Լրահոս

Հարգելի՛ վարորդներ, գծանշման և անվտանգության տարրերով կահավորման աշխատանքներով պայմանավորված՝ ժ. 00.00-ից մինչև վաղը առավոտյան ժ. 06.00 երթևեկության համար փակ կլինի Դիլիջանի թունելը։ Այդ աշխատանքները մեկնարկել էին սեպտեմբերի 22-ին։ Այս մասին հայտնում են «Ճանապարհային դեպարտամենտ» հիմնադրամից։ Մինչև 7 տոննա թույլատրելի առավելագույն զանգված ունեցող ավտոմոբիլները Դիլիջանի թունելը կարող են շրջանցել Սեմյոնովկա բնակավայրով։ 7 տոննայից ավելի և կցորդով տրանսպորտային միջոցների համար տվյալ ճանապարհը փակ է լինելու։

Երևանում մեկ օրում երեք վթար է եղել՝ ավտոբուսի մասնակցությամբ: Մայրաքաղաքում մյուս տրանսպորտային միջոցների համեմատ առավելություններ ստացած ավտոբուսները ինչո՞ւ են հաճախ դառնում խցանումների պատճառ:

Այսօր՝ սեպտեմբերի 25-ին, ավտովթար է տեղի ունեցել Երևանում։ Ժամը 19։10-ի սահմաններում «Kia» մակնիշի ավտոմեքենան Եղվարդի խճուղում դուրս է եկել ճանապարհի երթևեկելի գոտուց, կոտրել ճանապարհի բաժանարար հատվածում եղած կանաչ գազոնում տեղադրված ոռոգման ջրի փականը, առաջ ընթացել, կոտրել ծառը և հայտնվել գազոնում։ Այս մասին հայտնում է Shamshyan.com-ը։ Վթարի հետևանքով մեկ հոգի, ում առաջինը օգնության են հասել քաղաքացիները և օպերատիվորեն ժամանած Երևանի «1-03» շտապօգնության բժիշկների հերթապահ խումբը, շտապօգնության մեքենայում օգնություն է ցուցաբերվել։ Վթարի վայրում քաղաքացիները սպասում են, որպեսզի դեպքի վայր ժամանեն պարեկները, սակայն մոտ մեկ ժամ է՝ պարեկային ծառայությունից չեն մոտենում վթարի վայրին։

6 տարվա ընթացքում Էրդողանի առաջին այցը Սպիտակ տուն տեղի է ունենում մի ​​ժամանակ, երբ Անկարան ձգում է օգտվել ԱՄՆ վարչակազմի ցանկությունից՝ կնքել գործարքներ թանկարժեք զենքի և առևտրային համաձայնագրերի դիմաց։

Բոլորի համայնքապետ Վոլոդյա Գրիգորյանի հոգու հանգստության համար են այսօր աղոթել փարաքարցիները: Նրան վաղը հողին կհանձնեն: Սահմռկեցուցիչ սպանության շոկից դուրս չեկած մարդիկ հավաքվել են Փարաքարի Մշակույթի և երիտասարդության պալատում, որտեղ էլ տեղի է ունեցել համայնքի ղեկավար Վոլոդյա Գրիգորյանի հոգեհանգստի արարողությունը։

ՄԱԿ ԳԱ 80-րդ նստաշրջանի շրջանակներում ՀՀ ԱԳ նախարար Արարատ Միրզոյանը, ԱՄՆ պետքարտուղար Մարկո Ռուբիոյի հրավերով, մասնակցել է պետքարտուղարի կողմից կազմակերպված՝ ՆԱՏՕ և ԵՄ ԱԳ նախարարների Տրանսատլանտյան պաշտոնական ընթրիքին: 

Ատոմային էներգիան պետք է օգտագործվի խաղաղ նպատակներով, հարկավոր է վերացնել բոլոր ռիսկերը, այդ թվում՝ միջուկային զենքի տարածման ռիսկը: 

Այս րոպեներին նայում եմ ՄԱԿ-ում ելույթ ունեցող Իլհամ Ալիևին, ով պատմում է ողջ աշխարհին, որ օգոստոսին Վաշինգտոնում Հայաստանի դե-ֆակտո վարչապետի հետ ստորագրած համաձայնագրի հիման վրա «Զանգեզուրի միջանցք»-ով բացվելու է «Թրամփի ուղին»: Այս մասին գրել է թյուրքագետ Վարուժան Գեղամյանը։ «Այս ձևակերպումը արդեն իսկ բավական է հասկանալու համար, որ Թուրքիա-Ադրբեջանի երկյակի համար «Թրամփի ուղին» Սյունիք-Զանգեզուրը նվաճելու առաջին քայլն է»,-գրել է նա։

ԱՄՆ պետքարտուղար Մարկո Ռուբիոյի կողմից կազմակերպված Տրանսատլանտյան ընթրիքի շրջանակներում Հայաստանի ԱԳ նախարար Արարատ Միրզոյանը, Ադրբեջանի ԱԳ նախարար Ջեյհուն Բայրամովը և ԱՄՆ պետքարտուղարը կարճատև եռակողմ շփումներ են ունեցել:  Այս մասին հայտնում են Հայաստանի արտաքին գործերի նախարարությունից:  ԱԳՆ-ից ընդգծել են՝ Հայաստանը բարձր է գնահատում ԱՄՆ շարունակական ակտիվ ներգրավածությունն արդեն իսկ հաստատված խաղաղության և դրա հետագա ամրապնդման գործում:

Երկու տարի առաջ այս օրը գաղթի ճամփան բռնած արցախցիների ցավը նորից դաղվեց վառելիքի պահեստի պայթյունով, որի պատճառով 219 մարդ զոհվեց, 300 մարդ վիրավորվեց: Այդ օրերի հիշողությունները ներկայացնում են «Հայլուր»-ի արցախցիները:

Թուրքիայի նախագահ Ռեջեփ Թայիփ Էրդողանը Սպիտակ տանը իր ամերիկացի գործընկեր Դոնալդ Թրամփի հետ հանդիպման ժամանակ հայտարարել է, որ հույս ունի նրա հետ միասին հաղթահարել տարածաշրջանում առկա դժվարությունները: Թուրքական դիվանագիտական աղբյուրը «ՌԻԱ Նովոստի»-ին հայտնել է, որ հանդիպման ընթացքում կքննարկվի Ուկրաինայում իրավիճակի կարգավորումը: Թրամփն ու Էրդողանը հինգշաբթի Վաշինգտոնում կարող են քննարկել Ուկրաինայում հրադադարի հասնելու ջանքերը, մասնավորապես՝ Մոսկվայի և Կիևի բանակցությունները Ստամբուլում, այսօր հայտնել է կառավարամետ «Միլիեթ» թերթը՝ չհստակեցնելով տեղեկատվության աղբյուրը: «Ես նաև հավատում եմ, որ Թրամփի հետ միասին մենք կհաղթահարենք դժվարությունները տարածաշրջանում», - հանդիպման ժամանակ ասել է Թուրքիայի նախագահը՝ չհստակեցնելով՝ խոսքն ուկրաինական ճգնաժամի, թե Մերձավոր Արևելքում իրավիճակի մասին է:

Հայաստանի հետ բանակցությունները տվել են դրական արդյունքներ, քանի որ ընթացել են բացառապես երկկողմ հիմքի վրա։ Այս մասին ՄԱԿ-ում ելույթի ժամանակ հայտարարել է Ադրբեջանի նախագահ Իլհամ Ալիևը։ Ադրբեջանի նախագահն ասել է, թե Ադրբեջանն առաջ է քաշել «միջազգային իրավունքի վրա հիմնված հինգ հիմնարար սկզբունքներ, ներկայացրել է խաղաղության պայմանագրի նախագիծը»: «Չնայած տարբեր սադրանքներին ՝ բանակցությունները տվել են դրական արդյունքներ, քանի որ ընթացել են բացառապես երկկողմ հիմքի վրա՝ առանց արտաքին որևէ միջամտության։ Ադրբեջանը պատրաստ է ՀՀ-ի հետ հարաբերություններում նոր էջ բացել՝ հիմնվելով տարածքային ամբողջականության և ինքնիշխանության փոխադարձ ճանաչման վրա»,- հայտարարել է Ալիևը։

Սեպտեմբերի 25-ին, ժամը 17:21-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղի «Սուրբ Հովհաննես» մատուռ բարձրացող սարալանջին քաղաքացին վնասել է ոտքը․ իջեցնելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները քաղաքացուն պատգարակով սարալանջից իջեցրել (մոտ 100 մետր) և մոտեցրել են մոտեցրել անձնական ավտոմեքենային։

ԱՄՆ նախագահ Դոնալդ Թրամփը Սպիտակ տանն ընդունել է Թուրքիայի նախագահ Ռեջեփ Էրդողանին։

Այսօր՝ սեպտեմբերի 25-ին, ավտովթար է տեղի ունեցել Երևանում։ Ժամը 17։20-ի սահմաններում Մանթաշյան և Չեխով փողոցների խաչմերուկում բախվել են 26-ամյա Կարեն Կ․-ի վարած «Lada Priora» մակնիշի և 33-ամյա Սերոբ Կ․-ի վարած «Mercedes» մակնիշի ավտոմեքենաները, ինչի հետևանքով վերջինը այնուհետև բախվել է լուսացույցին և տապալել այն։ Այս մասին հայտնում է Shamshyan.com-ը։ Վթարի հետևանքով վարորդներից Կարեն Կ․-ն մարմնական վնասվածքներով տեղափոխվել է «Էրեբունի» բժշկական կենտրոն։ Վթարի փաստով քննչական բաժնում նախաձեռնվել է քրեական վարույթ:

ԱՄՆ նախագահ Դոնալդ Թրամփի վերջին հայտարարությունը Ռուսաստանի վերաբերյալ` բացահայտեց Վլադիմիր Զելենսկու և Եվրոպայի քաղաքականության խոցելի կողմերը, գրում է The Spectator-ը։ «Ըստ էության, Թրամփը Եվրոպան և Զելենսկու քաղաքականությունը համարել է բլեֆ։ Դուք ասում եք, որ կարող եք հաղթել Պուտինին։ Առաջ գնացեք, ընկերներ։ Դուք ասում եք, որ թույլ չեք տա, որ Եվրոպայում ագրեսիան արդարացվի՞։ Իհարկե, տղերք, առաջ գնացեք», - մեկնաբանում է պարբերականը։ Հոդվածում նշվում է, որ Թրամփը մատնանշում Է Եվրամիության թույլ կողմերը՝ հիշեցնելով, որ Եվրոպան դեռևս մնում է ռուսական էներգառեսուրսների խոշոր ներկրողը: Հեղինակներն ընդգծում են, որ հակամարտության ողջ ընթացքում եվրոպական առաջնորդները որոշումներ են կայացրել՝ ակնկալելով, որ դրանց համար կվճարի ԱՄՆ-ը ։  Իսկ հիմա Թրամփը դուրս է գալիս խաղից ՝ Եվրոպային մեն-մենակ թողնելով հետևանքների հետ։ Երկուշաբթի օրը Կիևի ռեժիմի ղեկավար Վլադիմիր Զելենսկին ժամանել է ԱՄՆ՝ մասնակցելու Նյու Յորքում ՄԱԿ-ի Գլխավոր ասամբլեայի 80-րդ նստաշրջանի աշխատանքներին: Միջոցառման շրջանակում նա հանդիպել է Դոնալդ Թրամփի հետ, զրույցի գլխավոր թեման դարձել է ռուս-ուկրաինական հակամարտությունը: Երեքշաբթի Թրամփը կարծիք է հայտնել, որ Ուկրաինան՝ ԵՄ աջակցությամբ և ՆԱՏՕ-ի ֆինանսական օգնությամբ, ի վիճակի է «վերադարձնել իր երկիրը իր նախնական տեսքին»։ Ռուսաստանի նախագահի մամուլի քարտուղար Դմիտրի Պեսկովը նշել է, որ Թրամփի նոր հայտարարությունները կապված են Զելենսկու հետ նրա շփման հետ և արվել են, ամենայն հավանականությամբ, նրա դիրքորոշման ազդեցության տակ:

«Քաղաքացիական պայմանագիր» կուսակցության վարչության ընտրություններից հետո նոր խմորումներ են առաջացել կռիվ ընկած քաղաքական թիմում: Մամուլում տեղեկություններ կան, որ ՔՊ-ի կարկառուն դեմքերից Ալեն Սիմոնյանը նեղսրտած է, որ ճամբարափոխ եղած Գևորգ Պապոյանն ու Հայկ Կոնջորյանը, որոնց ինքն է բերել կուսակցություն, իրենից շատ ձայն են հավաքել:

Հայլուր 20։30 Մոսկվայում Փաշինյան-Պուտին կարճ շփումից հետո պաշտոնական հանդիպում է սպասվում

Փարաքարում համայնքապետի սպանությունից ժամեր անց կրակոցներ են հնչել նաև Երևանում՝ համար 107 մանկապարտեզում: Թեև իրավապահ մարմինները այդ մասին հաղորդագրություն չէին տարածել, «Հայլուր»-ի տեսախցիկը այսօր ֆիքսել է մանկապարտեզի՝ կնիքված թղթով փակված ապակին, որն էլ հավանաբար վնասվել է փամփուշտից:

«Եթե հրաժարվենք այն ավանդից, որը միգրանտները ներդնում են տնտեսության մեջ, ապա ԵՄ-ն առաջիկա տարիներին պարզապես կսկսի լճանալ: Մենք աճի համար հնարավորություն չենք ունենա», - ասել է նա՝ պատասխանելով Իսպանիայում աջակողմյան կուսակցությունների ժողովրդականության մասին հարցին, որոնք պահանջում են հակամիգրացիոն քաղաքականություն: