Լրահոս

Հայաստանում հազարավոր ընտանիքներ այսօր զրկված են հոսանքից ու գազից՝ չնայած վարչապետի հավաստիացումներին, թե արտակարգ դրության ժամանակ անջատումներ չեն լինի: Այս երկուշաբթի լրացավ «Գազպրոմ- Արմենիայի» եւ «Հայէլցանցի»՝ վարձերը վճարելու վերջնաժամկետը եւ սկսվեցին անջատումները: Գազ եւ էլեկտրաէներգիա մատակարարող ընկերությունները կոմունալ վարձերը վճարելու համար երեք օր ժամանակ էին տվել բաժանորդներին, երբ Հանրային ծառայությունների կարգավորման հանձնաժողովը հայտարարել էր, թե ֆորս մաժորը երկրում վերացել է:

Գավառի սպանությունից հետո սոցիալական ցանցերում, կառավարության դիմաց պահանջում են Հայաստանի ոստիկանապետի հրաժարականը: Խորհրդարանական ընդդիմությունը այս հարցի վերաբերյալ դեռ վերջանական որոշում չունի: Պատգամավորները նախ ՝ մտադիր են ոստիկանապետին կանչել Ազգային ժողով եւ լսել նրա բացատրությունները:

Ատելության ալիքը սոցիալական ցանցերից մայրաքաղաքի փողոցներ է իջել: Երևանում այսօր ծեծկռտուք է տեղի ունեցել խորհրդարանի փոխնախագահ Ալեն Սիմոնյանի և Նիկոլ Փաշինյանի ընդդիմախոսներից «Ադեկվատ» միաբանության անդամ Արթուր ԴանիԵլյանի միջև:

Գավառ քաղաքում տեղի ունեցած միջադեպի առնչությամբ տարածված տեղեկությունը, թե, իբր, մահացածներից մեկը ռազմական ոստիկանության քննիչ է, չի համապատասխանում իրականությանը։

ՀՀ քննչական կոմիտեի հատկապես կարևոր գործերի քննության գլխավոր վարչությունում ստացվել և վարույթ են ընդունվել Գավառ քաղաքում երկու անձի սպանելու և չորս անձի հրազենային մարմնական վնասվածքներ պատճառելու, ինչպես նաև՝ մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ հարուցված քրեական գործերը, որոնք միացվել են մեկ վարույթում:

Գավառում տեղի ունեցած սպանդի վերաբերյալ հակասական տեղեկություններ են ստացվում: Ամբողջ գիշեր մարդիկ անհամբեր սպասում էին պաշտոնական տեղեկությունների, իսկ ոստիկանությունը լուռ էր:

Արտակարգ դրության պայմաններում գազի եւ հոսանքի վարձերը վճարելու՝ «Գազպրոմ- Արմենիայի» եւ «Հայէլցանցի» ներկայացրած վերջնագիրը այսօր վերահաստատել է անձամբ վարչապետը: Անկախ նրանից ի վիճակի եք վճարել, թե ոչ, պետք է վճարեք, որովհետեւ վարչապետն ասում է, որ չվճարելու դեպքում՝ երկրում կարող է առհասարակ հոսանք չլինել: Ընդամենը երկու շաբաթ առաջ վարչապետը խոսում էր՝ կոմունալները վճարելու՝ հայաստանցիների բարձր մշակույթի մասին եւ խոստանում, որ արտակարգ դրության ժամանակ ոչ ոք գազից ու լույսից չի զրկվի:

Վարչապետի այս վերջին հայտարարությունը անմիջապես ի գիտություն են ընդունել հեղափոխության նվիրյալ մի քանի երիտասարդ ու ցույցի գնացել կառավարության մոտ՝ բողոքելու վարչապետից ու նրա թիմից: Նրանից մեկը ասել է, որ Նիկոլ Փաշինյանը կամ պետք է ներողություն խնդրի ու շարունակի կառավարել, կամ հրաժարական տա, որպես վատ կառավարիչ:

Հայաստանում ամեն 5-րդ աշակերտը զրկված է հեռավար կրթության հնարավորությունից:

Ադրբեջանի արտգործնախարարը խոսել է արցախյան կարգավորման փուլային տարբերակի շուրջ՝ իր հայ պաշտոնակցի պարզաբանումների մասին: «Մինվալ. ազ»-ին տված հարցազրույցում Մամեդյարով Մնացականյանի վերջին հայատարարությունը անվանել է «հռետորական հարձակում՝ ներքին լսարանին հանգստացնելու համար»: Ինչպես հիշում եք, Զոհրաբ Մնացականյանը ուղիղ տեքստով չէր հերքել Ռուսաստանի արտգործ-նախարար Լավրովի հայտարարությունը, թե բանակցային սեղանին դրված է փուլային կարգավորորում ենթադրող փաստաթուղթ: Ավելի ուշ, ԱԳՆ խոսնակը ռուսական մամուլին ասել էր, որ 2018-ից ի վեր չեն վարվում բանակցություններ, որոնց հիմքում կարգավորման փուլային տարբերակ լինի:

ՁԻԱՀԻ կենտրոնը աղմուկով փակելուց հետո, այսօր էլ առողջապահության նախարարության ձեռքը հասավ Երևանի հակա-տուրբերկուլյոզային կենտրոնին: Բնական է: Այն ևս փակվեց:

Քուչում պպզելը, փողոցում թքելը՝ մերժած Նոր Հայաստանի խորհրդարանում այսօր իրար թուքումուր են տվել պպզողների բառապաշարով: Ալեն Սիմոնյանի նյարդերն են տեղի տվել Էդմոն Մարուքյանի այն հարցից հետո, թե ինչո՞ւ պետությունը չի բացում մոտ 200 միլիարդ դրամ խնայողության քսակը եւ աջակցում՝ անապահով քաղաքացիներին: Ալեն Սիմոնյանը այս պարզ հարցի համար, նախ պոպուլիստ է անվանել Մարուքյանին: Հետո անցել՝ հայհոյանքների: Խորհրդարանում այսօր, նորից իրար գլխի էին հավաքվել, որպեսզի փոփոխություն անեն այս տարվա բյուջեի մասին օրենքում: Մոտ 5 տոկոս տնտեսական աճի փոխարեն, Հայաստանում սպասվում է երկուսից երկուսու կես տոկոս անկում:

Արցախը կունենա սեփական լաբորատորիան, որտեղ կթեստավորեն քաղաքացիներին: Այս մասին հայտարարվել է կառավարության նիստի ընթացքում: Կորոնավարակը երկրի տնտեսություն չի ներթափանցել: Տնտեսությունն ակտիվ է սպասվածի պես, նվազել է միայն ամուսնությունների քանակը:

Աշխարհում կորոնա-վարակակիրների թիվը հատել է 3 միլիոնի սահմանը: Մահացել է ավելի քան 210 հազար մարդ: Վարակը հաղթահարել են 900 հազարից ավելին: Այսօր Ռուսաստանը աշխարհում առաջին երկիրն է, որտեղ մեկ օրում հայտնաբերվել են ամենաշատ վարակակիրները: 24 ժամում՝ ավելի քան 6 դեպք: Չնայած սրան, մահացության ցուցանիշը բարձր չէ՝ 867 մահ:

Արմավիրի Հայթաղ գյուղում այս առավոտ ոչ մեկի հոսանքն ու գազը դեռ չէին անջատել: Պատճառն այն չէ, որ ամբողջ գյուղը կոմունալները վճարելու՝ բարձր մշակույթ է դրսեւորել: Պարզապես, լույսի ու գազի մարդիկ չեն ուզում վատամարդ դառնալ ու խավարի մեջ թողնել անօգնական համագյուղացիներին: Ինչ է թե այդպես են որոշել կառավարական տաքուկ աշխատասենյակներում: