրքիայում ուժի մեջ մտած նոր կանոնակարգով այսուհետ Թուրքիայից արտահանվող ապրանքների համար որպես վերջնական նպատակակետ կարող է նշվել Հայաստանը։ Նախկինում ապրանքները Հայաստան էին հասնում երրորդ երկրների, օրինակ՝ Վրաստանի միջնորդությամբ՝ վերաարտահանման ձևակերպմամբ։

Խճճված սցենարով մարտաֆիլմ է հիշեցրել երևանցիներին բացահայտված սպանությունը: 35-ամյա մի տղամարդ, տեսնելով իր զոհին, իջել է մեքենայից, ատրճանակով մի քանի անգամ կրակել նրա ուղղությամբ: Հասկանալով, որ վրիպել է՝ նստել է իր Մերսեդեսը, հետապնդել ու վրաերթի ենթարկել տղամարդուն: Սպանությունից հետո նա փորձել է փախչել Վրաստան, բայց մեքենան բախվել է բետոնե պատնեշին և հայտնվել Աղստև գետում: Սա էլ պատմության վերջը չէ:

Նախընտրական քարոզարշավի ընթացքում ուսումնական գործընթացի խաթարման վերաբերյալ հրապարակված տեղեկությունների առնչությամբ Մարդու իրավունքների պաշտպանը հարկ է համարում ընդգծել, որ ընտրական գործընթացների ընթացքում երեխաների կրթության իրավունքի անխոչընդոտ, շարունակական և լիարժեք իրացումը պետք է լինի առաջնահերթ և երաշխավորված։

Եվրոպական քաղաքական համայնքի առաջին երևանյան հավաքից առաջ Զվարթնոցից քաղաք բերող ճանապարհը արագ-արագ ասֆալտապատած իշխանությունը չի կարողանում լուծել հանրապետության փողոցներին խոցերի պես բացված փոսերի հարցը: Այս դարդը միայն մայրաքաղաքաբնակներինը չէ: Էջմիածնի փողոցները վերանորոգելու համար 2024 թվականից մոտ 670 մլն դրամ է ծախսվել, բայց ասֆալտն արդեն ճաքեր է տվել: Կոռուպցիայի հոտ են առնում Էմիածնում անորակ ասֆալտից:

ՀՀ առողջապահական և աշխատանքի տեսչական մարմինը զգուշացնում է քաղաքացիներին՝ շվեյցարական «Պերջետա» դեղի N 7796 սերիայում կեղծման դեպք է հայտնաբերվել, խորհուրդ է տրվում խուսափել դրա օգտագործումից։

Ինչ իրավիճակ է Լիբանանում վաղը Միացյալ Նահանգների մայրաքաղաքում սպասվող բանակցություններից առաջ: Կրակը չի դադարում, իսկ «Հըզբոլահը» հայտարարել է, որ չի պատրաստվում զինաթափվել Իսրայելի պահանջով:

Ժողովուրդը Փաշինյանին ասել է՝ «ապրես, թեկուզ հարիֆ ես, բայց ապրես». Քոչարյան

Ուկրաինական ճակատում իրադրությունը շարունակում է լարված մնալ: Ըստ Ուկրաինայի արտգործնախարարի՝ պատերազմի ամեն օրվա համար Կիևը 450 միլիոն դոլար է ծախսում: Եթե Զելենսկին ցանկանում է համաձայնության հասնել ու դադարեցնել պատերազմը, նախ պետք է զորքը դուրս բերի Դոնբասից: Այս նախապայմանը այսօր Պեսկովն է վերահաստատել:

Նախօրեին տեղի է ունեցել ՀՀ ԿԳՄՍ նախարարության փորձագիտական հանձնաժողովի երկրորդ նիստը: Նիստի ընթացքում, ի թիվս այլ հուշարձանների, քննարկվել է ՀՀ Լոռու մարզի Շամուտ գյուղի Սբ Աստվածածին (պետցուցիչ՝ 5.85.7) եկեղեցու պահպանության հարցը:

Վստահաբար այս իշխանությունները հեռանալու են. Տարոն Ղազարյան

Էս ընտրություններին ինչո՞ւ է Նիկոլը մասնակցում, թող միանգամից Ալիևը գա, մասնակցի, էլ տեղապահն ինչի՞ համար է. Քրիստինե Վարդանյան

Հայլուր 18։30 Տան մեջ է մխրճվել Կամազը. մահացու վթար՝ Դավիթ Բեկ փողոցում

Նիկոլ Փաշինյանը արդեն վաղուց ժողովրդի հետ իր քաղաքացիական պայմանագիրը խզել է. Իշխան Սաղաթելյան

Մայիսի 10-ին MV Hondius զբոսանավը ժամանել է Կանարյան կղզիների Թեներիֆե նահանգի Գրանադիլյա նավահանգիստ, որից հետո իրականացվել է ուղևորների իջեցում և հայրենադարձության չվերթներ դեպի նրանց բնակության երկրներ։ Հայտնում են ՀՀ ԱՆ Հիվանդությունների վերահսկման և կանխարգելման Ազգային Կենտրոնից։

Ուղիղ I Ռոբերտ Քոչարյանը Արթիկում է. քարոզարշավի վեցերորդ օրը

«Դրսում ունենք ունևոր, իսկ ներսում ծայրահեղ աղքատ հայեր, մարդիկ հացի խնդիր ունեն: Կարապետյանը հայտարարել է, որ ստեղծում է հիմնադրամ, որտեղ 70 տոկոսով Սփյուռքից հայ բիզնեսմենները, մեր ընկերներն ու գործընկերներն են ներդրում անելու, իսկ 30 տոկոսով պետությունը: Այդ հիմնադրամը ամսական նպաստ ու թոշակ է նշանակելու այն մարդկանց, ովքեր ծայրահեղ աղքատ են, 5 հոգանոց ընտանիքին՝ 150,000 դրամ, որպեսզի մարդը կարողանա իր երեխային լավ կրթություն տա, ապրուստը հոգա»