Լրահոս

Հակատուբերկուլյոզային դիսպանսերի աշխատակիցները 4 ժամ գործադուլ ե արել ընդդեմ կենտրոնի ստացիոնար բաժանմունքը փակելու որոշման: Բժիշկները չեն հանել սպիտակ խալաթները, բայց մտադիր են ահազանգել այնքան, որ բոլորին պարզ լինի՝ Առողջապահության նախարարությունը օպտիմալացման անվան տակ մտադիր է փակել մի բաժանմունք, առանց որի տուբերկուլյոզով հիվանդների սպասարկումը սովորական պոլիկլինիկաներում է արվելու, իսկ դա անթույլատրելի է:

Մեկ շաբաթից «Ապօրինի ծագում ունեցող գույքի բռնագանձման մասին» օրենքի սկանդալային նախագիծը կառավարությունում կլինի: Արդարադատության նախարարությունը այսօր էլ է հայտարարել, որ օրենքը հավասար է լինելու բոլորի համար, բայց շատ փորձագետներ չեն համոզվում, կասկած կա, որ այն դառնալու է կուլակաթափման մտրակ իշխող քաղաքական ուժի ձեռքին:

Երևանի տարբեր մասերում 50 մինի շուկա կառուցելու քաղաքապետարանի որոշումը դեռ չիրականացած մեգա-բողոքի ակցիաների պատճառ է դարձել: Քաջազնունի 3 հասցեում ապրողները չեն հասկանում, թե ով է մայրաքաղաքի քարտեզի վրա տեղ որոշելիս մատը դրել հենց շենքին կպած փոքր տարածքի վրա: Գիտեն միայն, որ քթի տակ շուկայի հոտն ու խնդիրները չեն հանդուրժելու:

Քանի որ Ռոբերտ Քոչարյանը հետվիրահատական շրջանում է և այսօր չէր մասնակցում հրավիրված դատական նիստին, այն հետաձգվեց: Անննախադեպ լռություն էր դատարանի բակում: Քոչարյանի համակիրներին ու հակառակորդներին բոլոր նիստերի ընթացքում բաժանող ոստիկանական պատը այս անգամ բաժանում էր ամեն կողմից միայն մեկ մարդու:

Այսօր առավոտյան՝ մոտ 9.45-ին Սահմանադրական դատարանի նախագահ Հրայր Թովմասյանը մտել է աշխատավայր՝ ավելի սրելով իրենից ազատվելու՝ խորհրդարանական «իմ քայլը» խմբակցության ներկայացուցիչների ցանկությունը: Մինչև սահմանադրական դատարանը վերադառնում է բնականոն աշխատանքային ռեժիմի: «Իմ քայլում» նոր՝ հակաթովմասյանական քայլեր են մտածում: Օրինակ պատգամավոր Տիգրան Ուլիխանյանը, որ կոչ էր անում Թովմասյանին հեռանալ պարզապես, որովհետև իրեց դեմ խաղ չկա, վստահ է, որ դեռ կգտնվեն բարձր դատարանի նախագահին չեզոքացնելու օրինական ուղիներ:

Սիրիայի հյուսիսում թուրքական բանակը շարունակում է քրդական խաղաղ բնակչության սպանդը, այս պահի տվյալով սպանվել է 30 քուրդ: Ռազմական գործողությունների միայն 6-րդ օրը՝ Վաշինգթոնը հայտարարեց Թուրքիայի նկատմամբ պատժամիջոցներ սահմանելու մասին,, բայց դա միայն ավելի է գրգռել Անկարայի ախորժակը: Այսօր Հայաստանի քրդական համայնքի ներկայացուցիչները գնացել են Միացյալ Նահանգների դեսպանատան մոտ հարցնելու՝ վերջապես մեկը կբռնի՞ թուրքի արյունոտ, ցեղասպան ձեռքը:

Անցյալ տարիների համեմատ մարդիկ այսօր ավելի քիչ փող են ներդնում բիզնեսի մեջ: Այս կարծիքն են հայտնել տնտեսական զարգացման նախաձեռնությունների կենտրոնի մասնագետները երկար վերլուծություններից հետո:

Էկվադորում երկու շաբաթ տևած բողոքի կատաղի ակցիաներից, ոստիկանների հետ բախումներից և 8 զոհերից հետո, նախագահ Մորենոն որոշեց հետքայլ անել՝ վառելիքը կրկնակի չի թանկանա:

Արցախի անվտանգության խորհրդի նախկին քարտուղար Վիտալի Բալասանյանը, որի հարաբերությունները Հայաստանի նոր իշխանությունների հետ վերջին շրջանում չափազանց սրված են, այսօր նոր սկանդալային հայտարարություններ է արել; Նա կասկած ունի, որ կա Արցախը բանակցային սեղանից հեռու պահելու՝ Փաշինյան-Ալիև պայմանավորվածություն: 

Այս ամիս վերջին անգամ բեմադրվել է Վահրամ Սահակյանի Այս ամիս վերջին անգամ բեմադրվել է Վահրամ Սահակյանի «Միստերիա Հիստերիա» ներկայացումը: Հեղինակն ու գլխավոր դերակատարը հենց Սահակյանն է: Նա անրադառնում է վերջին 2 տարվա ընթացքում մարդկանց մտածելակերպին ու արարքներին: Ներկայցումը ունի տարիքային սահմանափակում, բայց դա չի նշանակում որ բեմադրության ընթացքում հնչում են հայհոյանքներ: 

Հեմոդիալիզի սարքերի գնումների գործով պաշտոնեական լիազորությունները չարաշահելու համար մեղադրվող Դավիթ Սանասարյանը, որ հենց այդ սկանդալի ֆոնին թողեց ՊՎԾ պետի պաշտոնը, նոր մեղադրանքների մեջ է ընկել: Ոստիկանությունն ուսումնասիրում է կապ ունի՞ Սանասարյանը 9-ամյա երեխայի վրաերթի հետ թե, ինչպես ինքն է ասում շառ են անում վրան:

Արտաշատի 5-րդ դպրոցի բուֆետում պիցցա ուտելուց հետո 25 աշակերտ հոսպիտալացվել է: Սննդային թունավորման դեպքով հարուցվել է քրեական գործ: Դպրոցի բուֆետի դուռը այսօր կողպել են, մինչև փորձաքննությունը պարզի թունավորման բոլոր մեղավորներին:

Դատավոր Աննա Դանիբեկյանի խոսքով, հաշվի առնելով, որ Ռոբերտ Քոչարյանի բացակայությամբ դատարանը հայտարարություններ չի լսելու, գործի քննությունը չի կարող շարունակվել։ Դատարանը հետաձգեց նիստը, հաջորդը տեղի կունենա նոյեմբերի 5-ին, ժամը 13:00-ին։

Սիրիայի հյուսիսում Թուրքիայի սկսած պատերազմը, ըստ թուրքական կողմի, 550 մարդու կյանք է խլել: Քրդերի՛ տվյալով, զոհերի թիվը փոքր է մոտ 7 անգամ: Նրանք հայտնում են 75 զոհի և 450 վիրավորի մասին: Եվրամիության 28 երկրները միասնական որոշում են ընդունել Թուրքիային զենքի վաճառքը արգելելու մասին: Թուրքիայի այդ հայտարարությունները առանձնապես չեն մտահոգում: Արտգործնախարար Չավուշօղլուն ասում է նման քայլերն իրենց ավելի են ուժ տալիս: Իսկ համաշխարհային լրատվամիջոցներն ու սոցցանցերը ողողված են այսպիսի լուսանկարներով: Ամենուր կոչեր են Սիրիայում հումանիտար աղետը կանխելու և թուրքերին կանգնեցնելու մասին: Տները թուրքական կրակի տակ թողնելով երկրի հարավ է շարժվում՝130 հազար քուրդ փախստական: