Լրահոս

Մայիսի 10-ին՝ ժամը 22:57-ին, Ճգնաժամային կառավարման ազգային կենտրոն ահազանգ է ստացվել, որ Երևանի Գարեգին Նժդեհի փողոցի թիվ 16 շենքի մոտակայքում տեղի է ունեցել ՃՏՊ, առկա է գազի արտահոսք՝ հրդեհի բռնկումով: Հայտնում է ՀՀ ԱԻՆ-ը։ Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Հատուկ նշանակության փրկարարական աշխատանքների իրականացման կենտրոնի փրկարարական ջոկատը, Ճգնաժամային կառավարման ազգային կենտրոնի օպերատիվ խումբը, Հոգեբանական աջակցության բաժնի հերթապահ հոգեբանը և Բժշկական ապահովման վարչության հերթապահ խումբը: Պարզվել է, որ բախվել են «Մերսեդես-Բենց S500» (վարորդ՝ Ա. Կ.), «Նիսան-Սանի» (վարորդ՝ Ռ. Ս.) և «Mitsubishi Lancer» (վարորդ՝ Վ. Գ.) մակնիշների ավտոմեքենաները, որոնք այնուհետև բախվել են կայանված «Տոյոտա Քեմրի» (վարորդ՝ Ա. Մ.) և «Ֆորդ Տրանզիտ» (վարորդ՝ Ա. Մ.) մակնիշների ավտոմեքենաներին: Գազի արտահոսք չի եղել։ Մինչ փրկարարների կանչի վայր հասնելը՝ «Mitsubishi Lancer» մակնիշի ավտոմեքենայի վարորդը և ուղևոր Լ. Գ-ն (ծնված 1987 թ․) հոսպիտալացվել են «Շենգավիթ» ԲԿ, որտեղ ստանալով համապատասխան բուժօգնություն՝ դուրս են գրվել։ Փրկարարները սահմանազատել են տարածքը, կատարել ճանապարհի մաքրման աշխատանքներ և «Մերսեդես-Բենց S500» մակնիշի ավտոմեքենայի շարժիչի հատվածում կատարել հովացման աշխատանքներ:

Նիդերլանդներում հայ համայնքի ներկայացուցիչները «Նիկոլ դավաճան», «մարդասպան», «հողատու» վանկարկումներով ու հայհոյանքներով են դիմավորել Նիկոլ Փաշինյանին։ Հիշեցնենք, որ Նիկոլ Փաշինյանը մայիսի 10-ին երկօրյա պաշտոնական այցով ժամանել է Նիդերլանդների Թագավորություն: Տեսանյութը՝ yerkir.am-ի։ Տեսանյութում հնչում է հայհոյանք։

Ինչպես հայտնի է, այսօր մեկնարկել է Նիկոլ Փաշինյանի երկօրյա պաշտոնական այցը Նիդերլանդների Թագավորություն, որտեղ նախատեսվում են ինչպես մի շարք բարձրաստիճան հանդիպումներ, բանակցություններ, այնպես էլ քննարկումներ ու դասախոսություն։ Պաշտոնական այցի երկրորդ օրը նախատեսվում է Փաշինյանի այցը Միջազգային հարաբերությունների նիդերլանդական ինստիտուտ՝ Քլինգենդայլ, որտեղ նա պետք է հանդես գա «Հայաստանը և Նիդերլանդները. դարավոր բարեկամություն-30-ամյա գործընկերություն» թեմայով դասախոսությամբ: Նախապես հրապարակված օրակարգի համաձայն, դասախոսությունը տեղի է ունենալու տեղական ժամանակով 12:15-13:30-ին, որի ընթացքում Փաշինյանը կխոսի Հայաստան-Հոլանդիա հարաբերությունների, Հայաստանի և Եվրոպական Միության միջև գործընկերության, անվտանգության մարտահրավերների և Կովկասում խաղաղության օրակարգի մասին, որն, ըստ միջոցառման օրակարգի ձևակերպման, առաջ է քաշվում Հայաստանի կառավարության կողմից։ Դասախոսությանը կհաջորդի հարց ու պատասխան: Սակայն պարզվում է, որ Նիկոլ Փաշինյանն այս այցին ու հատկապես դասախոսությանը բավականին «լավ» է նախապատրաստվել՝ իրեն ապահովագրելով հնարավոր անհարմար հարցերից ու անախորժ իրավիճակներից։ 168․am-ի հավաստի տեղեկությունների համաձայն, որևէ հայ ուսանողի հնարավորություն չի տրվել գրանցվել ու մասնակցել տվյալ դասախոսությանը։ Մեր աղբյուրների փոխանցմամբ, մի խումբ հայ ուսանողներ որոշել են գրանցվել, մասնակցել դասախոսությանը, իրենց հետաքրքրող «անհարմար» հարցերը տալ Փաշինյանին, ակցիա իրականացնել։ Սակայն, ըստ 168․am-ի տեղեկությունների, կազմակերպիչները որևէ հայ ուսանողի թույլ չեն տվել գրանցվել և լսել Փաշինյանի դասախոսությունը, ինչն ըստ էության կարող էր բացառիկ հնարավորություն լինել հայ ուսանողների համար՝ հարցեր ուղղել Նիկոլ Փաշինյանին ու վերաբերմունք արտահայտել նրա Ղարաբաղյան քաղաքականության վերաբերյալ, ինչն էլ գլխավորապես արդեն մեկ շաբաթից ավելի է՝ հազարավոր մարդկանց դուրս է բերել Հայաստանի փողոցներ խաղաղ անհնազանդության գործողությունների՝ նրա հրաժարականի պահանջով։ Չի բացառվում, որ ՀՀ-ում ստեղծված այս ճգնաժամային ներքաղաքական իրավիճակն է պատճառը, որ Փաշինյանը նաև ՀՀ սահմաններից դուրս է սահմանափակում իր շփումները՝ գիտակցելով, որ հրապարակային անախորժ իրավիճակներն անխուսափելի են և բողոքի ակցիաների նա կարող է հանդիպել ամենուր։

Մայիսի 8-ին ոստիկանության Գեղարքունիքի մարզային վարչության Ճամբարակի բաժնի ծառայողները տեղեկություններ էին ստացել, որ Դրախտիկ գյուղի 21-ամյա մի բնակիչ իր մոտ պահում է ապօրինի ատրճանակ, որով կրակել է։ Հայտնում է ոստիկաությունը։ Ժամը 13.30-ի սահմաններում երիտասարդը հայտնաբերվեց ու բերման ենթարկվեց բաժին: Նրա անձնական խուզարկությամբ հայտնաբերվեց «Մակարով» տիպի ատրճանակ, նախնական տվյալներով՝ գազային: Բերման ենթարկված երիտասարդը խոստովանեց, որ մայիսի 7-ին, ժամը 20-ի սահմաններում, Դրախտիկ գյուղի միջնակարգ դպրոցի ֆիզկուլտուրայի դահլիճում ատրճանակով օդ է կրակել: Նշանակվել է դատաձգաբանական փորձաքննություն: Հանգամանքները պարզվում են:

Ընդդիմության վերսկսած բողոքի ցույցերը, պարզվում է, հետաձգել են մի վտանգավոր և սկանդալային օրենքի ընդունում, որով Փաշինյանի կառվարությունը պետք է բժշկական ու սոցիալական արտոնություն տար տրանսգենդերներին և նույնասեռականներին՝ առհասարակ: Yerevan.Today-ի ձեռքի տակ է հայտնվել մի փաստաթուղթ, որում հստակ, սևով սպիտակի վրա գրված է՝ ՀՀ Կառավարությանն առաջարկվում է նույնասեռական տղամարկանց առնվազն երեք ոլորտներում արտոնել նոր իրավունքներով՝ ընդհուպ ամուսնության և նույնասեռականներին զագսավորելու փաստաթղթային խնդիրները լուծել: Yerevan.Today-ին հայտնի է դարձել, որ դեռևս փետրվար-մարտ ամիսներից Արդարադատության նախարարության, Առողջապահության նախարարության ու Մարդու իրավունքների պաշտպանի գրասենյակի հետ համատեղ պետական համակարգի ներքին օղակներում փակ քննարկվում է Հայաստանում տրանսգենդերների համար սեռը փոխելու բժշկական միջամտությունը օրինական դարձնելու օրենքի նախագիծ, ավելին՝ նույն օրենքով հեղինակները նախատեսում են ԼԳԲՏ համայնքի ներկայացուցչին աղջիկ կամ տղա դառնալու վիրահատությունն իրականացնել լրիվ անվճար սկզբունքով՝ պետպատվերի շրջանակներում: Այսինքն, պաշտոնյաները քննարկում են մի բան, որով տրանսգենդերին տրվող նոր արտոնություններով փաստացի հավասարեցնելու են պատերազմում վիրավորում ստացած զինծառայողներին, ավելին՝ այս օրենքի նախագծով փաշինյանական կառավարությունը Հայաստանում այլևս լեգիտիմացնելու է տրանսգենդերների գոյությունը հանրային կայնքում, մարդկային ընկալումներում, օրենքներում, սահմանադրության մեջ և բոլոր մակարդակներում։ Նախագիծը բերվել է օրակարգ Եվրամիությունից ու միջազգային այլ կառույցներից սնվող հասարակական կազմակերպության ձեռքով, ու թերևս այստեղ հատուկ է լուծումը մտածվել նետրալ, որպեսզի տրանսգենդեռների հանդեպ կառավարության ջատագովությունը չերևա, ու Նիկոլ Փաշինյանը չթիրախավորվի Եկեղեցու ու պահպանողականների հասարակության կողմից: Այս սկանդալային նախագիծը Yerevan.Today-ի ձեռքի տակ է հայտնվել փետրվար ամսին, և անգամ քննարկումներից բավական լուրջ մանրամասների ենք տիրապետում, բայց միայն նշենք ամենակարևորը՝ իրականում այս նախագծին նախորդել են մի քանի մտացածին օպերացիաներ, որոնք, ըստ էության, նպատակ են ունեցել նախապատրաստել հանրային տրամադրությունները՝ այսպիսի օրինագծերի համար: Սեռափոխության օրինագծի նախերգանքը 2019 թ. Լիլիթ դարձած տրանսգենդեր Վաղարշակին ԱԺ ամբիոն բարձրացնելն էր ու սկանդալային ելույթը՝ անհանդուրժող պահպանողական հայերիս մասին: Հետո համացանցում հայտնվեց ԼԳԲՏ համայնքում հայտնի Կարաբինայի հետ ԿԳՄՍ նախարար Արայիկ Հարությունյանի ջերմ ընդունելության լուսանկարը՝ նախարարական աշխատասենյակում, ապա մարզիկ Մել Դալուզյանի սեռափոխվելու մասին ֆիլմի պրոպագանդան ու 20 մլն դրամով ֆինանսավորումը՝ Կրթության նախարարության կողմից: Առանձնակի հիշարժան է Մելի ֆիլմին Փաշինյանի սկանդալային արձագանքը՝ տրանսգենդերներին տիրություն անելու մասին։ Չմոռանանք, այս ամբողջ օպերացիայից առաջ դեռ հեղափոխության տաք օրերին ամնամեծ բումը առաջացրեց Շուռնուխում ԼԳԲՏ 9 ակտիվիստների ծեծի հայտնի միջադեպը, որին հետևեց նույնասեռականների հարձակումը ոստիկանության շենքի վրա ու մարմնական վնասվածքներով ոստիկանին հիվանդանոց տանելը: Մեր աղբյուրի հավաստմամբ, ԵՄ-ից խնդիր են դրել օգտագործել Փաշինյանի հեղինակությունն ու լծակները՝ հնարավորին հապճեպ հասնել Հայաստանում տրանսգենդերների իրավունքների լեգիտիմացմանը։ Այս ճնշումներին, սակայն, դիմադրո՞ւմ է Փաշինյանը, թե՝ ոչ, առաջիկայում պարզ կդառնա: Ընդգծենք, կարգով e-draft համակարգում նախագիծը դեռևս տեղադրված չէ, հավանաբար ընդդիմության ձևավորած օրակարգն է խանգարել:

5 օր առաջ Վարդենիկ-Զոլաքար գյուղերի ափամերձ հատվածում նավակով Սեւանա լիճ դուրս եկած եւ անհետացած երկու քաղաքացիներին դեռ չեն գտել: Մայիսի 11-ին, ժամը 05։40-ին Սևանա լճում որոնողական աշխատանքները վերսկսելու նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը, հատուկ ջրափրկարարական ջոկատից մեկ մարտական հաշվարկ և մեկ օպերատիվ խումբ: Ժամը 08։00-ի դրությամբ որոնողական աշխատանքները վերսկսվել են: Հիշեցնենք, որ մայիսի 6-ին, ժամը 18:16-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Վարդենիկ-Զոլաքար գյուղերի ափամերձ հատվածից երկու քաղաքացի նավակով դուրս են եկել Սևանա լիճ և չեն վերադարձել։

Մայիսի 10-ին ոստիկանության Կոտայքի բաժնում հիվանդանոցից հաղորդում է ստացվել, որ դանակահարված վիճակում բուժօգնության տեղափոխված 44-ամյա Էռնեստ Գրիգորյանը ժամը 09.00-ի սահմաններում մահացել է: Նախաքննությունը շարունակվում է:

Դասախոսների կրճատումներ և հաստիքների վերացում չի նախատեսվում. ԵՊՀ

Երևանում բախվել են Opel-ն ու Hayasa մոտոցիկլը, վերջինս կողաշրջվել է, մոտոցիկլավարը տեղափոխվել է հիվանդանոց

Մայիսի 10-ի երթը․ ԼՈՒՍԱՆԿԱՐՆԵՐ

Ադրբեջանի նախագահ Իլհամ Ալիևը կնոջ հետ այցելել է Արցախի Շուշի քաղաք, որը 44-օրյա պատերազմի հետևանքով այժմ գտնվում է Ադրբեջանի վերահսկողության տակ: Նրանք ծանոթացել են քաղաքում ընթացող շինարարական աշխատանքներին: Ալիևը Շուշիում հայտարարել է, որ «իրենք մեկընդմիշտ են վերադարձել այս հողեր, «հարազատ» (չակերտները՝ Tert.am) հողեր և այստեղ ապրելու են հավերժ»:

Այսօր մենք ցույց տվեցինք, որ եթե կազմակերպված ենք, վճռական ենք, ոստիկանությունը ուղղակի ի զորու չէ կատարել դավաճանի ցանկությունները: Ուրեմն շարունակելու ենք ավելի ուժեղ, ավելի վճռական: Վաղը՝ 16:00 Ֆրանսիայի Հրապարակ: Հոգնել չկա՛, նահանջել չկա՛:

Ահազանգ եմ ստացել այն մասին, որ այսօր՝ ժամը 07:15-ին, ոստիկանության աշխատակից ներկայացած, դիմակավորված, առանց տարբերանշանների և ինչ-որ անհասկանալի համազգեստով անձինք խաբեությամբ՝ խուզարկություն կատարելու պատրվակով մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան բերման ենթարկել ՀՀ ոստիկանության Կումայրիի բաժին, որտեղ վերջինս հարցաքննվել է, որից հետո՝ ազատ արձակվել: Օրեր առաջ էլ ձերբակալվել, ապա կալանավորվել է «Դիմադրության» շարժման մասնակից Դավիթ Ավագյանը այն հիմքով, որ վերջինս ՀՀ-ում չունի մշտական բնակության վայր, այնինչ, Դավիթ Ավագյանը Հադրութից է, պատերազմի արդյունքում կորցրել է իր տունն ու տեղափոխվել Երևան: Նա նաև նշել էր, որ վերջինիս խնամքին են գտնվում երեք անչափահաս որդիները: Սակայն ոստիկանությունը, հաշվի չառնելով այս հանգամանքը, ձերբակալել է վերջինիս, ապա բաժանմունքում փոխել զեկուցագրի բովանդակությունը և Դավիթ Ավագյանին վերագրել ենթադրյալ խուլիգանություն: Այսինքն, ստացվում է՝ քաղաքական այլախոհությունը պատժելու համար իշխանությունը պարտաստ է դիմել ցանկացած ոչ իրավաչափ գործողության՝ կալանավորելով անգամ պատերազմի արդյունքում իր տունը կորցրած մեր հայրենակցին և պատճառաբանելով, որ վերջինս ՀՀ-ում չունի մշտական բնակության վայր : Այս դեպքերի առթիվ շտապ գրություն եմ ուղարկել ՀՀ Գլխավոր դատախազ Արթուր Դավթյանին և խնդրել վերջինիս հանձնարարականը՝ հնարավոր իրավախախտում կատարած ոստիկանության աշխատակիցների շրջանակը պարզելու համար, միաժամանակ, ուսումնասիրության ենթարկելու նրանց գործողությունների իրավաչափությունը և դիտարկելու նրանց արարքներին համապատասխան իրավական գնահատական տալու հարցը, ինչպես նաև ընթացքի և արդյունքների մասին տրամադրել տեղեկություն։

Մայիսի 10-ին ժամը 19:00-ի սահմաններում Ստեփանակերտի «Վերածննդի» հրապարակում հնչել են կրակոցներ, որի հետևանքով վնասվել էր Ստեփանակերտ քաղաքի բնակչին պատկանող ավտոմեքենան, տեղեկացնում է Արցախի դատախազությունը։ «Դեպքի առթիվ հարուցվել է քրեական գործ Քրեական օրենսգրքի 269-րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ) և 245-րդ հոդվածի 1-ին մասով (ապօրինի կերպով հրազեն ձեռք բերելը, պահելը, փոխադրելը կամ կրելը) նախատեսված հանցանքների հատկանիշներով»,- ասված է հաղորդագրությունում։ Դատախազությունից հայտնում են, որ ենթադրյալ հանցագործության կատարման կասկածանքով ձերբակալվել է Արցախի Հանրապետության քաղաքացի Ս.Կ.-ն: ՍիվիլՆեթի տեղեկություններով ձերբակալվածը Արցախի պաշտպանության բանակի հրամանատարի նախկին տեղակալ, գեներալ-մայոր Սամվել Կարապետյանն է (Օգանովսկի)։

Հայտնի դերասան Սոս Ջանիբեկյանի հետ տեղի ունեցածը, անկախ այն հանգամանքից, որ հենց Սոսի կողմից սադրանքի մասին արդեն խոսել եմ, աներկբա դատապարտելի է: Առիթ ունեցել ենք մեր դիրքորոշումն այդ դեպքի առթիվ հայտնելու, որը հենված է օրինականության սկզբունքի պահպանման և ֆիզիկական հաշվեհարդարի բացառման սյուներին: Բայց մի մանիպուլյատիվ հանգամանք կա, որն այս իշխանությունը կիրառում է: Նրանք փորձում են Սոսին դարձնել հայրենապաշտ ու Արցախը սիրող մի գործչի, որն, իբր, մեծ բարեգործական ծրագիր է իրականացնում Արցախի բնակչության համար: Ինչի՞ մասին է խոսքը. Բարեգործական այդ ծրագիրը կոչվում է «100 Տուն Արցախում»: Սակայն այս նախագծում Սոսը, պարզվում է, սովորական վարձու աշխատող է: Այսինքն Սոսը որևէ կերպ, իր այդ գործունեությամբ, ոչ միայն որևէ բարեգործություն չի անում, այլ միանգամայն հակառակը, Սոսն իր անձնական բարեկեցությունն է ապահովում այդ նախագծին մասնակցելով: Այլ կերպ ասած՝ իրական բարեգործներն իրենց անձնական միջոցներից մաս են հատկացնում, որպեսզի Արցախում 100 տուն հատկացվի դրա կարիքն ունեցողներին, իսկ Սոսը հենց այդ միջոցներից ստանում է աշխատավարձ և իր անձնական միջոցներն ավելացնում: Ընդ որում առանձնահատուկ ընգծում եմ, որ սրանով Սոսին որևէ կերպ չեմ քննադատում, չեմ մեղադրում, նրա կատարած աշխատանքը չեմ արժեզրկում: Նա իր աշխատանքն է կատարում, որի դիմաց էլ ստանում է վարձատրություն: Բայց ակնհայտ է, որ նրան այդ աշխատանքով պայմանավորված բարեգործ կամ մեծ հայրենասեր դարձնելը սոսկ մանիպուլյատիվ հնարք է, որն այս իշխանությունն անում է հնարավոր ամեն քայլին: Ի դեպ, սա նույնն է, թե Համահայկական հիմնադրամի տնօրենին վերագրենք մեծ բարեգործի դերը, մինչդեռ բոլորս գիտենք, որ նա ընդամենը կառավարում է մեծ բարեգործների հանգանակած գումարները: Դրա համար ստանում է բարձր աշխատավարձ և այդպիսով բարելավում է իր անձնական միջոցները:

Երեկ երեկոյան՝ ժամը 19:00-ի սահմաններում, Ստեփանակերտ քաղաքի «Վերածննդի» հրապարակում հնչել են կրակոցներ, որի հետևանքով վնասվել էր Ստեփանակերտ քաղաքի բնակչին պատկանող ավտոմեքենան: Արցախի դատախազությունից հայտնում են, որ դեպքի առթիվ ձեռնարկված քննչական և դատավարական գործողությունների արդյունքների հիման վրա ԱՀ քննչական կոմիտեի քննիչի կողմից հարուցվել է քրեական գործ ԱՀ քրեական օրենսգրքի 269-րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ) և 245-րդ հոդվածի 1-ին մասով (ապօրինի կերպով հրազեն ձեռք բերելը, պահելը, փոխադրելը կամ կրելը) նախատեսված հանցանքների հատկանիշներով: Ենթադրյալ հանցագործության կատարման կասկածանքով ձերբակալվել է Արցախի Հանրապետության քաղաքացի Ս.Կ.-ն: Կատարվում է նախաքննություն, որի ընթացքի ու արդյունքների մասին կտրվի հավելյալ տեղեկություն:

«Ժողովուրդ» օրաթերթը գրում է. «Ոչ հեռավոր 2016-ին այն ժամանակ ընդդիմադիր պատգամավոր Նիկոլ Փաշինյանն Ազատության հրապարակում, անդրադառնալով նոր-նոր ստեղծված «Քաղաքացիական պայմանագիր» կուսակցության սկզբունքներին ու դրույթներին, վստահեցնում էր, թե իրենք Ադրբեջանի հետ Ղարաբաղի հարցի կարգավորման վերաբերյալ երբեք չեն բանակցի, եթե գործընթացից բացակա է Արցախի Հանրապետության ներկայացուցիչը: «Այս իմաստով խստորեն դատապարտում ենք Հայաստանի Հանրապետության որեւէ բանագնացի՝ Ղարաբաղի հարցի կարգավորման շուրջ Ադրբեջանի հետ բանակցելը՝ Լեռնային Ղարաբաղի Հանրապետության ներկայացուցչի բացակայության պայմաններում»,- Ազատության հրապարակից հայտարարում էր Փաշինյանը: 2018-ի քաղաքական վերադասավորումներից ու Նիկոլ Փաշինյանի՝ իշխանության գալուց հետո Հայաստանի ու Ադրբեջանի պատվիրակություններն Արցախյան հարցի շրջանակներում հանդիպել են մեկ տասնյակից ավելի անգամներ: Փաշինյանն ու Ալիեւն առանց Արցախի ներկայացուցչի մեկ սեղանի շուրջ նստել են թե՛ 44-օրյա պատերամից առաջ, թե՛ դրանից հետո, հետեւաբար Փաշինյանի հավաումները, ստիացթե առանց Արցախի ներկայացուցչի ինքը երբեք ու երբեք որեւէ բանակցության չի մասնակցի, ակնհայտ սուտ էր: Նույն օրը՝ 2016-ի սեպտեմբերի 10-ին, նա հայտարարում էր նաեւ. «Քանի դեռ Ադրբեջանը շարունակաբար հոխորտում է, որ ոչ միայն Ղարաբաղը, այլեւ Երեւանն ու Սեւանա լիճը իրենն են, պաշտոնական Երեւանի հայտարարությունները փոխզիջման պատրաստակամության վերաբերյալ ոչ այլ ինչ են, քան կապիտուլյացիոն ձեւակերպումներ… Քանի դեռ պաշտոնական Բաքուն հայտարարում է, թե Ստեփանակերտի վրա ադրբեջանական դրոշ պետք է ծածանվի, հայկական քաղաքական բառապաշարից փոխզիջում բառը պետք է արմատախիլ անել»: Կապիտուլյացիա բառն այժմ չհանդուրժող ու դրա դեմ կատաղի պայքար տվող իշխանավորները, փաստորեն, 2016-ին ՀՀ իշխանությունների համար կապիտուլյացիա են համարել անգամ Բաքվի պաշտոնյաների շուրթերից հնչող հայտարարությունները: Այժմ, սակայն, 2022-ի ապրիլի 13-ին ԱԺ ամբիոնից Փաշինյանը հայտարարում է ոչ միայն փոխզիջումների, այլեւ Արցախյան հարցի նշաձողն իջեցնելու մասին: Այսպիսով, Նիկոլ Փաշինյանը խաբել է ՀՀ քաղաքացիներին»:

«Գիտեմ, «Իշխանություն» ֆիլմից հետո իմ դեմքը հակակրանք է առաջացնում։ Իմ մոտ էլ էր նույնը։ Իրականում շատ դժվար է խաղալ տիեզերական մասշտաբի․․․ բացասական կերպար»,- Ֆրանսիայի հրապարակում ընթացող հանրահավաքի ժամանակ ասաց դերասան Լևս Դավթյանն ու շարունակեց․ «Մենք Հայաստանը մաքրելու ենք թուրքի առաջ չոքածներից։ Մենք ապրելու ենք արժանապատիվ ու մեր պայքարը հաջողելու է, որովհետև այստեղ հավաքված են ուժեղ, հզոր, հայրենասիր իսկական երիտասարդներ, ես ձեր ցավը տանեմ»։ Անդրադառանալով հարցերին, թե դերասանները ինչու են մտել քաղականություն, նա ասաց, որ սա պայքար է հանուն արժանապատվության։

ԲՀԿ նախագահ Գագիկ Ծառուկյանը ֆեյսբուքյան էջում գրել է․ «Այսօր ամփոփվեց Հիսուս Քրիստոսի մոնումենտալ արձան-համալիրի նախաձեռնության մրցութային փուլը: Հանձնախումբը և ժողովուրդը համակարծիք էին: Շնորհավորում եմ տաղանդավոր քանդակագործ Արմեն Սամվելյանին և շնորհակալ եմ բոլորին՝ պատասխանատու և պրոֆեսիոնալ մոտեցման համար: Ուրախ եմ, որ Փրկչի մոնումենտալ արձան-համալիր ունենալու գաղափարը համախմբել էր քանդակագործների՝ Հայաստանից, Արցախից և Սփյուռքից: Շնորհակալ եմ հանձնախմբին՝ ավելի քան 4 ամիս շարունակ սրտացավ աշխատանքի համար: Հայաստանը պետք է կարողանա նորովի ներկայանալ աշխարհին. մենք հին մշակույթով, հին գրականությամբ, հին պատմությամբ ազգ ենք, և աշխարհը մեզ այդպես պետք է ճանաչի»։