Լրահոս

Իշխանության ծարավն առաջացնում է միայն մի բան իշխանության՝ անհագ ծարավ։ Մարկեսն է գրել Նահապետի աշունը գործում: Այդ ծարավը հագեցնելու համար միայն հարմար առիթներ են պետք, ճիշտ՝ ինչպիսին կորոնավիրուսն է: 

Հայ-ադրբեջանական սահմանին հակառակորդի գործողությունների հետևանքով վիրավորված երկու զինծառայողները ու 14-ամյա պատանին տեղափոխվել են Երևան։ Նրանց կյանքի վտանգ չի սպառնում:

Միացյալ Նահանգները, որտեղ ամենաշատ կորոնա-վարակակիրները կան, ստեղծել է կորոնավիրուսը բացահայտելու արագ թեստեր: Բայց դրանից միայն ավելանում է բացահայտված դեպքերի թիվը: Նահանգները կոչ է անում երկրից մեկնած իր քաղաքացիներին անհապաղ վերադառնալ, շուտով հնարավոր է՝ էլ չկարողանան: ԱՄՆ-ն պատրաստվում է փակել օդային դարպասները: Միայն այսօր Միացյալ նահանգներում թագավարակի զոհ է դարձել 17 մարդ, բայց Թրամփը իր ոճի մեջ է: Նա խոստացել է, որ մինչև հունիսի 1-ը Միացյալ Նահանգները կհաղթահարի աղետը:

Երկրում բաց են միայն առաջին անհրաժեշտության ապրանքներ վաճառող խանութները, բայց գնապիտակներին երբեմն այնպիսի գներ են, որ ուզում ես թողնել ու հանգիստ ինքնամեկուսանալ տանը: Իմբիրի՝ կոճապղպղեի մինչև 10-ն անգամ թանկացման մասին արդեն ահազանգել էինք: Այսօր իմ գործընկեր Աննա Հովհաննիսյանն է խանութների նոր մոնիթորինգ արել, հայտնաբերել, որ թանկացած իմբիրն առհասարակ անհետացել է վաճառասեղաններից:

Արցախցիներին իհարկե չի խանգարել Անկարայի հոխորտանքը: Նրանք հորդառատ անձրևի ու կարկուտի տակ աննախադեպ մասնակցությամբ լեգիտիմացրել են իրենց ընտրությւոնը:

Մեր երկրում մեկ ամսում կորոնա-վարակակիրների թիվը հատել է 500-ի սահմանը: Մեկ օրում հաստատվել է կորոնավիրուսի 50 նոր դեպք, վարակակիրների թիվը հասել է 532-ի, 3 մարդ մահացել է: Վարակվածներից 90-ը թոքաբորբ ունի, նրանցից 30-ի վիճակը ծանր է: Այսօր ևս մեկ մարդ առողջացել է: Մեր երկրում արդեն 31 մարդ կա, որ հաղթել է վիրուսը: Իսկ արտակարգ սահմանափակումները այսօր երկարաձգվել են ևս 10 օրով: Ի՞նչ տեսք ունի քաղաքը արտակարգ դրության 15 -րդ օրը առանց մեկնաբանության:

Միջազգային լրատվամիջոցների գլխագրերում վարչապետ Փաշինյանը կարդացել է, որ վարակը չի շրջանցելու ոչ մեկին: Եվ ուրեմն արտակարգ սահմանափակումների շրջանը երկրում երկարաձգվում է ևս 10 օրով:  

Կորոնավիրուսի պանդեմիայի օրերին համապետական ընտրություններ անցկացնելու որոշումը արցախում հեշտ չեն կայացրել: Արցախի նախագահը այսօր հայտարարել է, որ վերջնական որոշում ընդունել են միայն երբ հստակ իմացել են, որ ոչինչ չի սպառնա արցախցիների անվտանգությանը: Ընտրողների թվով դիմակներ ու ձեռնոցներ կան բոլոր տեղամասերում: Նախագահ Բակո Սահակյանը վստահ է, որ այս ընտրությունները ավելի են ամրացնելու երկրի անվտանգությունը, արցախցիների կամքը: Տարոն Կոխլիկյանն է պատմում:

Օրենսդիրի ընդդիմադիր մասը զայրացած է: Արտահերթ նիստը իրենցից թաքուն են հրավիրել: Բարգավաճ ու Լուսավոր Հայաստանները ամոթանք են տվել իմքայլականներին, նրանք էլ պատասխանել են ծիծաղելի է, պարոնայք:

Կորոնա-քարտեզի վրա ամենամուգ կարմիր կետերից երկրորդը Իտալիան է մնում: Այսօր այնտեղ սուգ է, խոնարհված են պետական դրոշները; Բայց նաև ուրախության պատճառ ունեն: Կորոնավիրուսով վարակման նոր դեպքերի ռեկորդային ցածր ցուցանիշ է գրանցվել։  

Նրանք արդեն գիտեն, թե ինչ եք նայում համացանցում, նրանք արդեն գիտեն, թե որտեղ է շարժվում ձեր հեռախոսը, հիմա նրանք գիտեն, թե ինչպիսին է ձեր սրտի բաբախյունը:

Ներկայացնում ենք Հայաստանում կորոնավիրուսային հիվանդության հաստատված դեպքերն ըստ Երևանի և մարզերի: Պետք է նշել, որ 532 դեպքից այս պահին ճշգրիտ է 502 քաղաքացու բնակության վայրը: