Լրահոս

«Մեր պատասխանը կլինի հրապարակային, և կարմիր գծեր չեն լինի։ Բոլոր տարբերակները սեղանին են, այդ թվում՝ նախկինում չքննարկված սցենարները»։

Հայլուր 12։30 Խոշոր հարձակում՝ Իրանի վրա. ջախջախիչ պատասխան է խոստանում Թեհրանը

Մինչդեռ NourNews-ը հայտնում է, որ Իրանը տասնյակ հրթիռներ է արձակել Իսրայելի ուղղությամբ։ Իսրայելի պաշտպանության բանակի խոսնակը նույնպես հաստատել է Իսրայելի ուղղությամբ երկրորդ համազարկի արձակումը։

Արցախի Հանրապետության Ազգային ժողովում ներկայացված քաղաքական ուժերը հայտարարում են, որ շարունակելու են հետևողական քաղաքական ուղեգիծ վարել ՝ Արցախի ժողովրդի իրավունքների պաշտպանության, հայրենի բնակավայրեր անվտանգ և արժանապատիվ վերադարձի և ինքնորոշման իրավունքի լիարժեք իրացման ուղղությամբ։

Հաղորդվում է, որ արձակվել է 30 հրթիռ։ Իսրայելի պաշտպանության բանակը հայտնաբերել է Իսրայելի ուղղությամբ հրթիռների արձակում: Իսրայելցիներին հրամայվել է ապաստան գտնել ռումբի ապաստարաններում:

«Իրանում անվտանգության հետ կապված իրավիճակի սրման կապակցությամբ Ադրբեջանի քաղաքացիներին խորհուրդ է տրվում զերծ մնալ այդ երկիր այցելելուց»,-ասվում է հայտարարության մեջ:

Էջեյը համարվում է երկրի ներքին բռնաճնշումների կարևոր դեմք։

Դե, ինչ՝ ԱՄՆ-ն ևս պաշտոնապես հայտարարեց, որ Իրանի դեմ սկսել է ռազմական գործողություն, գրել է իրանագետ Վարդան Ոսկանյանը։ «Չնայած Թեհրանի հյուսիսային և արևմուտքին՝ հիմնականում կառավարական հաստատությունների շենքերին, հարվածներին՝ առայժմ չկան տեղեկություններ Իրանի ռազմաքաղաքական ղեկավարության շրջանում զոհերի մասին։ Ի տարբերություն 12-օրյա պատերազմի, կարծես թե չի աշխատել Իրանի ներսում իսրայելական լրտեսական ցանցը, որի միջոցով էլ նախկինում թիրախավորվել էին Իրանի ռազմական վերնախավի մի շարք գործիչներ, ինչը ցուցիչ է, որ Թեհրանում դասեր են քաղել նախորդ պատերազմի փորձից»։ 

ԱՄՆ-ն  Իրանի դեմ լայնածավալ ռազմական գործողություն է սկսել։ Այս մասին հայտարարել է ԱՄՆ նախագահ Դոնալդ Թրամփը։

«Եթե հաշվի առնենք այն, որ իսրայելական ԶԼՄ-ները փորձում են այս հարվածը ներկայացնել համատեղ իսրայելա-ամերիկյան հարձակում, մինչդեռ ԱՄՆ զորամիավորումներն առայժմ դրան չեն մասնակցում, խնդիրը պարզ է ստանալ իրանական հակահարված, որն անխուսափելի է լինելու և պատերազմի մեջ ներքաշել Վաշինգտոնին։

Տեղեկությունը դեռևս պաշտոնական աղբյուրների կողմից չի հաստատվել։

Նրա բանագնացներ Ուիթկոֆը և Քուշները հինգշաբթի Ժնևում հանդիպել են իրանցի պաշտոնյաների հետ, սակայն ուրբաթ օրը Թրամփը հայտարարել է, որ «գոհ չէ» բանակցություններից:

Իրանական ԶԼՄ-ները հայտնում են, որ հարվածի տակ են հայտնվել հետախուզության նախարարությունը, պաշտպանության նախարարությունը, գերագույն առաջնորդի նստավայրը և Թեհրանում ատոմային էներգիայի իրանական կազմակերպությունը: Հաղորդվում է, որ հարվածները շարունակվում են ալիքներով:

Վարչապետի աշխատակազմը 1 միլիարդ 656 մլն 295 հազար դրամ է փոխանցել «Ֆակտորի փրոդաքշն» ընկերությանը Եվրոպական քաղաքական համայնքի 8-րդ գագաթնաժողովը կազմակերպելու համար: Այս ընկերությունը վարչապետի աշխատակազմի հետ տարիներ ի վեր խոշոր պայմանագրեր է կնքում՝ մեծ գումարներ արժեցող:

ISNA-ի հետ զրույցում լավատեղյակ աղբյուրը, անդրադառնալով այդ հարձակումների մասշտաբներին, նշել է, որ սկզբնական հարձակումների ինտենսիվությունն ու մասշտաբները, մասնավորապես որոշակի զգայուն տարածքներում, հանգեցրել են իսլամական հեղափոխության պահապանների կորպուսի զգալի թվով աշխատակիցների մահվան և վիրավորման, որոնցից շատերը ծառայել են կարևոր օպերատիվ և մասնագիտացված պաշտոններում։

Այս մասին հայտնել Է Reuters-ի պաշտոնական ներկայացուցիչը։

Իրանի ուղղությամբ Իսրայելի հարձակումների երկրորդ ալիքի մեջ են հայտնվել մոտ 30 թիրախներ, այդ թվում ՝ Իրանի նախագահի նստավայրը, Իսլամական հեղափոխության պահապանների կորպուսի հետախուզության շտաբը և Թեհրանի օդանավակայանը: Բացի այդ, տեղեկություններ են հայտնվում Իրանի նախագահ Մասուդ Պեզեշքիանի դեմ հնարավոր մահափորձի մասին։ Դրա պաշտոնական հաստատում դեռ չկա։

Իսրայելի օդային տարածքը պաշտոնապես փակ է, հայտնում են իսրայելական լրատվամիջոցները: Բացի այդ, թիկունքի հրամանատարությունը հայտարարել է անվտանգության քաղաքականության փոփոխության մասին։ Նոր հրահանգների համաձայն՝ արգելվում է կրթական միջոցառումների, հանդիպումների անցկացումը և աշխատատեղերի այցելությունները, բացառությամբ կենսական նշանակության ոլորտների:

Նշվում է, որ արդեն հարձակման են ենթարկվել իրանական ռեժիմի տասնյակ թիրախներ։ 

Սպասվում է, որ մոտ ժամանակներս Իսրայելի վրա հրթիռային և անօդաչու հարձակում տեղի կունենա, հայտնում է Clash Report-ը: Իսրայելի պաշտպանության նախարարը երկրում արտակարգ դրություն Է հայտարարել և կոչ արել բնակչությանը հետևել քաղաքացիական պաշտպանության հրամանատարության հրահանգներին և մնալ պաշտպանված գոտիներում: