Լրահոս

ԿԳՄՍ նախարարությունն առաջարկում է փոփոխություն կատարել նախարարի 2021 թվականի օգոստոսի 17-ի N 65-Ն հրամանում։ Ներկայում Կրթության կառավարման տեղեկատվական համակարգում (ԿԿՏՀ) գրանցված են Հայաստանում գործող նախադպրոցական, հանրակրթական, նախնական (արհեստագործական), միջին մասնագիտական, բարձրագույն մասնագիտական և հետբուհական հիմնական կրթական ծրագրեր իրականացնող բոլոր ուսումնական հաստատությունները՝ անկախ կազմակերպական-իրավական ձևից և ենթակայությունից։

Նախօրեին Նիկոլ Փաշինյանը հայտարարեց․ «Կտրիճ Ներսիսյանը պետք է ազատի Վեհարանը»... «Ապրեք աղոթքով, պահեցողությամբ, ծոմապահովությամբ եւ պատրաստվեք մեծ հոգեւոր հանդիպմանն Էջմիածնի կենտրոնական հրապարակում»:

Ի տարբերություն իշխանական թիմի բարձրաձայնող անդամների՝ Ավինյանը չի գրում ֆեյսբուքյան ստատուսներ, հրապարակային հայտարարություններով հանդես չի գալիս եւ խուսափում է կտրուկ գնահատականներից, անգամ երբ հարցը վերաբերում է երկրում ամենահին ազգային կառույցներից մեկին՝ Հայ Առաքելական եկեղեցուն։

Թեմայի հետ կապված անդրադարձում մասնավորաբար «Հանրապետության հրապարակ» տելեգրամյան ալիքը գրում է, որ Փաշինյան-Ալիև տանդեմն ամեն ինչ արեց, որպեսզի Արցախը հանձնվի, հայաթափվի, ադրբեջանական զորքերն էթնիկ զտումներ իրականացնեն Արցախում ու այսօր Ստեփանակերտում ծածանվի ադրբեջանական դրոշը. «Նույն ճակատագիրը սպասվում է նաև Սյունիքին, եթե Փաշինյանն ու նրա թրքամետ ու փողասեր խմբակը մնա իշխանության և վերարտադրվի նաև 2026 թվականին»:

Մինչ ընդդիմադիր դաշտում ծանութեթեւ են անում Եկեղեցու դեմ գրոհին հակազդելու հարցը, ավելի ճիշտ` սպասում են Վեհափառի կոչին եւ չեն ուզում ռիսկի գնալ ու պայքարն առաջնորդելու կոչեր հնչեցնել, միայն հարցազրույցներ են տալիս, թե Եկեղեցու դեմ պատերազմը պետության լուծարման է հանգեցնելու, իսկ Փաշինյանը կազմակերպչական աշխատանք է տանում:

Վերջինս զրպարտության եւ վիրավորանքի համար դիմել է դատարան` ընդդեմ Թորոսյանի, եւ պահանջել է հայցի ապահովման միջոց կիրառել` արգելանք դնել նրա հաշիվների վրա։

Հուլիսի 20-ին Նիկոլ Փաշինյանը փաստացի հայտարարել է Ամենայն հայոց կաթողիկոս Գարեգին Երկրորդի հրաժարականի անհրաժեշտության մասին։ Հրապարակած ուղերձում նա նշել է. «Կտրիճ Ներսիսյանը (Գարեգին Երկրորդի աշխարհիկ անունը) պետք է ազատի Վեհարանը... Պատրաստվեք Մեծ հոգևոր հանդիպման Էջմիածնի կենտրոնական հրապարակում»։ Ավելի վաղ՝ հուլիսի 16-ին կայացած մամուլի ասուլիսում Փաշինյանը հայտարարել է, որ պատրաստ է գլխավորել «հեղափոխությունը» Հայ առաքելական եկեղեցում՝ համեմատելով այն իր իշխանության գալու՝ 2018 թ. շարժման հետ, երբ պաշտոնից հեռացվեց նախագահ Սերժ Սարգսյանը։

Արաբկիր վարչական շրջանի ղեկավարի պաշտոնակատար, Տիգրան Ավինյանի մտերիմ Սուրեն Վարոսյանը, որն առաջ կառավարությունում էր աշխատում, ապա Ավինյանի արարողակարգի պետն էր, իր տեղակալ է նշանակել ՔՊ-ական Գեւորգ Վարոսյանին։

Ինչ անուն էլ տան, կամ ինչ ձևակերպումներ էլ տան, բառիս բուն իմաստով հենց սա է միջանցքը, որը Ալիևը ակնկալում ու փաստացի ստանում է Նիկոլ Փաշինյանից։ Վերջինս ու նրա քպական իշխանությունը չեն ասում, որ լինելու է միջանցք, փորձում են հանրությանը համոզել, թե իբր բան չի փոխվում, այդ ամենը փաթեթավորում են անիմաստ բառակույտերով, Եկեղեցու դեմ արշավանքի «ընդմիջումներին» վարչապետի մամուլի քարտուղարի շուրթերով կիսահերքումներ են տարածում («քաղաքացիների և նրանց ներկայացված փաստաթղթերի համապատասխանությունը չի կարող չստուգվել, իսկ անհամապատասխանության դեպքում նրանց մուտքը ՀՀ տարածք չի կարող թույլատրվել» և այլն), բայց իրականում զիջում են տարածքի սուվերենությունը։

«Երևանից մինչև Իջևան ամենուր մեծաթիվ ոստիկաններ են,ովքեր հսկում են ճանապարհները,հետիոտնի անցումները։ Իջևան քաղաքում ասացին , որ Նիկոլ Փաշինյանը Իջևան քաղաքին կից Գետահովիտ գյուղի «Գետահովիտ ռեզորթ» ռեստորանում քեֆ է անում ։Ահա և ժողովրդի ծոցից ելած հեծանվորդը»։

Համայնքային ոստիկանության Արմավիրի բաժնի ծառայողներն օպերատիվ տեղեկություն էին ստացել, որ Երևանի 88-ամյա բնակիչը Հացիկ գյուղում գտնվող իր տնամերձ հողամասում կանեփ է աճեցնում, ինչպես նաև պահում է կանեփի չորացված զանգված։

Աղետալի ջրանջատումների ահազանգերով Փարաքար է գնացել «Հայլուր»-ի նկարահանող խումբը: 10 օրից ավելի է՝ խմելու ջուր չունեն փարաքարցիները: Խանութներում ջուրը արագ դատարկվում է, ոմանք էլ ի վիճակի չեն ամեն օր ջուր առնելու: Այսօր «Հայլուր»-ի հարցմանը պատասխանելով՝ «Վեոլիա ջուր» ընկերությունը հայտնել է, որ պարզել են ջրանջատումների պատճառը, բնակիչները ինքնագործունեությամբ են զբաղվել, փակել են թաղամասը սնող հանգույցներից մեկը:

Այսօր՝ հուլիսի 21-ին, խոշոր հրդեհ է տեղի ունեցել Կոտայքի մարզում։ Այս մասին հայտնում է Shamshyan.com-ը։ Ժամը 18։20-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Բջնի բնակավայրի վարչական տարածքում գտնվող սարերի խոտածածկույթում հրդեհ է բռնկվել։

«Ամենայն հայոց կաթողիկոսին Վեհարանից հեռացնելու և վերջինիս պաշտոնազրկելու մասին Նիկոլ Փաշինյանի հայտարարությունները և ծրագրվող գործողությունները ծանր և առանձնապես ծանր հանցագործություններ իրականացնելու նախապատրաստություն են։ Մասնավորապես, այդ գործողություններով խոչընդոտվելու է Մայր Աթոռի բնականոն գործունեությունը: Այդ կոչերը պարունակում են բռնության գործադրման կամ դրա կիրառման սպառնալիքի պայմաններում Ամենայն հայոց կաթողիկոսին պատանդառելու, նրան հրաժարական պարտադրելու, զանգվածային անկարգություններ հրահրելու և կազմակերպելու քրեորեն պատժելի արարքներ։ Առ այդ, դիմում ենք հանրությանը՝ չտրվե´լ Նիկոլ Փաշինյանի հակասահմանադրական և հակաիրավական սադրանքներին, չմասնակցե´լ նրա կողմից Վեհարան արշավելու ծրագրին, չդառնա´լ քրեական օրենսգրքով պատժելի համարվող խուլիգանության, զանգվածային անկարգությունների և այլ ծանր հանցագործությունների մասնակից։

Եթե Սիրիայում «Հայաթ Թահրիր աշ–Շամի» գլխավորությամբ իշխանության եկած Ահմեդ աշ–Շարաան (ալ–Ջուլանի) կարողանա Թուրքիայի օժանդակությամբ մնալ իշխանության և պահպանել Սիրիայի միասնականությունը, ապա ամենայն հավանականությամբ Մերձավոր Արևելքում կձևավորվի նոր տանդեմ՝ Թուրքիա–Սիրիա–Ադրբեջան–Պակիստան։ Թուրքիան այս ուղղությամբ ներդրել է հսկայական ռեսուրսներ և ամեն ինչ անում է, որպեսզի Ահմեդ աշ–Շարաան (ալ–Ջուլանի) հաջողի։ Թուրքական TRT-ն հաղորդում է, որ այս ընթացքում թուրքական հետախուզությունը կարողացել է չեզոքացնել ալ–Ջուլանիի դեմ մի քանի մահափորձ։ Եթե սրան գումարենք նաև Իսրայելի կողմից Դամասկոսի հրթիռակոծությունը, որի ժամանակ նաև նախագահական պալատն էր ենթարկվել հարվածների, ապա ակնհայտ կդառնա, որ Սիիրիան մոտ ապագայում չի կարող ապահովել ներքին անվտանգություն և միասնականություն։ Այս պահին Սիրիայի ներսում կան երեք ամենաակնառու հակամարտության օջախները՝ քրդական, ալեվիական և հարավում՝ դրուզական։

Փաշինյանի՝ Էջմիածին արշավանքը չեն պատրաստվում գրկաբաց ընդունել հոգևոր մայրաքաղաքում: Փաշինյանի՝ Վեհարանը ազատելու օպերացիան էջմիածինցիները չեն աջակցում, համենայն դեպս նրանք, ովքեր այսօր խոսել են «Հայլուր»-ի տեսախցիկի առաջ: «Փոքր մարդիկ չեն կարող այդպիսի հարցեր որոշել»,- ասել է հարցվածներից մեկը: Հայաստանի ղեկավարը կիրակնօրյա ստատուսով էր կոչ արել պատրաստվել մեծ հոգևոր հանդիպման Էջմիածնի կենտրոնական հրապարակում։

Ուժեղ քամու հետևանքով ընկած ծառերը վնասել են միջին և ցածր գազատարներ, ինչի պատճառով հուլիսի 21-ին՝ ժամը 15:10-ից, դադարեցվել է Գեղարքունիքի մարզի Վարդենիս քաղաքի Վ․ Համբարձումյան և Գայի փողոցների գազասպառողների, ինչպես նաև Ակունք բնակավայրի գազասպառողների գազամատակարարումը։ Այս մասին հայտարարություն է տարածել Գազպրոմ Արմենիան։

Նոր ինտրիգներ են հասունանում այս անգամ ոչ թե ՀԷՑ-ի շուրջ, այլ՝ արդեն ներսում: Այսօր առաջին անգամ որպես կառավարիչ ՀԷՑ է գնացել Ռոմանոս Պետրոսյանը: Նա պահանջել է, որ ընկերության գլխավոր տնօրենի ժամանակավոր պաշտոնակատար Դավիթ Ղազինյանը հրաժարականի դիմում գրի: Ղազինյանը հայտնել է, որ այդպիսի միտք չունի, բայց չի բացառում, որ նրա բառով՝ «բեսպրեդելով» անեն, ինչ ուզեն:

Մոսկվայում հորդառատ անձրևները մեկ ամսվա նորմայի չափ են եղել: Մեքենաները ծածկել է ջուրը, արմատախիլ արել հաստաբուն ծառեր:

Արդեն մի քանի օր է՝ Shamshyan.com-ը ահազանգեր է ստանում Արարատի մարզի Ավշար գյուղի բնակիչներից, ովքեր արդարացիորեն իրենց զայրույթն են ուղղում «Վեոլիա Ջուր» ընկերության Արարատի տեղամասի պատասխանատուներին։