Լրահոս

Ամերիկյան զինվորականները մտադիր չեն ներխուժել Իրանի օդային կամ ջրային տարածք Հորմուզի նեղուցում, քանի որ դրա անհրաժեշտությունը չկա: Այս մասին հայտարարել է ԱՄՆ պատերազմի նախարար Փիթ Հեգսեթը: Իրավիճակը Մերձավոր Արևելքում նորից լարվել է, երբ Հորմուզում արգելափակումից առևտրային նավերի դուրսբերման «ծովային գործողություն» է սկսել Վաշինգտոնը:

Փանիկի շրջանի կավը Հայաստանում վերամշակելու՝ կերամիկայից շինանյութ սարքելու նախագիծ ունի «Ուժեղ Հայաստան»-ը: Դաշինքի ցուցակը գլխավորող Նարեկ Կարապետյանը Արթիկի բնակիչներին մշտական աշխատանք է խոստացել՝ իշխանության գալու դեպքում, որ էլ արտագնա աշխատանքի հույսին չմնան քաղաքի 7 հազար տղամարդիկ: Այդքան մարդ է, ըստ Նարեկ Կարապետյանի, ամեն տարի Արթիկից արտագնա աշխատանքի գնում:

Կառավարությունը փաստացի կաթվածահար էր եղել իշխող կոալիցիայի պառակտումից հետո։ Սոցիալ-դեմոկրատներն առաջինն էին հետ կանչել իրենց աջակցությունը կառավարությանը, ինչից հետո նրանց ներկայացուցիչները սկսեցին դուրս գալ նախարարների կազմից։ Սա հանգեցրեց իշխող թիմի փաստացի փլուզմանը և խորհրդարանական մեծամասնության կորստին։

ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը հանդիպել է ՓՄՁ ներկայացուցիչների հետ և քննարկել ոլորտի խնդիրները:

Հայլուր 18։30 Սպանություն՝ երևանյան բակում. «Շոկի մեջ եմ, վախենալը մի կողմ»

Հյուրերը ծաղիկներ են խոնարհել անմար կրակի մոտ և մեկ րոպե լռությամբ հարգել Հայոց ցեղասպանության զոհերի հիշատակը: Նրանք այցելել են Հայոց ցեղասպանության թանգարան, որտեղ ծանոթացել են մշտական և ժամանակավոր ցուցադրություններին։ Վերջում տիկին Տոմոկո Ականեն գրառում է կատարել Պատվավոր հյուրերի հուշամատյանում:

Հայաստանի Հանրապետության պաշտպանության նախարարի տեղակալ Կարեն Բրուտյանը և Արևելյան Եվրոպայի և Կովկասի գծով «ԷՅՐԲԱՍ» ընկերության նախագահի տեղակալ Լյուդովիկ Բուաստոն և նույն ընկերության Եվրոպայի գծով տնօրեն Սեսիլ Առնոն փոխանակել են Հայաստանի Հանրապետության պաշտպանության նախարարության և «ԷՅՐԲԱՍ» ընկերության միջև տրանսպորտային ուղղաթիռների մատակարարման պայմանագիրը։

Օդանավը թռիչք էր կատարել Աբու Դաբիից և շուրջ երկու ժամ պտտվել Պարսից ծոցի վրայով, որից հետո տվել է 7700 ազդանշանը և ուղղություն վերցրել դեպի Կատար։ Այս կոդն օգտագործվում է վերգետնյա ծառայություններին վթարային իրավիճակի մասին տեղեկացնելու համար, ինչպիսիք են շարժիչի խափանումը, սրահի հերմետիկության կորուստը կամ օդանավում գտնվող որևէ մեկի առողջական խնդիրները: Համաձայն հասանելի տվյալների՝ ինքնաթիռը սկսել է վայրէջք կատարել, սակայն Դոհայից մոտ 60-70 կիլոմետր հեռավորության վրա նրա գտնվելու վայրի մասին տվյալներն ընդհատվում են։ Դա կարող է պայմանավորված լինել այն հանգամանքով, որ որոշակի բարձրության վրա անջատված տրանսպոնդերներով ինքնաթիռները դուրս են գալիս վերգետնյա ռադարների տեսադաշտից: Boeing KC-135R լիցքավորող օդանավերն այժմ ակտիվորեն թռիչքներ են իրականացնում այդ տարածաշրջանում՝ Իրանի դեմ ԱՄՆ-ի գործողությունների ֆոնին։ Ավելի վաղ նմանատիպ օդանավերից մեկը կորել էր օդում՝ ենթադրաբար բախվելով նույն մոդելի մեկ այլ ինքնաթիռի հետ:

Մոսկվայի բոլոր օդանավակայանները ժամանակավորապես դադարեցրել են աշխատանքը։ Այս մասին հայտնում է «Շերեմետևո» օդակայանի մամուլի ծառայությանը։ Մոսկվայի քաղաքապետ Սերգեյ Սոբյանինի խոսքով՝ ՀՕՊ-ը ուկրաինական չորս ԱԹՍ-ների հարձակում է հետ մղել: Գիշերվանից են կողմերը փոխադարձ հարվածների մասին հայտնում՝ չնայած հրադադարի մասին հայտարարություններին:

Անչափահաս տուժողը նախաքննության ընթացքում տվել է իրարամերժ, հակասական ցուցմունքներ, մասնավորապես՝ մի դեպքում ընդհանրապես հերքել է որևէ անձի, այդ թվում՝ Արթուրի հետ սեռական հարաբերություն ունենալու հանգամանքը՝ նշելով, որ այդ տղամարդը չի փորձել իր հետ սեռական հարաբերություն ունենալ, չի հարվածել և նույնիսկ չի համբուրել իրեն, իսկ դատաբժշկական փորձաքննության ընթացքում հայտնել է, որ շուրջ մեկ տարի է, ինչ սեռական հարաբերություններ է ունենում մեկ այլ անձի հետ:

Այսօր՝ մայիսի 5-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 15։10-ի սահմաններում Իջևան-Սևան-Երևան ավտոճանապարհի 126 կմ հատվածում բախվել են «Tesla» մակնիշի, «Jeep Wrangler» մակնիշի, «Nissan Sentra» մակնիշի և 2 «Ford Transit» մակնիշի ավտոմեքենաները։

Տարիներ շարունակ էս մասին եմ նաև հիշեցրել:

Նախարարին ներկայացվել են կրթական հաստատության կառուցվածքը, կրթության կազմակերպման գործընթացը, ուսումնական ծրագրերը:

Ավինյանի անունն անգամ լսել չեն ուզում մայրաքաղաքի բնակիչները, երբ իմանում են, որ էլի ուղևորափոխադրումների վարձավճարներից է խոսել քաղաքագլուխը: Գոհ է Ավինյանը՝ իր պարտադրանքով լավ գումար է հավաքվել անցած ամիս, որով նոր ավտոբուսներ են գնելու: Քաղաքացիները վրդովվում են՝ 100 դրամի ժամանակ էլ նոր ավտոբուսներ կային, համոզված են՝ առանց սակագինը բարձրացնելու էլ հնարավոր էր թարմացնել ավտոպարկը, ցանկություն է պետք:

Մայիսի 5-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց մայիսի 3-ին՝ Սուրբ Խաչի երևման տոնին, քահանայական կոչմանն արժանացած նորաօծ յոթ քահանաներին՝ ուղեկցությամբ Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանի:

Իմ եզրակացությունն այս ամեն ինչից, կոնկրետ Հայաստանի Հանրապետության օրինակով, հետևյալն է, որ թվում է, թե ֆիզիկական կամ տեսանելի կամ աչքի առաջ գտնվող կամ կոնկրետ պարամետրեր ունեցող հանգամանքների փոփոխությամբ մենք կարող ենք հասնել շատ ավելի մեծ փոփոխությունների, քան ի սկզբանե կարող էինք մտածել։ Եվ այսօր ես ուրախությամբ եմ արձանագրում, որ այս ամեն ինչի բերումով Հայաստանի Հանրապետությունը գոյատևման օրակարգը փոխարինել է զարգացման օրակարգով։ Որովհետև այն, ինչ նախկինում մեզ համար համարվում էր գոյաբանական սպառնալիք, մենք այսօր գտնվում ենք այդ սպառնալիքը, նկատի ունեմ աշխարհագրական դիրքը, բացառիկ առավելության վերածելու ճանապարհին, երբ Հայաստանի Հանրապետությունը գրավիչ է ներդրումների համար։ Այսօր, իմիջիայլոց, Եվրոպական Միությունն ընդունեց հայտարարություն, որով միջազգային ներդրողներին կոչ է անում ներդրումներ անել Հայաստանի Հանրապետությունում։ Եվ սա կարևոր արձանագրում է այն բանի, որ խաղաղությունը Հայաստանի Հանրապետությունում ոչ միայն հաստատված է, այլև ունի միջազգային վստահելիություն, և միջազգային ինստիտուտները ներդրողներին հրավիրում են Հայաստանի Հանրապետություն այդ ներդրումներն իրականացնելու, և այդ ներդրումներն արդեն իսկ ընթացքի մեջ են։ Եվ հետևաբար, մեր օրինակը, կարծում եմ, շատ կարևոր օրինակ է, թե ինչպես երկիր, առանց նոր հանքեր բացահայտելու, կարող է զրո էներգետիկ ռեսուրսով երկրից վերածվել անսահմանափակ էներգետիկ ռեսուրսներ ունեցող երկրի, ինչպես կարող է երկիրը հուսահատ աշխարհագրական դիրքը փոխարինել հուսավառ աշխարհագրական դիրքով, որը, ըստ էության, առանցքային նշանակություն կունենա երկրի կայունության, խաղաղության, զարգացման և անվտանգության համար, որովհետև այստեղ կարևոր է շատ նաև անվտանգության գործոնը։ Այն նախագիծը, որը մենք ներկայացնում ենք և որի մասին ես խոսում եմ, հյուսիս-հարավ, արևելք-արևմուտք հուսալի ճանապարհ դառնալը, այդ թվում՝ անվտանգության հուսալի գործոն է։ Որովհետև, երբ մենք կդառնանք, և մենք այսօր արդեն դառնում ենք այդպիսին երկիր, որը իր տարածաշրջանում, իր միջավայրում, իր հարևանության հետ, որովհետև սա էլ է շատ կարևոր, որովհետև ասել, որ Հայաստանի Հանրապետությունով է անցնում արևելք, արևմուտք ամենակարճ ճանապարհը, դա նշանակում է ասել, որ Ադրբեջանով է անցնում արևելք, արևմուտք ամենակարճ ճանապարհը, Թուրքիայով է անցնում արևելք, արևմուտք ամենակարճ կարճ ճանապարհը։ Որովհետև չի կարող արևելք և արևմուտք ամենակարճ ճանապարհն անցնել Հայաստանով, բայց չանցնել Ադրբեջանով, անցնել Հայաստանով, բայց չանցնել Թուրքիայով։

Անդրադառնալով Հայաստան–Ֆրանսիա ռազմավարական համագործակցության ստորագրվող փաստաթղթին, նա նշեց, որ նախ տնտեսական ոլորտում կապերը պետք է ամրանան, նաև պետք է շարունակվի ռազմական աջակցությունը. «Ֆրանսիայի կողմից կա այդ կամքը, որ շարունակեն զարգացնել, ավելի սերտ հարաբերություններ մշակվեն Հայաստանի հետ։ Հայաստանն ու Ֆրանսիան նոր մակարդակի են բերում իրենց հարաբերությունները։ Ռազմական ոլորտում ևս նոր մակարդակի կհասնեն հարաբերությունները»։

Փորձանքի, փորձի ու փորձառության ընտրություն է լինելու հունիսի 7-ին: Հայաստանի ապագան կախված է նրանից, թե ինչ կընտրեն քաղաքացիները: Քվեարկության օրը ընտրողների ակտիվությունն են կարևորել «Հայաստան» դաշինքի պատգամավորության կին թեկնածուները՝ գյումրեցիների հետ հանդիպմանը: Իրենք իրենց հերթին՝ անվտանգ, իրական խաղաղ ու զարգացող տարածաշրջան են խոստանում:

Այս մասին լրագրողների հետ զրույցում ասաց Գյումրի քաղաքի թիվ 10 հիմնական դպրոցի տնօրեն Լիաննա Վարդանյանը։

«Հետաքննության հնարավոր ուղղություններից մեկն այն է, թե արդյոք օտարերկրյա պետություն է կանգնած եղել այդ միջադեպերի հետևում։ Մենք ուսումնասիրում ենք բոլոր հնարավորությունները և հստակ հայտարարում ենք, որ այդ գործողությունները հետևանքներ կունենան, եթե դա ապացուցվի», - ասել է Սթարմերը՝ ելույթ ունենալով Լոնդոնում կայացած հանդիպմանը, որը նվիրված էր Մեծ Բրիտանիայում հակասեմականության աճող մակարդակին։ Նրա հայտարարությունները հեռարձակել է Sky News հեռուստաալիքը։ «Մեր ուղերձն Իրանին կամ ցանկացած այլ երկրի, որը կարող է ցանկանալ բռնություն, ատելություն կամ պառակտում հրահրել հասարակության մեջ, հետևյալն է՝ մենք դա չենք հանդուրժի», - ընդգծել է բրիտանական վարչապետը։ Նա հավելել է, որ կառավարությունը հստակ հասկանում է, որ հակասեմականությունը չունի մեկ միասնական աղբյուր՝ այդ առումով հիշատակելով իսլամիստներին, ծայրահեղ աջերին և ծայրահեղ ձախերին։ Փետրվարի վերջին Իրանում պատերազմի սկսվելուց ի վեր՝ Լոնդոնում մի շարք հարձակումներ են գրանցվել հրեական կազմակերպությունների վրա։ Մասնավորապես, խոսքը «Հացալա» հրեական կամավորական կազմակերպության շտապօգնության մեքենաների հրկիզման և Jewish Futures հրեական բարեգործական կազմակերպության շենքի, երկու գործող և մեկ նախկին սինագոգների հրկիզման փորձերի մասին է։ Ապրիլի 29-ին Լոնդոնի հյուսիսում գտնվող Գոլդերս Գրին թաղամասում, որտեղ բնակվում է մեծ հրեական համայնք, դանակով հարձակում է տեղի ունեցել երկու անցորդի վրա։ Միջադեպի հետևանքով տուժել են 34 և 76 տարեկան երկու տղամարդ։ Նրանք գտնվում են հիվանդանոցում, նրանց վիճակը գնահատվում է կայուն։ Հարձակումն իրականացրել է Սոմալիում ծնված Մեծ Բրիտանիայի քաղաքացին։ Տղամարդը բերման է ենթարկվել դեպքի վայրում։ Միջադեպը ճանաչվել է որպես ահաբեկչություն։