Լրահոս

Վանաձորի Հելսինկյան գրասենյակը ծավալուն զեկույց է հրապարակել Հայաստանում ռուսական ռազմաբազայի վերաբերյալ: «Ռուսական ռազմական ներկայությունը Հայաստանում եւ դրա ազդեցությունը մարդու իրավունքների վիճակի վրա» վերնագրով աշխատությունը փաստաթղթերի տրցակ է, որոնց մի մասը երկու պետության միջեւ կնքված պայմանագրերն են: Անդրադարձել են նաեւ ռուս զինծառայողների մասնակցությամբ դեպքերին:

Թուրքիայի վրդովմունքը չի դադարում: Միացյալ Նահանգների Ներկայացուցիչների պալատի կողմից՝ Հայոց ցեղասպանությունը ճանաչող բանաձեւի ընդունումից հետո ընդդիմադիր ճակատից սպառնում են ավելացնել թալեաթների թիվը՝ անգամ աղջիկներին այդպես կկոչեն: Թուրքիայում ԱՄՆ դեսպանին էլ արտգործնախարարությունում բացատրել են, որ Ներկայացուցիչների պալատի փաստաթութղը իրավական չէ, բայց այն կարող է վտանգել Թուրքիա-ԱՄՆ ռազմավարական գործընկերությանը:

Չնայած բազմաթիվ դժգոհություններին՝ Կառավարությունը որոշեց՝ Դիլիջանի, Բյուրեղավանի, Գյումրու և Ֆրիտյոֆ Նանսենի անվան գիշերօթիկները կլուծարվեն: Կառավարության նիստում նախագիծը ներկայացնող աշխատանքի եւ սոցիալական հարցերի նախարարը վստահեցրել է՝ սա հանուն երեխաների է արվում: Այդ հաստատություններում գիշերելու փոխարեն՝ երեխաները ծնողների հետ տանը կլինեն: Վարչապետն էլ նկատում է. այս նախագծով փորձում են երեխաներին ձերբազատել մանկատան սան դրոշմից:

Վարչական դատարանում այսօր հետաձգվել է Երևանի պաշտպանության ճակատի համակարգող Բաբկեն Հարությունյանի հայցադիմումի քննությունն ընդդեմ քաղաքապետարանի: Դատարանը քաղաքապետարանից փաստաթղթեր էր պահանջել, որ չեն ներկայացրել: Նույն կերպ քաղաքապետարանը Բաբկեն Հարությունյանին չի տրամադրել Սանիթեքի հետ կնքած պայմանագրի պատճենը, ինչի համար էլ գործը դատարան է հասել:

Ռոբերտ Քոչարյանի կալանավորված աջակիցների փաստաբանը հայտարարել է, որ Ստյոպա Սաֆարյանը սխալվում է՝ Նարեկ Մութաֆյանը չէր կարող նրա հեռախոսը գողանալ, քանի որ այդ օրը Մութաֆյանը Սաֆարյանի տան մոտ չի եղել: Ստյոպա Սաֆարյանը 2 օր առաջ էր գրառում արել ֆեյսբուքում՝ հանկարծակի հիշել, որ Մութաֆյանն է իր հեռախոսը գողացել:

Խաղաղ պայմաններում զոհված զինծառայողների մայրերի ու քննչական մարմինների ներկայացուցիչների հանդիպումը խորհրդարանում ավարտվել է միջադեպով: Ժամանակից շուտ ավարտված նիստից սեւազգեստ կանայք ակնհայտ դժգոհ են եղել: Նրանց բարկացրել է այն, որ քննիչների ներկայացրած փաստերը չեն համընկել իրենց ունեցած տեղեկությունների հետ, ինչն էլ լարել է մթնոլոտը ներսում:

Վարչապետի աշխատակազմը նախատեսում է Կառավարական նոր ինքնաթիռ գնել: Այսօր վարչապետի աշխատակազմի ղեկավարը հայտարարել է, որ գործող օդանավը արդեն հնամաշ է ու տրանսատլանտիկ չվերթներ անել չի կարող: Սա այն դեպքում երբ արդեն մեծ աղմուկ էր բարձրացրել վարչապետի առանձնատան թանկարժեք վերանորոգումն ու 350 հազար դոլարանոց թռիչքը Ամերիկա:

Մեզ մոտ ևս օդերևութաբանները անձրևներ են խոստանում: Լավ լուր ռոմանտիկների համար: Այսօր հանրապետության մի քանի շրջաններում սպասվում է թույլ անձրև: Բարձրադիր շրջաններում ձյուն կգա: Ինչպես են մեր քաղաքացիները սպասում անձրևոտ նոյեմբերին և ինչ են խորհուդ տալիս գյուղատնտեսներին օդերևութաբանները

Հայ ազգը երբեք այնքան բզկտված չի եղել, որքան հիմա: Այս համոզմանն է Հանրային խորհրդի նախագահը: Վերջին աղմկոտ իրադարձությունների ֆոնին Վազգեն Մանուկյանը փորձել է համեմատել ինչ է կատարվում աշխարհում ու մեզ մոտ:

Անկախ պատգամավոր Արման Բաբաջանյանի թիրախում կարող են հայտնվել բոլոր նրանք, ովքեր սկզբունքային հարցերում համաձայն չեն իշխանությունների հետ անկախ հեղինակությունից ու անցած ճանապարհից: Այսպես հերթական հակահերոս են ուզում դարձնել Վազգեն Մանուկյանին: Հանրային խորհրդի նախագահին պահանջել էր պաշտոնանկ անել ինչ-որ մի դասալիք այդպես նրան անվանել էր Վազգեն Մանուկյանը:

Երկարատև լռությունից հետո այսօր 3-րդ նախագահ Սերժ Սարգսյանը պատասխանել է հարցին, թե արդյոք չի վախենում, որ երկրում ապօրինությունների շղթան կհասնի իրեն և իրեն էլ կձերբակալեն՝ նկատի առնելով, ամեն օր ավելացող քաղաքական հետապնդումները, ապօրինի ձերբակալությունները, ընդդիմադիր գործիչների և լրատվամիջոցների դեմ ագրեսիվ գործողությունները:

Հրայր Թովմասյանին հարցաքննելու համար ՀՔԾ–ն Սահմանադրական դատարանի թույլտվությունը ստանալու կարիք չունի։ Հատուկ քննչական ծառայությունը հարցաքննելու իրավունք ունի ցանկացած անձի։ Այս մասին Ազգային ժողովում լրագրողներին ասել է ՀՔԾ պետ Սասուն Խաչատրյանը: Խոսել նաև Ազգային ժողովի աշխատակազմի ղեկավարի նախկին տեղակալ Արսեն Բաբայանի կալանավորման, նրան հարազատների հետ տեսակցությունից զրկելու ու գործի քաղաքական լինել-չլինելու մասին:

Հենց Թուրքիայի հանրապետության օրը ԱՄՆ ներկայացուցիչների պալատի ընդունած Հայոց ցեղասպանությունը ճանաչող բանաձևին Թուրքիան շատ արագ է արձագանքել ու հայտնվել հիմար վիճակում: Այդ երկրի արտգործնախարարությունը շփոթելով բանաձևի անվանումը խիստ դատապարտել է հղիությունների արհեստական ընդհատման արգելքի մասին օրենքը: Իհարկե, սխալն արդեն ուղղել են, բայց բնօրինակը կայծակնային արագությամբ շարունակում է տարածվել համացանցում: Ի դեպ բանաձևին դեմ քվեարկածների մեծ մասը թուրքական հանձնախմբի անդամներն էին: Հայաստանի արտգործնախարարության գնահատմամբ, այս բանաձևը հզոր ուղերձ է ցեղասպանության ժխտման դեմ պայքարում: Քաղաքագետները բանաձևի ընդունումը կարևոր են համարում, բայց հիշեցնում են, որ վերջնական ճանաչման համար սա միայն մեկ քայլ է: