Լրահոս

Հանրապետությունում աննախադեպ ցածր ձվի գինը կարող է վտանգի տակ դնել փոքր բիզնեսը: Հավկիթը խանութից կարելի է գնել 20-25 դրամով: Հակամոնոպոլ մարմինը ուսումասիրություն է սկսկում պարզելու արդյոք մեծ խաղացողները ցանականում են շուկայից դուրս թողնել փոքրերին:

Սեփական օգտագործման համար արտասահմանից այսուհետ կարելի է ամենաշատը 31 կգոց ծանրոց բերել: Գործադիրն այսօր որոշեց ծանրոցի չափը համապատասխանեցնել Եվրասիական տնտեսական միությունում սահմանված չափին: Ծանրոցի գինը չպետք է գերազանցի 150 հազար դրամը:

Հայաստանը բանակցում է դեպի Սիրիա ավիաչվերթներ բացելու համար: Խորհրդարանում հայտնել է քաղ.ավիացիայի կոմիտեի ղեկավար Տաթևիկ Ռևազյանը: Նա պատասխանել է հարցին՝ ե՞րբ հնարավոր կլինի թռչել նաև հայկական երկրորդ մայրաքաղաք՝ Ստեփանակերտ: Ուղիղ ավիաչվերթներ հնարավոր է լինեն Հայաստանից Հորդանան և հակառակ ուղղությամբ: Համեյանդեպս, երկու երկրների միջև օդային հաղորդակցություն ունենալու մասին պայմանագիրն այսօր ընդունել է խորհրդարանը:

Բոլոր նրանց, ովքեր դեմ են հանրաքվեին՝ հակապետական, հակաժողովրդական ուժեր համարող վարչապետը Ազգային ժողովում հիմա էլ հայտարարել է, թե իրենք ոչ մեկի բերանը չեն փակելու, ոչ մեկի մեքենան չեն վառելու, պադյեզդներում չեն ծեծելու, ավելին Հայաստանում 5 ընդդիմադիր հեռուստաալիք կա, մամուլի ազատությամբ էլ աշխարհում 8-րդն ենք: Խորհրդարանում, Նիկոլ Փաշինյանի այս ելույթի ընթացքում Հայաստանի մասին հայտարարություն տարածեց «Լրագրողներ առանց սահմանների» միջազգային կազմակերպությունը ու պարզվեց, աշխարհում մամուլի ազատությամբ ոչ միայն 8-րդը չենք, այլև ըստ կազմակերպության 2020-ին ավելի ներքև ենք իջնելու:

Հարյուրից ավել իրավաբաններ և իրավապաշտպաններ օրեր առաջ հրապարակավ դիրքորոշում էինք հայտնել, որ քաղաքական իշխանության նախաձեռնած հանրաքվեն հակասահմանադրական է՝ թե՛ բովանդակային և թե՛ ընթացակարգային առումներով։

Ընդամենը 48 օրերի ընթացքում 12 սպանությունների և ինքնասպսնությունների աննախադեպ շարան Հայոց բանակում… Եվ այս ողբերգությունը հայրենիքիդ սահմանր պահող զինվորի գնդակից, սեփական տանը, զինակցից…

Հայ Յեղափոխական Դաշնակցության Հայաստանի Գերագույն մարմինը հայտարարություն է տարածել, որով դատապարտել է ՀՀ իշխանությունների՝ երկիրը հերթական արկածախնդրության մեջ ներքաշող նոր քայլերը: ՀՅԴ ՀԳՄ-ն նաև կոչ է արել ՀՀ քաղաքացիներին՝ անտեսել ապրիլի 5-ին նշանակված հանրաքվեն:

2020թ. փետրվարի 12-ին՝ ժամը 13:00-ի սահմաններում, N զորամասի պահպանության տեղամասի մարտական դիրքում, մարտական հերթապահության ընդգրկված պարտադիր ժամկետային զինծառայող, կրտսեր սերժանտ Տիգրան Հուսիկի Մխոյանի գլխի շրջանում հրազենային վնասվածք ստանալու և զինվորական հոսպիտալ տեղափոխվելու ճանապարհին մահանալու դեպքի առթիվ ՀՀ քննչական կոմիտեի երկրորդ կայազորային քննչական բաժնում հարուցվել է քրեական գործ:

Արդարադատության նախկին նախարար Դավիթ Հարությունյանը համոզված է, որ ՍԴ 7 անդամներին տուն ուղարկելու համար հանրաքվե անելը հանցագործություն է հայ ժողովրդի ու պետականության դեմ: Իսկ դրա հակասահմանադրական լինելու մասին՝՝ ինքը միակ իրավաբանը չէ, որ զգուշացրել է: Նախկին պաշտոնյան ասում է չի մասնակցի «Այո»-ի կամ «Ոչ»-ի քարոզչությանը, որովհետև չի կարող մասնակցել հանցագործության:

Այսօր Ամուսնական գործակալությունների միջազգային օրն է։ Պատկերացնու՞մ եք,, առաջին ամուսնական գործակալությունները բացվել են դեռևս 17-րդ դարում: Իմ չամուսնացած գործընկեր Գայանե Մովսիսյանը այցելել է դիմողների պակաս չունեցող ամուսնական գործակալություններից մեկը: Պարզել, որ կյանքի երկրորդ կեսին գտնելու համար գործակալ-կուպիդոնններին դիմում են ավելի շատ կանայք, բայց ոչ թե իրենց համար, այլ տղաների:

Հարևան Իրանում առատ ձյան պատճառով 7 մարդ է մահացել: Երկրի մի շարք նահանգներում փակվել են անգամ դպրոցները: Ի տարբերություն Իրանի, այդ երկրի հարևան Իրաքում երկար սպասված ձյունը ուրախություն է բերել: Բաղդադում ձյուն վերջին անգամ 10 տարի առաջ էին տեսել:

Վարչապետը հաստատել է սահմանադրական բարեփոխումների հանձնաժողովի կազմը: Ենթադրվում է, որ փոփոխությունները մտնելու են մայր օրենք տարեվերջին ու կրկին հանրաքվեի միջոցով: Բայց մինչ այդ քաղաքական իշխանությունը մեկ այլ հանրաքվեով է զբաղված: Հարկատուներիս ձևավորած բյուջեից կծախսվի ավելի քան 2.5 մլրդ դրամ, կամ, մոտ 5 միլիոն դոլար: Այս ամենը միայն նրա համար, որ մենք ունենանք լավ Սահմանադրական դատարան ասում է իշխող թիմը:

Գիշերվանից բքի պատճառով փակ են Արցախ տանող բոլոր ճանապարհները։ Ավելի քան 200 մեքենա գիշերը մնացել է բաց երկնքի տակ: Ուղևորների մեծ մասը գնում էին Արցախ մասնակցելու զինվորների երդման արարողությանը: Պաշտպանության նախարարությունը որոշել է արտակարգ իրավիճակի պատճառով երդման արարողությունները մի քանի օրով հետաձգել։ Բայց թե քանի օր մեքենաները կմնան ճանապարհին հայտնի չէ: Առաջիկա օրերին այդ տարածքում կշարունակվի բուքը: