Լրահոս

Ինչպես շատ հաճախ, Արփին այսօր կրկին դպրոց գնաց հայկական արտադրության զգեստով։ Մանկական հագուստ արտադրող հայկական տասնյակ ընկերություններ կան, եւ որ ամենակարեւորն է՝ մեկը մեկից որակյալ արտադրանքով

Հայտնում ենք, որ այս պահին մայրաքաղաքում փակ փողոցներ, խաչմերուկներ ու տրանսպորտային հանգույցներ չկան։ Այս մասին հայտարարություն է տարածել ՀՀ ոստիկանությունը:

Թուրքիայի նախագահը նոր նախագիծ է մշակել՝ Թուրքիայում ապրող 1 միլիոն սիրացիներին իրենց երկիր վերադարձնելու համար: Էրդողանը վստահեցրել է, թե մի քանի շրջաններում իրենք արդեն նախապատրաստել են բրիկետներով տներ, և սիրիացի փախստականները կարող են հանգիստ վերադառնալ այնտեղ:

Ակցիաների ամենաակտիվ փուլին զուգահեռ ակտիվացել են հայ-թուրքական, հայ-ադրբեջանական շփումները: Գրիգորյան-Հաջիև, Ռուբինյան-Քըլըչ հանդիպումներից այնքան քիչ բան է հայտնի, որ փորձագետները ենթադրում են, թե, ըստ էության, որևէ բանակցություն տեղի չի ունենում: Թուրքիայի և Ադրբեջանի պատվիրակները պարզապես իրենց պահանջներն են այդ հանդիպումների ընթացքում փոխանցում Հայաստանի ներկայացուցիչներին: Իսկ թուրքական մամուլի արձագանքներից դատելով՝ հայկական կողմը համաձայնում է Թուրքիայի առաջարկներին: Դրական, դինամիկ զարգացումների մասին են խոսում թուրք պաշտոնյաները:

Հանրապետության հրապարակում այսօր բերման են ենթարկել Նիկոլ Փաշինյանի պատկերով դիմակներ դրած մարդկանց: «Ազատագրական» կոչվող շարժման մասնակիցները որոշել էին այսպես բացատրել իրավապահներին, որ Փաշինյանին պետք է ձերբակալել: Կարմիր բերետավորները էնտուզիազմով են գործի անցել:

Նիկոլ Փաշինյանի հրաժարականի պահանջով՝ պայքարի կենտրոն հռչակված Ֆրանսիայի հրապարակում Փաշինյանին են սպասում Իջևանից եկած քաղաքացիները, որ հետները Իջևան տանեն:

Ժամ առ ժամ երիտասարդանում է Ֆրանսիայի հրապարակը: Տասնչորս տարեկան Հովհաննեսը ընկերներին էլ է հրավիրել պայքարի:

Խորհրդարանի հարցուպատասխանից հետո ընդդիմադիր պատգամավորները միանում են բակում հավաքված քաղաքացիներին։

Ընդդիմության երթից առաջ խորհրդարանի զոդված դարպասների շուրջ վահաններով ու զրահաբաճկոններով ոստիկանների շարքեր էին, գետնին՝ լուսաձայնային նռնակներ, պատուհաններից դիպուկահարներ էին երևում: Ավելի վաղ Ազգային անվտանգության ծառայությունը հայտարարել էր, թե օպերատիվ տվյալներ ունի, որ փողոց դուրս եկած մարդիկ մտադիր են զավթել խորհրդարանի շենքը:

«Առանց Նիկոլ Հայաստան» վանկարկող բազմահազարանոց ցույցի ձևակերպած՝ հրաժարականի հանրային պահանջը Ազգային ժողով են տարել ընդդիմադիր մի խումբ պատգամավորներ, բայց Փաշինյանը էլի նախկիններին է վերագրել բոլոր մեղքերը: Իսկ երբ ընդդիմադիրները իբրև բոյկոտ սկսել են լքել դահլիճը, վարչապետը էմոցիոնալ պոռթկում է ունեցել, իսկ նրա քաղաքական թիմը սկսել է անզուսպ ծափահարել՝ հավանաբար խլացնելու համար ընդդիմադիրների՝ «Նիկոլ, դավաճան» վանկարկումները: Առավել էնտուզիազմով են ծափահարել ՔՊ-ականներ Ալեն Սիմոնյանը, Արթուր Հովհաննիսյանը, ինքը՝ Նիկոլ Փաշինյանը: Միայն Զարուհի Բաթոյանը չի ծափահարել:

Ֆրանսիայի հրապարակը այս պահին. ՏԵՍԱՆՅՈՒԹ

Քայլերթ Մաշտոցի պողոտայում

Չնայած դիմադրության շարժման կազմակերպիչները հայտարարել էին, թե այսօր կեսօրից են սկսվելու անհնազանդության ակցիաները՝ Երևանում առավոտը բացվել է քաղաքացիների ինքնաբուխ անհնազադությամբ: Ոստիկանությունը հայտնում է, որ ժամը 2-ի դրությամբ ակցիաների 40 մասնակից է բերման ենթարկվել: Մարդու իրավունքների պաշտպանի գրասենյակի աշխատակիցներն այցելել են ոստիկանության Երևանի ու Սևանի բաժիններ: Գրեթե բոլոր բերման ենթարկվածները դժգոհել են սև համազգեստով ոստիկանների վարքից։ Ակցիաների 3 օրերի ընթացքում՝ 2 մարդ կոտրվածք է ստացել։

44-օրյա պատերազմում զոհվածների ծնողների անունից փաստաբան Արա Զոհրաբյանն այսօր դատախազություն բողոք է ներկայացրել՝ Փաշինյանին որպես մեղադրյալ ներգրավվելու պահանջի քննությունը հետաձգելու վերաբերյալ: Դատախազության շենքի բակում անքուն գիշերներ անցկացրած ծնողները պնդում են՝ իրենք չեն հանդարտվի, մինչև ճաղերի հետևում չտեսնեն, իրենց խոսքով, «հինգ հազար տղայի զոհվելու պատճառ դարձած Նիկոլ Փաշինյանին»:

«Հայաստան» խմբակցության պատգամավորները կենդանի պատնեշ են կազմել, բախումներից խուսափելու նպատակով

Նիկոլ Փաշինյան գոյություն չունի. Նա իր գոյություն քարշ է տալիս բազմաթիվ ոստիկանների ԱԱԾ աշխատակիցների միջոցով. Այս պահին հազարավոր ոստիկաններ են ներսում. ԱԺ նիստերի դահլիճում կապի խնդիր ունեինք: Այս մասին, այսօր՝ մայիսի 4-ին, Բաղրամյան պողոտայում ընդդիմության ցույցի ժամանակ հայտարարեց ԱԺ «Հայաստան» խմբկցության պատգամավոր Ագնեսա Խամոյանը: «Անջատած էր ամեն ինչ, տասնյակ ԱԱԾ աշխատակիցներով Նիկոլ Փաշինյանը պաշտպանվում էր իր նախկին գործընկերներից»,-ասաց նա: