Լրահոս

ՌԴ նախագահ Վլադիմիր Պուտինը հեռախոսազրույց է ունեցել ԱՄՆ նախագահ Դոնալդ Թրամփի հետ, որը տևել է ավելի քան 1.5 ժամ։ Այս մասին հայտնել է Ռուսաստանի նախագահի օգնական Յուրի Ուշակովը։

Գլխավոր դատախազ Աննա Վարդապետյանը չի ուզում մեկնաբանել «Քաղաքացիական պայմանագիր» կուսակցության նախընտրական ծրագրի՝ Ամենայն Հայոց Կաթողիկոսին հեռացնելու դրույթը։ Գլխավոր դատախազը խորհրդարանում 2025 թվականի կատարողականը ներկայացնելու ժամանակ ասել է՝ «Դատախազությունը քրեական վարույթից դուրս գնահատականներ չի տալիս»: Այդ դեպքում ինչպե՞ս է Վարդապետյանը գնահատականներ տալիս «Բագրատ սրբազանի և նրա 18 աջակիցների գործով». ԱԺ-ում հետաքրքրվել է ընդդիմադիր պատգամավոր Գեղամ Մանուկյանը:

Հեղուկ գազի հնգօրյա դեֆիցիտը, կարծես, կարգավորվել է: Գազալցակայաններում հեղուկ գազ կա, հերթերն էլ են պակասել, բայց գինը, չգիտես ինչու, չի իջնում: 280 դրամ է 1 լիտր հեղուկ գազը:

Ընդդիմախոսներին պրոռուսական հայացքների համար մեղադրող, իրեն Եվրոպայի դուռը բացողի դերը վերապահած Փաշինյանի կառավարման շրջանում ինչու՞ են ծանրաբեռնվել վիզա կենտրոնները, ինչու՞ է դեզի մեջ ասեղ ման գալու չափ բարդացել շենգեն վիզա ստանալու ընթացակարգը: Փաշինյանի գլխավոր քաղաքական հակառակորդի քաղաքական թիմում հիշեցնում են՝ երկրորդ նախագահ Ռոբերտ Քոչարյանի կառավարման տարիներին են սկսվել Եվրամիության հետ վիզաների ազատականցման մասին բանակցությունները: Հիմա էլ իրենք խոստանում են՝ ամեն բան անելու են, որ Հայաստանի քաղաքացին աշխարհով մեկ կճամփորդի ազատ:

Իսրայելական հարվածների հետևանքով վերջին 24 ժամվա ընթացքում Լիբանանում զոհվել է 42, վիրավորվել՝ 99 մարդ։

«Իշխանություն» լրատվականի տեղեկություններով՝ ՆԳՆ գվարդիայի ավտոբուսի մասնակցությամբ տեղի ունեցած վթարի հետևանքով հիվանդանոցում մահացել է ուղևոր Բաբկեն Համբարյանը: Նույն օրը ինքնшսպան է եղել նաև նրա եղբայրը՝ Բախշիկ Համբարյանը։ Վթարի օրը հիվանդանոցում մահացել էր նաև մեքենայի վարորդը։

Հարձակումը տեղի է ունեցել Շեբեկինսկի շրջանի Վոզնեսենովկա գյուղում, հայտնել է մարզպետ Վյաչեսլավ Գլադկովը: Ստացած վնասվածքներից երեք կանայք տեղում մահացել են։

Այսօր Աղվերանում հայկական ու ադրբեջանական պատվիրակությունների հանդիպումից զատ, տեղի է ունեցել նաև քննարկում հայ և ադրբեջանցի գործարարների միջև։ Այդ մասին տեղեկանում ենք քիչ առաջ ՀՀ ԱԳՆ-ի տարածած հաղորդագրությունից։

Համատարած գաղտնալսումներով է արդեն սպառնում իշխանությունը: Խորհրդարանի ՔՊ-ական խոսնակը բացեիբաց հայտարարել է, որ Ձեզ լսելու են՝ անկախ նրանից՝ կխոսեք փակ կապով, բաց կապով, Տելեգրամով, Վոթսափով, Ինստագրամով, սիգնալով, թե այլ բանով, զգույշ խոսեք Հայաստանում:

Հայլուր 20։30 Մուստաֆաևի հայ դասընկերը նրան տեսնել չի ուզում. նոր մանրամասներ՝ աղմկոտ այցից

Ավելի է բորբոքվում սկանդալը կենսաչափական անձնագրերի փաշինյանական դիզայնի շուրջ: Արարատի պատկերը անձնագրերից ջնջած իշխանությանը հարց ունեն ընդդիմախոսները՝ Ադրբեջանի հետ բանակցող Արարատ Միրզոյանի անունը դեռ ոչ մեկին չի՞ անհանգստացրել, չէ՞ որ պատմական Հայաստանին հղում է պարունակում արտգործնախարարի անունը և կարող է Փաշինյանի սահմանած արտաքին քաղաքականությանը հակադրվող սադրանք համարվել Բաքվում: Հատկապես, որ դեռ 2022-ին Արարատ Միրզոյան-Մևլութ Չավուշօղլու հանդիպումից հետո Հայաստանի գլխավոր դիվանագետին թուրքական հեռուստատեսությամբ ներկայացրել էին նոր անունով՝ Արաբաթ Միրզոյան:

Ապրիլի 29-ին, ժամը 10։39-ին Լոռու մարզային օպերատիվ կառավարման կենտրոն ահազանգ է ստացվել, որ Վանաձոր-Փամբակ ավտոճանապարհին տեղի է ունեցել ՃՏՊ՝ գազ տեղափոխող կցորդով բեռնատարը կողաշրջվել է․ տուժածներ չկան։

1-ից 7 համարակալված շքեղ մինիվեններով են Աղվերանում շրջել առավոտյան Հայաստան ժամանած ադրբեջանցի բարձրաստիճան հյուրերը՝ ուժայինների մեքենաների ուղեկցությամբ: Ափրիքոթ՝ ծիրան անունով հյուրանոցի դռները փակ են եղել անգամ ադրբեջանական պատվիրակության մեկնումից հետո: Ըստ ամենայնի, հայ գործարարների է հանդիպել Ադրբեջանի փոխվարչապետը առողջարանային քաղաքում: Պաշտոնական ժուժկալ հայտարարությունների ֆոնին՝ ընդդիմությանը վստահ է, որ Շահին Մուստաֆաևը չի եկել Հայաստան ասելու, թե Շորժայից, Սև լճից՝ օկուպացված տարածքներից հետ է քաշվելու ադրբեջանական զորքը: Հակառակը կասկած կա, թե Մուստաֆաևը Սյունիքի հարավի ճակատագրով է զբաղվում, որտեղով Ալիևն ուզում է անցկացնել պանթուրանական միջանցքը:

Միացյալ Նահանգների ղեկավար Դոնալդ Թրամփն իր խորհրդականներին հանձնարարել է գծել Իրանի տևական շրջափակման պլան, հայտնում է The Wall Street Journal-ը: Ըստ ամերիկյան հեղինակավոր պարբերականի՝ Թրամփը գիտակցում է, որ այս փուլում Իրանին դիվանագիտական սեղանի շուրջ վերադարձնելու ամենակարճ ճանապարհը ծովային շրջափակումն է: Նավերի և նավթատար տանկերների ելքը իրանական նավահանգիստներից արգելափակելով՝ Վաշինգտոնը մեծ հարված է հասցնում Իրանի տնտեսությանը: Գայանե Մովսիսյանն է հետևում զարգացումներին:

Այսօր՝ ապրիլի 29-ին, ողբերգական դեպք է տեղի ունեցել Երևանում։ Ժամը 18։00-ի սահմաններում ՀՀ Ներքին գործերի նախարարության ոստիկանության պարեկային ծառայության Երևանի քաղաքի գնդում օպերատիվ տեղեկություններ են ստացվել, որ Դավիթաշենի կամրջի տակ դի կա։

Այսօր՝ ապրիլի 29-ին, խոշոր ավտովթար է տեղի ունեցել Արարատի մարզում։ Ժամը 16։30-ի սահմաններում Սիս-Սիփանիկ ավտոճանապարհին Արմավիրի մարզի բնակիչ 68-ամյա Գագիկ Ա․-ն իր վարած, Մասիս-Հովտաշատ երթուղին սպասարկող «ՊԱԶ» մակնիշի ավտոբուսով դուրս է եկել ճանապարհի երթևեկելի գոտուց և կողաշրջվել, ինչի հետևանքով վնասվել է նաև գազատար խողովակը։

ԿԳՄՍ նախարարությունը, վերջին զանգի միջոցառումներում մշակութային բաղադրիչի շեշտադրումը կարևորելով, շրջաբերական գրություններ է ուղարկել Երևանի քաղաքապետարանին և ՀՀ մարզպետարաններին: Ըստ այդմ՝ 2025-2026 ուսումնական տարվա ավարտին ևս հանրակրթական ուսումնական հաստատությունների համար կանցկացվի «Մշակութային վերջին զանգ» միջոցառումների մրցույթ: Այս մասին հայտնում են ՀՀ ԿԳՄՍՆ-ից:

Հայլուր 18։30 Մուստաֆաևը Հայաստանում ո՞ւմ հետ է հանդիպել. նա շքեղ մեքենաներով շրջել է Աղվերանում

Ապրիլի 29-ին, Աղվերանում, Ադրբեջանի փոխվարչապետ Շահին Մուստաֆաևի և ՀՀ փոխվարչապետ Մհեր Գրիգորյանի նախագահությամբ, տեղի ունեցավ Հայաստանի և Ադրբեջանի միջև պետական ​​սահմանի սահմանազատման պետական ​​հանձնաժողովի և Հայաստանի և Ադրբեջանի միջև պետական ​​սահմանի սահմանազատման և սահմանային անվտանգության հանձնաժողովի տասներեքերորդ նիստը։ Այս մասին հաղորդում է ԱՊԱ գործակալությունը։

Բաքուն կարող է պաշտոնական որոշում ընդունել Եվրոպական խորհրդարանի հետ հարաբերությունները դադարեցնելու մասին՝ «ի պատասխան Ադրբեջանի նկատմամբ կառույցի կողմնակալ դիրքորոշման»։ Այս մասին հայտնում է Trend-ը` հղում կատարելով իրազեկ աղբյուրին։