Լրահոս

Ռումինիայի մայրաքաղաք Բուխարեստում այսօր մեկնարկել է Բազկամարտի Եվրոպայի առաջնությունը, այն կտևի մինչև մայիսի 14-ը, կմրցեն 27 երկրի մարզիկներ։ Այս մասին հայտնում է Բազկամարտի Եվրոպայի ֆեդերացիան։ Առաջնությանը կմասնակցեն հետևյալ երկրների ներկայացուցիչ մարզիկները՝ Հայաստան, Ադրբեջան, Բելգիա, Բուլղարիա, Խորվաթիա, Չեխիա, Դանիա, Ֆինլանդիա, Ֆրանսիա, Գերմանիա, Հունաստան, Հունգարիա, Իսրայել, Իտալիա, Լատվիա, Լիտվա, Մոլդովա, Նիդերլանդներ, Նորվեգիա, Ռումինիա, Սերբիա, Սլովակիա, Իսպանիա, Շվեդիա, Շվեյցարիա, Թուրքիա, Ուկրաինա։ Բազկամարտի Եվրոպայի առաջնությանը Հայաստանը կներկայացնի 11 մարզիկ։

Արտակարգ դեպք Սյունիքի մարզում. մի խումբ ուսուցիչներ դիմել են մարզի դատախազություն, որ իրենց 39-ամյա գործընկերը դպրոցում աշակերտուհիների նկատմամբ փորձել է կատարել սեքսուալ բնույթի գործողություններ SHAMSHYAN.com-ի տեղեկություններով, Սյունիքի մարզի դատախազությունից ոստիկանության Կապանի բաժին գրություն է ուղարկվել, որ իրենց են դիմել Սյունիքի մարզի դպրոցներից մեկի մի խումբ ուսուցիչներ և հայտնել, որ դպրոցի 39-ամյա ուսուցիչը դպրոցում աշակերտուհիների նկատմամբ փորձել է կատարել սեքսուալ բնույթի գործողություններ: Ինչպես հայտնում է ֆոտոլրագրող Գագիկ Շամշյանը, փաստի առթիվ ոստիկանության Կապանի բաժնում արդեն նյութեր են նախապատրաստվում և ոստիկանության Կապանի բաժին են հրավիրվում դպրոցի ուուսուցիչները:

Դիմադրություն շարժման երթի մասնակիցները՝ Ֆրանսիայի հրապարակում

«Shamshyan.com»-ի տեղեկություններով՝ մայիսի 7-ին Դավթաշեն կամրջից ինքնասպանություն գործած երիտասարդի ինքնությունը պարզվել է: Ինչպես հայտնում է ֆոտոլրագրող Գագիկ Շամշյանը, պարզվել է, որ նա Երևան քաղաքի բնակիչ, 24-ամյա Նարեկ Ս.-ն էր:

Արտակարգ իրավիճակների նախարարությունից հայտնում են, որ մայիսի 8-ին Սևանա լճում որոնողական աշխատանքները վերսկսելու նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հատուկ ջրափրկարարական ջոկատից երկու մարտական հաշվարկ: ժամը 8։00-ի դրությամբ որոնողական աշխատանքները վերսկսվել են։ Հիշեցնենք, որ մայիսի 6-ին, ժամը 18:16-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Վարդենիկ-Զոլաքար գյուղերի ափամերձ հատվածից երկու քաղաքացի նավակով դուրս են եկել Սևանա լիճ և չեն վերադարձել։ Դեպքի վայր են մեկնել ԱԻՆ ՓԾ հատուկ ջրափրկարարական ջոկատի օպերատիվ խումբը և մեկ մոտորանավակ: Որոնողական աշխատանքներն ավարտվել են անարդյունք։ Մայիսի 7-ին, ժամը 07:33-ին Սևանա լճում որոնողական աշխատանքները վերսկսելու նպատակով դեպքի վայր են մեկնել ԱԻՆ ՓԾ հատուկ ջրափրկարարական ջոկատից մեկ մարտական հաշվարկ, օպերատիվ խումբը և մեկ մոտորանավակ: Եղանակային անբարենպաստ պայմանների պատճառով որոնողական աշխատանքները դադարեցվել են:

«Դիմադրություն» շարժումն այսօր ավտոերթով շարժվում է Գյումրի, որտեղ ժամը 13։00-ին տեղի է ունենալու ընդդիմության հանրահավաքը։

«Ֆլայուան Արմենիա» ավիաընկերությունը մինչև հունիսի 10-ը չեղարկել է Երևանից Լիոն և Փարիզ բոլոր չվերթները: Թուրքագետ Ռուբեն Մելքոնյանի կարծիքով՝ հայ-թուրքական բանակցությունների փուլում իր օդային տարածքը փակելով Թուրքիան օգտագործում է պաշտոնական Երևանին ճնշելու բազմաթիվ գործիքներից մեկը:

Դերասան Գնել Սարգսյանն այսօր կայարանում՝ Սասունցի Դավթի արձանի մոտ հավաք էր կազմակերպել,որը բնութագրում էր որպես քաղաքացիական հավաք։

Աշխարհը ցնցված է Հայաստանում ոստիկանների գործողություններից: Միջազգային մամուլը ընդդիմադիր ակտիվիստերի նկատմամբ իրավապահների պահվածքը բիրտ ուժի կրառում է անվանել:

Սյունիքի մարզի ընդհանուր իրավասության դատարանի դատավոր Բորիս Բախշիյանն այսօր ազատ է արձակվել: Նա կալանավորվել էր Սիսական ջոկատի հրամանատար Աշոտ Մինասյանին, Քաջարանի համայնքապետ Մանվել Փարամազյանին, Գորիսի փոխհամայնքապետ Մենուա Հովսեփյանին ազատ արձակելուց հետո:

ֆեյսբուքյան գրառումը լայքելու համար Վանաձորի քաղաքապետարանի 2 աշխատակից ազատվել է աշխատանքից: Նրանցից մեկն՝ արդեն նախկին աշխատակից Հովհաննես Օհանյանը «Հայլուրի» թղթակցին ասել է՝ իր նկատմամբ քաղաքական հետապնդումները նոր չեն:

Ոստիկանությունում այս պահին՝ Ալեն Սիմոնյանի մոր պահվածքի վերաբերյալ հարուցված գործ չկա: Ուրբաթ երեկոյան էր Սիմոնյանի մայրը պատշգամբից թքել ու միջնամատ ցույց տվել փողոցով անցնող երթի մասնակիցներին:

Ընդդիմության կազմակերպած կանանց երթի մասնակիցներն այսօր զարդեր են տարել կառավարական ամառանոց: ԱԺ ընդդիմադիր պատգամավոր Աննա Գրիգորյանը հիշեցրել է վարչապետի տիկնոջ՝ պատերազմից առաջ արած այն հայտարարությունը, թե պետք է փամփուշտները ձուլել ու զարդեր սարքել:

33–ամյա Աննա Հակոբյանը որոնվում է որպես անհետ կորած․ ՀՀ ոստիկանություն

«Դիմադրության» շարժումն այսօր Նիկոլ Փաշինյանի հրաժարականի պահանջով հանրահավաք է կազմակերպել Վանաձորում: Իշխան Սաղաթելյանը կոչ է արել քաղաքացիներին, որ մարզային կոմիտեներ ստեղծեն՝ ապակենտրոն պայքար կազմակերպելու համար:

Թշնամին ինտենսիվ կրակ է բացել Գեղարքունիքի մարզի Սոթքի հանքավայրի ուղղությամբ։ Այս պահի տվյալներով ունենք մեկ վիրավոր աշխատակից։ Իմ շտապ հանձնարարականով ԱԺ Մարդու իրավունքների պաշտպանության և հանրային հարցերի մշտական հանձնաժողովի փորձագետը կապ է հաստատել Գեղամասարի համայնքապետ Հակոբ Ավետյանի հետ։ Վերջինս հայտնել է, որ մոտ երկու ժամ թշնամին ակտիվ կրակահերթ է բացել հանքավայրի ուղղությամբ, որի արդյունքում հանքի մեկ աշխատակից, գտնվելով հորատող մեքենայի մեջ եւ կատարելով իր աշխատանքը, վիրավորվել է։ Այս պահին էլ դեռ կրակոցները շարունակվում են ավելի նվազ ինտենսիվությամբ։ Կապ ենք հասատել նաև Վարդենիսի զինվորական հոսպիտալի հետ, որտեղից տեղեկացրին, որ վիրավորը այս պահին վիրահատարանում է։ Ադրբեջանի սանձարձակությունը չափեր չի ճանաչում։ ՀՀ քաղաքացին իր պետության սահմաններում գնում է աշխատանքի, և թշնամու սադրանքի արդյունքում վիրավորվում է աշխատանքը խաղաղ կատարելու պայմաններում։ Ի՞նչ է սա, եթե ոչ ցեղասպան քաղաքականության իրագործում։ Հետևում եմ իրավիճակի զարգացմանը և մեր հայրենակցի առողջական վիճակի մասին լրացուցիչ կտեղեկացնեմ։ Պատրաստում եմ գրություններ միջազգային կառույցներին ադրբեջանական զինուժի հերթական ապօրինության մասին տեղեկացնելու և համապատասխան արձագանք պահանջելու համար։ Սա դատապարտելի և անթույլատրելի է։