Լրահոս

Կառավարության թիվ N 702-Ն որոշման համաձայն՝ նոյեմբերի 1-ից՝ այսօրվանից, ՀՀ մուտքի կամ ելքի սահմանահատման կնիքի վրա այլեւս չի լինելու Արարատ լեռան պատկերը, չեն լինելու նաեւ այլ տեղեկություններ՝ բացառությամբ սահմանահատման վերաբերյալ ինֆորմացիայի:

Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակը հոկտեմբերի 22-28-ը (2025թ.)։ Փոշու պարունակությունը գերազանցել է սահմանային թույլատրելի կոնցենտրացիան․ -Կենտրոնում՝ հոկտեմբերի 25-ին և 27-ին, -Արաբկիրում՝ հոկտեմբերի 26-ին և 28-ին, -Նոր Նորքում՝ չի գերազանցել, -Շենգավիթում՝ չի գերազանցել։ Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․ -Նոր Նորքում՝ ամբողջ շաբաթ, -Արաբկիրում՝ հոկտեմբերի 22-26-ը, -Շենգավիթում` հոկտեմբերի 23-ին և 26-28-ը, -Կենտրոնում՝ հոկտեմբերի 22-27-ը։ Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան։

Մեր ունեցած տեղեկություններով, նոյեմբերի 12–ին Հայաստան է ժամանելու ԱՄՆ նախագահ Դոնալդ Թրամփի որդին՝ Թրամփ կրտսերը։

Փաշինյանը որոշել է՝ ՔՊ համագումարի պատվիրակները պետք է ընտրեն 2026 թ. նախընտրական ցուցակի առաջին 30 համարներին։ 

Վերջին օրերին որոշ թուրքական պորտալներում շրջանառվում են հրապարակումներ այն մասին, թե իբր Հայաստանը խաղաղության բանակցությունների քողի տակ զինվում է և պատրաստվում նոր պատերազմի։ Սրանք, անշուշտ, հրապարակ նետվող կեղծ թեզեր են. ինչպես նշում են փորձագետները, իրականում հենց Թուրքիան է փորձում սրել իրավիճակը, իսկ, ըստ USAID-ի նախկին աշխատակիցների կողմից վերջերս հրապարակված տեսանյութի, այս ամենի ետևում կանգնած է Մեծ Բրիտանիան։

ՔՊ վարչության որոշ անդամներ մտահոգ են նախընտրական ցուցակի ձեւավորման գործընթացի կապակցությամբ: Բանն այն է, որ Փաշինյանը որոշել է՝ ՔՊ համագումարի պատվիրակները պետք է ընտրեն 2026 թ. նախընտրական ցուցակի առաջին 30 համարներին։

Հիշեցնենք, որ շաբաթ օրը հայաստանյայց Առաքելական սուրբ եկեղեցու Արագածոտնի թեմի մի խումբ հոգեւորականներ հայտարարության միջոցով տեղեկացրին, որ 19 քահանայի եւ 2 սարկավագի փոխանցվել են Քննչական կոմիտեի ծանուցագրեր կիրակի օրը՝ ժամը 9։00-ին, հարցաքննությանը ներկայանալու պահանջով։ Հասկանալի է, որ սա ոչ թե իրավական, այլ քաղաքական քայլ էր՝ Հովհաննավանքում կայանալիք պատարագից առաջ մյուս բոլոր հոգեւորականներին Արագածոտնի թեմից «հավաքելու» նպատակով, որպեսզի Մայր Աթոռի կողմից կարգալույծ հռչակված Ստեփան Ասատրյանը (նախկինում՝ Տեր Արամ քահանա), Նիկոլ Փաշինյանին դիմավորեր վանքում, պատարագ մատուցեր եւ հաղորդություն տար: Ծանուցման հեղինակը Երեւանի քննչական վարչության ավագ քննիչ Նազելի Սարգսյանն էր:

Երեւանի քաղաքապետ Տիգրան Ավինյանը երեկ խորհրդարանի մշտական հանձնաժողովների նիստում մասնակցում էր բյուջեի նախագծի քննարկումներին։

Արհեստական բանականության ռիսկերը քննարկելու համար շուրջ 150 մասնագետ է հավաքվել Երևանում: Յուքումն է միջազգային կոնֆերանսի գործընկերը:

Բաքուն պաշտոնապես հաստատել է` Ալիևը չի մասնակցի Երևանում կայանալիք Եվրոպական քաղաքական համայնքի գագաթնաժողովին։

Հանրային ծառայությունները կարգավորող հանձնաժողովը հերքում է, թե Նարեկ Կարապետյանի առաջարկած սխեմայով Էլեկտրաէներգիան հնարավոր է` էժանանա: ՀԷՑ-ի տնօրենների խորհրդի նախագահի հաշվարկով՝ 1 կիլովատի համար հնարավոր է էժանացնել էլեկտրաէներգիան շուրջ 3 դրամով: «Տաշիր կապիտալը» այսօր նորից դիմել է ՀԾԿՀ-ին հոսանքը՝ բացառապես ընկերության և Սամվել Կարապետյանի շահույթի հաշվին էժանացնելու առաջարկով:

Մոնտենեգրոյի Բուդվա քաղաքում ընթացող շախմատի Եվրոպայի 8-18 տարեկան պատանիների և աղջիկների առաջնության 2-րդ խաղափուլից հետո 10 հայ շախմատիստներ ունեն հարյուր տոկոսանոց արդյունք, հայտնում են Հայաստանի շախմատի ֆեդերացիայից։

Սյունիքի մարզի գումարտակի պարեկները հոկտեմբերի 30-ին Վերին Խոտանան բնակավայրում ծառայություն կատարելիս ստուգել են կայանված «Ֆորդ» մակնիշի մի մեքենայի, որի բեռնախցիկում հայտնաբերել են մոտ 4 խմ փայտանյութ։

Դատարանը որոշել է փոխել անհետ կորածի հարազատ Արսեն Ղուկասյանի խափանման միջոց կալանքը՝ տնային կալանքով, 1 մլն դրամ գրավով ու բացակայելու արգելքով: Փաստաբանները այսօրվա դատական նիստին են ներկայացրել Արսեն Ղուկասյանին ազատ արձակելու միջնորդությունը: Փաստաբան Տաթևիկ Սողոյանը իրենց միջնորդությունը հիմնավորել է նրանով, որ Արսեն Ղուկասյանը իր անհետ կորած հարազատին է փնտրում ու վստահաբար փախչելու միտք չունի: Ղուկասյանի առողջական վիճակը կալանքը կրելիս վատացել է, շնչահեղձություն է ունենում:

Բաքվում ավարտվել է Արցախի ռազմաքաղաքական ղեկավարների, բացառությամբ Ռուբեն Վարդանյանի, և մյուս գերիների «դատավարությունը»։

Այս տարի ամբողջությամբ կփոխարինվեն Երևանում տեղադրվող՝ երկրի գլխավոր տոնածառի ճյուղերն ու լուսավորությունը։ Այդ աշխատանքների համար քաղաքային իշխանությունները կծախսեն մոտ 50 մլն դրամ (շուրջ 130 հազար դոլար)։ Այս մասին Sputnik Արմենիային հայտնեց քաղաքապետարանի գովազդի վարչության պետ Արմեն Առաքելյանը։ 

Տարածքային կառավարման և ենթակառուցվածքների նախարար Դավիթ Խուդաթյանը այսօր վստահեցրել է, թե 2026-ին կառավարությունը 300 դպորց կառուցած կլինի: «Հայլուր»-ի թղթակից Արփի Սուքիասյանը պարզել է, որ նույն նախարարն անցած տարի էլ իր քավոր Նիկոլ Փաշինյանին էր վստահեցրել, թե Այգեվանի մանկապարտեզը հոկտեմբերին կբացվի: Այսօր, երբ Խուդաթյանը բողոքում է, որ իրեն չեն հավատում, թե դպրոցները կառուցված կլինեն, ըդդիմադիրները հիշեցնում են՝ 2026-ին մի քանի ամիս է մնացել, իսկ խոստացված 300 դպրոցից ընդամենը 59-ն է կառուցված:

Հոկտեմբերի 28-ին ողբերգական դեպք է տեղի ունեցել Վայոց ձորի մարզում։ Ժամը 07:20-ի սահմաններում «Վայք» շտապ բուժօգնության բժիշկների խումբ ահազանգել է ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Վայքի բաժին և հայտնել, որ ժամը 05:40-ի սահմաններում բժիշկների հերթապահ խումբը կանչով մեկնել է Վայոց ձորի բնակավայրերից մեկի սեփական տուն, որտեղ հայտնաբերել են երեխայի դի։

Ալիևը թանկարժեք նվեր չի տա Փաշինյանին՝ ընտրությունների շեմին. Երևանում նրան անհամբեր սպասողներ կան

Հայաստանի Հանրապետությունը դարձել է Լատինական Ամերիկայի ինտեգրման ասոցիացիայի դիտորդ պետություն։ Այս մասին տեղեկացնում են ՀՀ ԱԳՆ-ից: