Լրահոս

«Ադրբեջանի գերնպատակներից մեկն է ինչ-որ ձեւով ՀՀ-ն ճանաչի Արցախը Ադրբեջանի մաս: Սա լինելու է աշխարհաքաղաքական ու բարոյահոգեբանական կատաստրոֆա: Մեզ համար անընդունելի է Ադրբեջանի կազմում լինելը, եթե նույնիսկ ողջ աշխարհն այդ կարծիքն ունենա, մենք կարող ենք այդ վիճակից դուրս գալ, բայց ամբողջ աշխարհն այդ կարծիքին չէ: Բոլոր հնարավորությունները կան փրկել ու պահպանել գոնե այն, ինչ մնացել է Արցախից ու չկլանվել վերջնականապես Ադրբեջանի կողմից, ամեն ինչ կախված է մեզանից»,- գրել է նա:

«Զարթնիր Լաո»-ն հայկական դուդուկի հնչյուններով. ՏԵՍԱՆՅՈՒԹ

Բանգլադեշում ավտոբուսի վթարի հետևանքով առնվազն 10 մարդ է զոհվել, 20-ը՝ վիրավորվել։ Այս մասին կիրակի օրը հայտնել է The Daily Observer-ը՝ վկայակոչելով ոստիկանությանը, փոխանցում է ՏԱՍՍ-ը: Ըստ տեղեկությունների՝ ավտոբուսի ուղևորների թվում երեխաներ են եղել։ Միջադեպը տեղի է ունեցել Բարիշալ-Դաքա մայրուղու վրա, երբ ավտոբուսի վարորդը կորցրել է կառավարումը, ինչի հետևանքով մեքենան դուրս է եկել ճանապարհից և բախվել ծառին։

Խորանաշատ վանական համալիրում հիմնադրման 800-ամյակի առթիվ հնգամյա ընդմիջումից հետո եպիսկոպոսական Սուրբ պատարագ է մատուցվել։ Տեղեկացնում են ՀՀ կրթության, գիտության, մշակույթի և սպորտի նախարարությունից։ «Շուրջ հինգ տարի առաջ էր, որ Խորանաշատում առաջին անգամ՝ հարյուրամյակների ընդհատումից հետո, եպիսկոպոսական Սուրբ պատարագ է մատուցվել։ Մայիսի 28-ին այն հնչել է կրկին. առիթը հիմնադրման 800-ամյակն է: Խորանաշատում՝ ադրբեջանական դիրքերից մի քանի տասնյակ մետր հեռավորության վրա, Բագրատ եպիսկոպոս Գալստանյանը Սուրբ պատարագ է մատուցել»,- ասվում է հաղորդագրության մեջ։ Ըստ աղբյուրի՝ արարողությանը ներկա են եղել ՀՀ ԿԳՄՍ նախարար Վահրամ Դումանյանը, նախարարի տեղակալ Արա Խզմալյանը, պաշտոնատար այլ անձինք և բազմաթիվ հյուրեր մայրաքաղաքից և մարզերից: Պատարագին հաջորդել է Անդաստանի արարողությունը՝ աշխարհի չորս կողմերի օրհնության կարգը: Այն Չինարիի համայնքապետարանի հարակից տարածքում կատարվել է Սուրբ խաչով և «Խորանաշատի Ավետարան»-ով։ Նշվում է, որ «Խորանաշատի Ավետարան»-ը (1224 թ.) Չինարի էր բերվել Մեսրոպ Մաշտոցի անվան Մատենադարանից՝ հատուկ այս արարողակարգն իրականացնելու համար: Արարողությունն ամփոփվել է հոգևոր երաժշտությամբ․ երեկոյան Չինարի գյուղի Մշակույթի տանը ներկաներն ունկնդրել են Երևանի պետական կամերային երգչախմբի կատարումները:

Նեպալում կիրակի անհետացել է մասնավոր ավիաընկերության օդանավը, որում 22 մարդ է եղել, հայտնում է Reuters-ը՝ հղում անելով ավիաընկերության եւ կառավարության ներկայացուցիչներին: Նրանց խոսքով՝ ոչ մեծ օդանավը թռչելիս է եղել Պոկհարա զբոսաշրջային քաղաքից, որը գտնվում է մայրաքաղաք Կատմանդուից 200 կմ հեռավորությամբ: Ինքնաթիռը սպասարկում է Tara Air ավիաընկերությունը, որը հիմնականում թռիչքներ է իրականացնում կանադական արտադրության Twin Otter օդանավերով: Ավիաընկերության ներկայացուցիչը հայտնել է, որ օդանավում 4 հնդիկ է եղել, ինչպես նաեւ երկու այլ արտասահմանցի, թեեւ նրանց ազգությունը հայտնի չէ:

Այսօր՝ մայիսի 29-ին, խոշոր ավտովթար է տեղի ունեցել Շիրակի մարզում: Ժամը 07:25-ի սահմաններուն Գեղարքունիքի մարզի բնակիչ, 30-ամյա Մակիչ Գևորգյանը իր վարած Ford Transit մակնիշի ավտոմեքենայով Երևան-Գյումրի ավտոճանապարհի 96-րդ կմ հատվածում դուրս է եկել ճանապարհի երթևեկելի գոտուց, բախվել կամրջի վրա ճամփեզրի բետոնե պատնեշներին և կողաշրջվել: © shamshyan.com https://shamshyan.com/hy/article/2022/05/29/1214497/

Մայիսի 28-ին հրազենային վիրավորում ստացած շարքային Դավիթ Վահանի Վարդանյանի կյանքը փրկել չի հաջողվել, հայտնում են ՀՀ ՊՆ-ից: Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զինծառայողի ընտանիքի անդամներին, հարազատներին և ծառայակիցներին:

Տեղեկացնում եմ, որ մի քանի օր բացակայելու եմ երկրից։ Մեկնում եմ մասնակցելու Եվրոպական Ժողովրդական կուսակցության համագումարին եւ Քաղաքական համաժողովին։ Ծրագրում՝ բազմաթիվ հանդիպումներ, ելույթներ, շփումներ։ Օրակարգում՝ ազգային եւ պետական շահեր, Արցախի եւ Հայաստանի շուրջ ստեղծված իրավիճակ, բռնաճնշումներ եւ քաղ. բանտարկյալներ։ Հ.Գ. Բոլոր նրանք, ում իմ ներկայությունը Ֆրանսիայի հրապարակում «խանգարում» էր միանալ պայքարին, ունեն սարեր շրջելու պատմական շանս։ Ձեզ տեսնեմ

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։ Լենինգրադյան փողոցից դեպի Ծիծեռնակաբերդի խճուղի տանող ճանապարհահատվածի փլուզման հետևանքով Ծիծեռնակաբերդի խճուղին երկկողմանի փակ է։

Մայիսի 28-ին, ժամը 21։29-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Եղեգնաձոր քաղաքի «Քարի տակ» կոչվող հատվածում տեղի է ունեցել ՃՏՊ՝ հրդեհի բռնկմամբ։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Մեղրի ավտոճանապարհի 119-րդ կմ-ին բախվել են «Mercedes-Benz E-Class» (վարորդ` Ա. Ե.), «VAZ-2107» (վարորդ` Ռ. Հ., ծնված 1958 թ.) և «Mercedes-Benz C-Class» (վարորդ՝ Է․ Ս․, ծնված 1988 թ.) մակնիշների ավտոմեքենաները. վերջինս բռնկվել է: Մինչ փրկարարների կանչի վայր հասնելը՝ «Mercedes-Benz E-Class» մակնիշի ավտոմեքենայի ուղևոր Ա․ Ա․-ն (ծնված 1988 թ.) հոսպիտալացվել է Եղեգնաձոր քաղաքի ԲԿ, որտեղ բժիշկները նրա առողջական վիճակը գնահատել են բավարար: Փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը։ Հրդեհը մեկուսացվել է ժամը 21:47-ին, մարվել՝ 22:01-ին: Այրվել է ավտոմեքենայի սրահը։

Ֆրանսիայի հրապարակում հանրահավաքից հետո մշակութային ծրագիր է մեկնարկել: Հրապարակում բացի ազգային երգ ու պարից, այսօր նաև Էջմիածնի քյուֆթայի համտես-փառատոն է անցկացվում:

Ռուսաստանի Քննչական կոմիտեն ավարտել է 2018 թվականին դուստրերի կողմից սպանված Միխայիլ Խաչատուրյանի դեմ հարուցված գործի հետաքննությունը, որն սկսվել էր աղջիկների նկատմամբ սեռական բռնություն գործադրելու մեղադրանքների հիման վրա: Այս մասին հայտնում է ՏԱՍՍ-ը՝ հղում անելով իրավապահ մարմինների աղբյուրին: Նշվում է, որ մեղադրանքը խստացվել էր գործով նոր փաստերի հայտնաբերմամբ, որոնց համաձայն՝ Միխայիլ Խաչատուրյանը դուստրերի մասնակցությամբ պոռնոգրաֆիկ նյութեր է տարածել: «Վերջնական խմբագրմամբ Միխայիլ Խաչատուրյանի պաշտպաններին մեղադրանք է առաջադրվել սեռական բռնության մասին քրեական գործի շրջանակում: Հետաքննության ընթացքում պարզվել է նաեւ մեղադրյալի կողմից դուստրերի մասնակցությամբ պոռնոգրաֆիկ նյութերի տարածման փաստը, ինչի մասին տեղեկացված են եղել նրա փաստաբանները»,- հայտնել է գործակալության զրուցակիցը: Ինչպես հայտնել է գործկալության աղբյուրը, Խաչատուրյան քույրերի փաստաբաններն արդեն ծանոթացել են գործի նյութերին, երբ դրանք ուսումնասիրեն նաեւ մեղադրյալի պաշտպանները, գործը կփոխանցվի դատախազություն մեղադրական եզրակացության հաստատման համար, այնուհետեւ այն կուղարկվի Մոսկվայի Բուտիրսկի շրջանի դատարան:

Մայիսի 28-ին, ժամը 16։23-ին Տավուշի մարզային ճգնաժամային կառավարման կենտրոն ահազանգ է ստացվել, որ Հաղարծին գյուղի «Թաքնված ջրվեժ» կոչվող տարածքում մոտ 5 մ բարձրությունից քաղաքացին ընկել է գետը։ Այս մասին հայտնում են ՀՀ ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հարավային Ավստրալիայում աղջիկ երեխա է ծնվել հազվագյուտ հիվանդությամբ, որը մշտական ժպիտի տպավորություն է թողնում,- հայտնում է Daily Mirror-ը։ Այլա Սամեր Մուչան ծնվել է 2021 թվականի դեկտեմբերին երկկողմանի մակրոստոմիայով՝բերանի չափազանց լայն բացվածքով, որի երկու կողմերն ու դեմքն ախտահարված են: Զարգացման անոմալիայի պատճառով երեխան սնվելու հետ կապված խնդիրներ ունի։

"Դիմադրության" քայլերթը Երևանում

Լոռու մարզի Ուռուտ գյուղում օրեր առաջ խոշոր կարկտից վնասվել են մարդկանց տները, ցանքատարարծությունները։ Panorama-ին բնակիչներից ահազանգեցին, որ անելանելի վիճակում են հայտնվել։ Կարկուտը ջարդ ու փշուր է արել տների լուսամուտները, տանիքները, ցանքատարածությունները։ «Կարկու՞տ․ պաահ,տենց բան չէինք տեսել։ Ընենց ա փրթել, մեր տան պատուհանները լրիվ ջարդված ա, գյուղացիներից մեկի կռիշին կայծակը խփեց , տանիքի կեսը չկա։ Ամբողջ գյուղինը, տուն չկա, որ վնաս կրած չլինի»,- պատմեց Ուռուտ գյուղի բնակիչ Ա․Ա․-ն։

«Դիմադրության» հանրահավաքը` քայլերթից հետո. ԼՈՒՍԱՆԿԱՐՆԵՐ

«Հայրենիք» կուսակցության քաղխորհրդի անդամ Արսեն Բաբայանը գրում է. «Այս լուսանկարը շատ խորհրդանշական է: 2018 թվականին #նիկոլ_մահաբերը Ազատության հրապարակում ասեց՝ հենց այստեղից մինչև պրոսպեկտի շուկա մարդ լինի հավաքված՝ իշխանափոխություն կլինի: Նիկոլը վստահ էր, որ Սերժ Սարգսյանը կտար հրաժարական, քանի որ փողոցում այդքան մարդու առկայությունը ժողովրդական պահանջ էր ցույց տալու, իսկ Սերժ Սարգսյանը չէր հակադրվի ժողովրդի ցանկության հետ: Նիկոլին այդպես էլ չհաջողվեց փողոցում ունենալ այդքան աջակցություն, առավելագույնը, որ հավաքվեցին, պահանջվածի կեսն էր: Բայց նույնիսկ այդ դեպքում պետության անվտանգությունը երաշխավորած նախագահը հրաժարական տվեց: Այս լուսանկարն այսօրվա է: Քիչ առաջ փողոցում այնքան մարդ կար, որքան 2018-ին երազեց, բայց չունեցավ #նիկոլ_մահաբերը... Մի խորհուրդ ունեմ նիկոլիզմին. ժողովրդին մի հասցրու ծայրահեղության: Գնա՛, թող ապրենք..»։

Մայիսի 28-ին` ժամը 19։44-ին, Արագածոտնի մարզային ճգնաժամային կառավարման կենտրոն ահազանգ է ստացվել, որ Կարմրաշեն գյուղում գտնվող սրբատեղիի մոտակա ժայռից քաղաքացի է ընկել ձորը․ անհրաժեշտ է փրկարարների օգնությունը:

Նիգերիայի Ռիվերս նահանգի մայրաքաղաք Պորտ Հարքուրտ քաղաքի եկեղեցու կողմից կազմակերպած միջոցառման ժամանակ հրմշտոց է սկսվել, որի հետևանքով ավելի քան 30 մարդ է զոհվել , հայտնում է Punch թերթը՝ հղում անելով ոստիկանությանը։